Saturday, December 4, 2010

സഹസ്രം (Sahasram)

മഹാ അത്ഭുതം അണ്ണാ മഹാ അത്ഭുതം

എന്താടെ എത്ര അത്ഭുതം? കേരള പോലീസ് ഹെല്‍മറ്റ് പിടിത്തം നിര്‍ത്തി കള്ളന്മാരെ പിടിച്ചു തുടങ്ങിയോ?

ഛീ എവിടുന്നു ? സിനിമ കാര്യം പറയുമ്പോള്‍ അണ്ണന്‍ ഇതെന്തോന്ന് ഒരുമാതിരി വര്‍ത്തമാനം ?

ശരി ഇതു പടം കണ്ടത് ? ബെസ്റ്റ് ആക്ടര്‍ ഇറങ്ങിയോടെ? കണ്ടഹാര്‍ ....?

ചുമ്മാതിരി അണ്ണാ ഇതു അതൊന്നുമല്ല . സുരേഷ് ഗോപി , ബാലാ എന്നിവര്‍ അഭിനയിച്ച ഒരു കുറ്റാന്വേഷണ ചിത്രമാ ഞാന്‍ കണ്ടത് .

സുരേഷ് ഗോപി , ബാല , കുറ്റാന്വേഷണം ..... ഐയ്യോ (ഡിം)

അണ്ണാ കണ്ണ് തുറക്ക് എന്ത് പറ്റി..

എടാ മഹാ പാപി ... നീ ആ റിംഗ് ടോണ്‍ സീ ഡി എടുത്തു കണ്ടു അല്ലെ ......

അല്ല അണ്ണാ ഇതു പുതിയ പടം സഹസ്രം ... ഇറങ്ങിയത്‌ അറിഞ്ഞില്ലേ.

എടേ നിന്റെ ചങ്കൂറ്റം സമ്മതിക്കാതെ വയ്യ കന്യാകുമാരി എക്സ്പ്രസ്സ്‌ ഉം സദ്‌ഗമയയും ഒക്കെ കണ്ടിട്ടും നീ പിന്നെയും ഇതിനൊക്കെ കേറുന്നല്ലോ!!! ഭയങ്കരം തന്നെ . ശരി എന്തായാലും കണ്ടതല്ലേ പറ കേള്‍ക്കട്ടെ വിശേഷങ്ങള്‍ .

ഡോക്ടര്‍ ജനാര്‍ദ്ദനന്‍ ആണ് ഈ ചിത്രം സംവിധാനം ചെയ്തിരിക്കുന്നത് തൃലോക് productions ആണ് ചിത്രം നിര്‍മ്മിചിരിക്കുനത് . അഭിനയിക്കുന്നത് സുരേഷ് ഗോപി,ബാല,കാതല്‍ സന്ധ്യ,സരയു,ലക്ഷ്മി ഗോപാല സ്വാമി , ജഗതി,റിസ ബാവ,മധു,കൊച്ചു പ്രേമന്‍,കോട്ടയം നസീര്‍,സുരേഷ് കൃഷ്ണ,ഇന്ദ്രന്‍സ്,കൊല്ലം തുളസി മുതലായവരാണ് ,സംഗീതം ജയചന്ദ്രന്‍.

ഇങ്ങനെ വലിച്ചു നീട്ടണ്ട. നിന്‍റെ കാശു പോയി എന്ന് പറഞ്ഞാല്‍ പോരെ .

തോക്കില്‍ കേറി വെടി വെക്കല്ലേ അണ്ണാ കഥയെ പറ്റി കൂടെ ഒന്ന് പറഞ്ഞോട്ടെ.

ശരി പോരട്ടെ

മയക്കു മരുന്നിനു അടിമയെങ്കിലും പ്രതിഭാശാലിയായ ആര്‍ട്ട്‌ ഡയറക്ടര്‍ വൈശാഖന്‍ (ബാല).ഉയര്‍ന്നു വരുന്ന വില്ലന്‍ നടനും മന്ത്രീ പുത്രനും അയ സുധീപ് (സുരേഷ് കൃഷ്ണ ).വൈശാഖന്‍ ന്‍റെ കാമുകിയും നടിയുമായ യമുനയുടെ (സരയു) ആത്മഹത്യക്ക് ഉത്തരവാദി സ്ത്രീ ലമ്പടനായ സുധീപ് ആണെന്ന കാരണം കൊണ്ട് വൈ ശാ ഖന് സുധീപിനോട് കടുത്ത ശത്രുത ഉണ്ട്.പലപ്പോഴും ഇവര്‍ തമ്മില്‍ വാക്കേറ്റവും ഉന്തും തള്ളും ഉണ്ടാകാറുണ്ട്.ഏവര്‍ക്കും രണ്ടു പേരുമായും അടുപ്പമുള്ള production controller (ജഗതി) പലപ്പോഴും പ്രശ്നങ്ങള്‍ വഷളാകാതെ നോക്കുന്നത് .അങ്ങനെ ഇരിക്കെ ഇവര്‍ എല്ലാരും ഒരുമിച്ചു ചെയ്യുന്ന പുതിയ ചിത്രത്തിന്റെ പണി തുടങ്ങുന്നു.നിര്‍മാതാവ് (കൊച്ചു പ്രേമന്‍ )സംവിധായകന്‍ (കോട്ടയം നസീര്‍ ). ചിത്രത്തിന്റെ പേര് യക്ഷി അമ്പലം.പൊളിച്ചു ഒരു സൂപ്പര്‍ speciality ഹോസ്പിറ്റല്‍ ഉണ്ടാക്കാനായി മാറ്റി വെച്ചിരിക്കുന്ന മനശാസ്ത്ര വിദഗ്തയായ ഡോക്ടര്‍ (ലക്ഷ്മി ഗോപാലസ്വാമി )ടെ പഴയ ഒരു മനയില്‍ വെച്ചാണ്‌ ഷൂട്ടിംഗ് പ്ലാന്‍ ചെയ്യുന്നത് ഡോക്റെരുടെ അച്ഛനായി റിസ ബാവ അഭിനയിക്കുന്നു.ദുര്‍മരണങ്ങള്‍ നടന്ന ഒരു ഇല്ലം ആണ് ഇതു.സെറ്റിന്റെ പണിക്കായി ആദ്യമേ എവിടെ എത്തുന്ന വൈശാഖന് അവിടെ പ്രേതസാന്നിധ്യം ഉള്ളതായി തോന്നുന്നു.അടുപ്പം ഉള്ളവരോട് പറയുന്നു എങ്കിലും മയക്കു മരുന്ന് ഉപയോഗിക്കുമ്പോള്‍ ഉള്ള തോന്നലുകളായി അവയെ എല്ലാരും തള്ളി കളയുന്നു.നായികയായി വരുന്ന പുതുമുഖം സുപ്രിയ (കാതല്‍ സന്ധ്യ) വൈശാഖന്‍റെ അസ്വസ്ഥതകള്‍ക്കു ആക്കം കൂടുന്നു.ഒടുവില്‍ സുധീപുമായി നല്ലൊരു വഴക്ക് കഴിഞ്ഞു ചിത്രത്തില്‍ നിന്നു പുറം തള്ളപ്പെട്ട ദിവസം രാത്രി ഷൂട്ടിംഗ് നിടയില്‍ കറന്റ്‌ പോകുന്ന ഒരു ചെറിയ ഇടവേളയില്‍ സുധീപ് അജ് ഞാതന്‍ അയ ഒരാളുടെ കുത്തേറ്റു മരിക്കുന്നു.സ്വാഭാവികമായും സംശയം വൈശാഖനെ.പോലീസ് വൈശാഖനെ അറസ്റ്റ് ചെയുന്നു.കേസ് അന്വേഷിക്കാനായി വിഷ്ണു സഹസ്രനാമം ഐ പി എസ് (സുരേഷ് ഗോപി ) എത്തുന്നു.കേസ് അന്വേഷണവും അതിന്റെ പരിണാമവും ആണ് കഥയുടെ പിന്നീടുള്ള ഭാഗം.

കേട്ടിട്ട് സുരേഷ് ഗോപിയുടെ സ്ഥിരം വളിപ്പ് പടം പോലെ ഉണ്ടല്ലോ. സഹിക്കമോടെ ?

അണ്ണാ ഇതാണ് ഞാന്‍ നേരത്തെ പറഞ്ഞ അത്ഭുതം. ഈ മാസം മാത്രം ഇറങ്ങിയ കുറെ ത്രില്ലര്‍ ചിത്രങ്ങള്‍ (അഥവാ അങ്ങനെ അവകാശപ്പെടുന്നവ ) കണ്ടു പണ്ടാരം അടങ്ങിയ മനുഷ്യനാണ് ഞാന്‍.ഒരു പ്രതീക്ഷയും ഇല്ലാതെ ഈ ബ്ലോഗിനെയും പ്രാകിയാണ് ഞാന്‍ പടത്തിനു കയറിയത്.ഇടവേള വരെ കുഴപ്പം ഇല്ലാതെ പോയ പടം കണ്ടപ്പോള്‍ എനിക്ക് സത്യമായും സങ്കടം വന്നു രണ്ടാം പകുതിയില്‍ ഇതു മൊത്തം നശിപ്പിക്കും എന്നോര്‍ത്ത്.പിന്നെ മലയാള സിനിമയുടെ ഇപ്പോളത്തെ അവസ്ഥ വെച്ചിട്ട് (അതും സുരേഷ് ഗോപി , ബാല എന്നിവര്‍ അഭിനയിക്കുന്ന ഒരു ചിത്രത്തില്‍ നിന്നു ) നല്ല ഒരു ഒന്നാം പകുതിയേ വലിയ കാര്യം .ബാക്കി ഇങ്ങനെ നശിപ്പിക്കും എന്ന് നോക്കാനാണ് ഇടവേള കഴിഞ്ഞു അകത്തു കേറിയത്‌ , അത്ഭുതം !!!! എന്‍റെ എല്ലാ പ്രതീക്ഷകളും തെറ്റിച്ചു കൊണ്ട് പടം വൃത്തിയായി അവസാനിച്ചു .സത്യമായും എനിക്ക് വിശ്വാസം വരുന്നില്ല. ഞാന്‍ ഉറങ്ങി പോയിട്ട് ഒരു നല്ല ചിത്രം സ്വപ്നം കണ്ടതാണോ എന്ന് വരെ എന്നിക്ക് സംശയം ഉണ്ട്.

നീ ചുമ്മാ തമാശ പറയല്ലേ .. പിന്നെ ... നല്ല ചിത്രം

അണ്ണാ സത്യം.സംവിധായകന്‍റെ കലയാണ് സിനിമ എന്ന് പറയുന്നത് സത്യം. ഇതിന്‍റെ സംവിധാനവും കഥ തിര ക്കഥ എന്നിവ ചെയ്ത ഡോക്ടര്‍ ജനാര്‍ദ്ദനന്‍ ആണ് ഈ ചിത്രത്തിലെ താരം.എല്ലാ അഭിനേതാക്കളും നന്നായി.സുരേഷ് ഗോപി വരുന്നതോടെ സ്ഥിരം അമിതാഭിനയതിന്റെ ഒരു സ്ഥിരം പ്രകടനം ആണ് പ്രതീക്ഷിച്ചത്.വളരെ വൃത്തിയായി അദേഹം തന്‍റെ കഥാപാത്രത്തെ അവതരിപ്പിച്ചു.(ഞെട്ടി !!!) ബാല , കാതല്‍ സന്ധ്യ, അങ്ങനെ എല്ലാരും എന്തിനു നിര്‍മാതാവായി അഭിനയിക്കുന്ന കൊച്ചു പ്രേമന്‍ വരെ നന്നായിട്ടുണ്ട് എന്ന് പറയുമ്പോള്‍ ഒരു ക്യാമറക്ക് മുന്നിലും പിന്നിലും ഉള്ളവരുടെ ഒരു നല്ല ടീം വര്‍ക്ക്‌ ആണ് ഈ ചിത്രത്തില്‍ കാണാന്‍ കഴിയുന്നത്‌.

അപ്പോള്‍ ഒരു കുറ്റവും പറയാനില്ലേ ...

എന്നിക്ക് ഒരു നല്ല കുറ്റാന്വേഷണ ചിത്രം കണ്ടതായാണ് തോന്നിയത് .ഒരു പ്രേത കഥയും കുറ്റാന്വേഷണ കഥയും നന്നായി സംയോജിപ്പിച്ചിരിക്കുന്നു എന്നിടത്താണ് തിരകഥകൃത്ത് എന്ന നിലയില്‍ ശ്രീ ജനാര്‍ദ്ദനന്‍ വിജയിക്കുന്നത്.(കുറെ കഴിയുമ്പോള്‍ ഏതെങ്കിലും ഒന്ന് ഇല്ലാതാകുകയും മറ്റേതില്‍ ഫോക്കസ് എത്തുകയും ചെയ്യും എന്നാണ് ഞാന്‍ കരുതിയത്‌ ).പിന്നെ ഇതില്‍ കാതല്‍ സന്ധ്യയുടെ ഒരു നൃത്ത രംഗം ഉണ്ട് മണിച്ചിത്ര താഴിലെ ശോഭനക്ക് പഠിക്കുവാണോ എന്ന് തോന്നിപ്പിക്കുന്ന കുറെ രംഗങ്ങള്‍ അതിലുണ്ട് .ഈ ചിത്രത്തിലുള്ള ഏക കല്ല്‌കടി ആയി എന്നിക്ക് തോന്നിയത് ആ രണ്ടോ മൂന്നോ മിനിട്ടുകളാണ്.ഇത്ര അധികം കഥാപത്രങ്ങള്‍ ഉണ്ടായിട്ടും അനാവശ്യമായ ഒരൊറ്റ കഥാപാത്രം പോലും ഓര്‍മയില്‍ വരുന്നില്ല എന്നത് പ്രത്യേകം പറയേണ്ട ഒന്നാണ് എന്ന് എനിക്ക് തോന്നുന്നു.കഥയിലെ twsit കള്‍ നന്നായി അവതരിപ്പിച്ചിട്ടുണ്ട് .നല്ല ഒരു അവസാനവും കൂടിയാകുമ്പോള്‍ ഒരു നല്ല ചിത്രം എന്ന് ഈ ചിത്രത്തെ നിസംശയം പറയാവുന്നതാണ് .

എന്നാലും പിന്നെ ....

അണ്ണാ, സുരേഷ് ഗോപിയും ബാലയും ഒക്കെ കുറെ കാലമായി അഭിനയിച്ചു തള്ളുന്ന പടങ്ങള്‍ വെച്ച് നോക്കിയാല്‍ ഇതിനു ഉയിര് പേടിയുള്ള ജനങ്ങള്‍ കേറാന്‍ സാധ്യത കുറവാണു.(പോരാത്തതിനു ബുദ്ധി ജീവികളായ മലയാളികള്‍ സൂപ്പര്‍ താരങ്ങള്‍ അഭിനയിക്കാത്ത ചിത്രങ്ങള്‍ ആണെങ്കില്‍ ഏറ്റവും കുറഞ്ഞത്‌ ഒരു ബെന്‍ഹര്‍ എങ്കിലും അല്ലെങ്കില്‍ സഹിക്കില്ല !!) എങ്കിലും ഒരു നല്ല ചിത്രത്തെ നല്ലത് എന്ന് പറയാന്‍ പറ്റിയില്ലെങ്കില്‍ പിന്നെ എന്തിന്നാ ഈ സമയം മിനക്കെടുതുന്നത് .

അപ്പോള്‍ ചുരുക്കത്തില്‍ പറഞ്ഞാല്‍ .

ഈ വര്‍ഷം ഇതു വരെ ഇറങ്ങിയ മലയാള ചിത്രങ്ങളില്‍ ഏറ്റവും നല്ലത് എന്ന് എനിക്ക് തോന്നിയ ചിത്രം. അല്ലെങ്കില്‍ വേണ്ട , അങ്ങനെ പറഞ്ഞാല്‍ സൂപ്പര്‍താര ആരാധകന്മാര്‍ക്ക് വിഷമം ആയാലോ.ഒത്തിരി നാളുകള്‍ക്ക് ശേഷം മലയാളത്തില്‍ ഇറങ്ങിയ നല്ലൊരു കുറ്റാന്വേഷണ ചിത്രം.

8 comments:

  1. ഈ റിവ്യൂ വായിച്ചപ്പോള്‍ എന്തെന്നില്ലാത്ത ഒരു സന്തോഷം !!!!! പടം ഞാന്‍ കണ്ടില്ല. എന്നാലും മലയാളത്തില്‍ കുറെ കാലം കൂടി ഒരു ഭേദപ്പെട്ട ചിത്രം ഇറങ്ങിയല്ലോ. ഇന്ന് രാവിലെ കൂടി സുരേഷ് ഗോപിയുടെ അഭിമുഖം കിരണില്‍ കണ്ടതാണ്. ഏതു പടം ഇറങ്ങിയാലും വിടുന്ന ഗീര്‍വാണം ആയെ കണക്കാക്കിയുള്ളൂ. ഇപ്പോഴല്ലേ വെവരങ്ങള്‍ അറിയുന്നത് . കൊള്ളാം !!!!!

    ReplyDelete
  2. ഈ വര്‍ഷം ഇതു വരെ ഇറങ്ങിയ മലയാള ചിത്രങ്ങളില്‍ ഏറ്റവും നല്ലത് എന്ന് എനിക്ക് തോന്നിയ ചിത്രം........................!!!!!!!!!!!!!!!!!

    swapnamonnum allallo alle???????????????

    ReplyDelete
  3. brilliant. great to see someone taking his time to support a good malayalam film. I read your blog regularly and in my opinion, you are the most honest & comprehensive malayalam movie reviewer in cyber space. I may disagree with your opinions once in a while, but never doubt the sincerity & passion with which you deliver your opinion.

    -- Keep Going. Best of Luck.

    ReplyDelete
  4. Really...? I want to watch it then!

    ReplyDelete
  5. athe, ee chithram kandirikkaam, bohradikkaathe.

    Investigation nannaayi, pinne Naseerine poleyulla nadanmaarude kopraayangalum illa.
    Kure koodi nannaakkaamaayirunnu.

    ReplyDelete
  6. very thanx 4 information,miss akumayirunna oru padam kannan thoniyathinnu............

    ReplyDelete
  7. ഇന്നാണ് സഹസ്രം കണ്ടത് സൂര്യാടീവിയില്‍ കൊള്ളാം... ഡാന്‍സ് ഒഴിവാക്കാമായിരുന്നു.

    ReplyDelete