Sunday, July 4, 2010

വീണ്ടും ഒരു പരസ്യ വിചാരണ

പ്രതി ഹാജരുണ്ടോ ?

യെസ് യുവര്‍ ഓണര്‍ , ദാ ഈ കൂട്ടില്‍ നികുന്നവനാണ് പ്രതി.

പ്രേക്ഷകന്‍ എന്ന പേരില്‍ അറിയപ്പെടുന്ന (അഥവാ അറിയപ്പെടാന്‍ ആഗ്രഹിക്കുന്ന ) തന്നെ ഇതിനു മുന്‍പ് ഈ സിനിമ കോടതി ശിക്ഷിച്ചതാണല്ലോ .ശരിയല്ലേ.

അതെ യുവര്‍ ഓണര്‍ , ബോഡി ഗാര്‍ഡ് എന്ന സിനിമയെ പറ്റി നല്ല അഭിപ്രായം പറഞ്ഞു എന്ന കുറ്റത്തിന് ആയിരുന്നു ശിക്ഷ. അതിനു ഞാന്‍ അപ്പീല്‍ കൊടുക്കുകയും അപ്പോളേക്കും പ്രസ്തുത സിനിമയുടെ സീ ഡി/ ഡി വി ഡി കണ്ട ജനങ്ങള്‍ ഞാന്‍ പറഞ്ഞ അഭിപ്രായം തന്നെ പറയുകയും ചെയ്തത് കൊണ്ട് എന്നെ വെറുതെ വിടുകയാണ് ഉണ്ടായതു.

ശരി ശരി ഇപ്പോള്‍ എന്താ ഇയാളുടെ പേരിലുള്ള കേസ് ?

യുവര്‍ ഓണര്‍ , പ്രേക്ഷകന്‍ എന്ന പ്രതിക്ക് അടിസ്ഥാനപരമായി മലയാള സിനിമയോട് ഒരു മാതിരി ജയരാജന് (സീ പീ എം ) കോടതിയോടുള്ള പോലെയുള്ള ഒരു തരം മനോഭാവമാണ്.സൂപ്പര്‍ താരങ്ങളുടെ മഹത്തായ ചലച്ചിത്ര പരിശ്രമങ്ങളെ തുടക്കം തൊട്ടേ ഇയാള്‍ ഒരു ജാതി പുച്ഛത്തോടെയാണ് കാണുന്നത്.ഇതൊക്കെ ശരിയാണോ കോടതി? ഇവനെ എങ്ങനെ വിടാതെ മഹത്തായ മലയാള സിനിമയെയും അതില്‍ ഏറെ മഹാന്മാരായ മലയാള സൂപ്പര്‍ താര, സംവിധായകരെയും എങ്ങനെ ബഹുമാനിക്കണം എന്ന് എന്നും ഓര്‍മിക്ക തക്ക വിധത്തിലുള്ള ശിക്ഷ കൊടുക്കണം എന്ന് ആണ് എന്നിക് പറയാനുള്ളത് .

ഡേ, നീ നന്നാകില്ലെടെ, നിനക്ക് വല്ലതും പറയാനുണ്ടോ ? വേഗം ശിക്ഷ വിധിച്ചിട്ടു അടുത്ത കേസ് എടുക്കാന്‍ ഉള്ളതാ .

ഒരു നിമിഷം കോടതി. ഞാന്‍ കാണുന്ന സിനിമയെ കുറിച്ചുള്ള എന്‍റെ അഭിപ്രായം ആണ് ഞാന്‍ എഴുതുന്നത്‌ . എനിക്ക് ഇഷ്ടപെടാത്ത ഒരു ചിത്രം അത് എടുത്തത്‌/അഭിനയിച്ചത്, നല്ല പ്രായത്തില്‍ (അദേഹത്തിന്റെ ) കുറെ നല്ല ചിത്രങ്ങള്‍ എടുത്ത/ അഭിനയിച്ച ഒരാള്‍ ആണ് എന്ന ഒറ്റ കാരണം കൊണ്ട് പുകഴ്ത്താന്‍ ഒരു പ്രേക്ഷകന്‍ എന്ന നിലയില്‍ എനിക്ക് ബുദ്ധി മുട്ടുണ്ട്.മറ്റു നിരൂപകരും മാധ്യമങ്ങളും എന്തിനു ഇങ്ങനെ ചെയ്യുന്നു എന്ന് എനിക്ക് അറിയില്ല. എന്‍റെ കാര്യം മേല്‍ പറഞ്ഞതാകുന്നു.

എടേ മലയാള സിനിമ ഈ പടുതിയില്‍ ആയതിനു ഇവരൊക്കെ എന്ത് പിഴച്ചു ? ഇവരൊക്കെ മലയാള സിനിമകള്‍ക്ക്‌ നല്‍കിയ സംഭാവനകള്‍ ഓര്‍ത്താല്‍ ......ഹോ ഈ സിനിമ കോടതിക്ക് പോലും രോമാഞ്ചം വരുന്നു . അവരെ ഒക്കെയനോടാ നീ .....?
ബഹുമാനപെട്ട കോടതി , ഇതിനുള്ള ഉത്തരം ഒരു ഉദാഹരണത്തിലൂടെ പറയുവാന്‍ ആഗ്രഹമുണ്ട് . അത് കേട്ടിട്ട് കോടതി തന്നെ തീരുമാനിച്ചാല്‍ മതി ആരാ ഇതിനൊക്കെ ഉത്തരവാദികള്‍ എന്ന്.

ചുരുക്കി പറഞ്ഞാല്‍ മതി . വേഗമാകട്ടെ സമയമില്ല .

ഈയടുത്ത ദിവസം ശ്രീ ഫാസില്‍ സംവിധാനം ചെയ്ത ലൈഫ് ഈസ്‌ ബ്യൂട്ടിഫുള്‍ എന്ന ചിത്രം കാണാന്‍ ഇടയായി .

പ്രസ്തുത സംഭവത്തിന്‌ എന്തെങ്കിലും പ്രകോപനം ..?

ഇല്ല കോടതി, വെറുതെ ഇരുന്നു ബോര്‍ അടിച്ചപ്പോള്‍ കൈയില്‍ തടഞ്ഞത് ഈ ചിത്രത്തിന്റെ സീ ഡി ആണെന്ന് മാത്രം . കണ്ടു കഴിഞ്ഞപ്പോള്‍ മനസിലായത് ഈ ചിത്രം നല്‍കുന്ന സന്ദേശം അഥവാ ആശയം, പഠിക്കുന്നത് മാര്‍ക്ക് വാങ്ങാനോ ജോലി കിട്ടാനോ ആകരുത് മറിച്ചു അറിവ് നേടാന്‍ ആകണം എന്നതാണ്.ശരിയല്ലേ

അന്നോ? ആയിരിക്കും പത്തു കൊല്ലം മുന്‍പ് ഇറങ്ങിയ പടമല്ലേ. നല്ല ഓര്‍മ്മയില്ല.

എന്നാല്‍ ഓര്മ ഉണ്ടാകാന്‍ സാധ്യത ഉള്ള വേറൊരു സംഭവം ഇന്നാ... കഴിഞ്ഞ വര്ഷം ഇറങ്ങിയ ശ്രീ രാജ്കുമാര്‍ ഹിരാനി സംവിധാനം ചെയ്ത ത്രീ idiots എന്ന ചിത്രം ഓര്‍മ്മയുണ്ടോ ?

പിന്നേ.. കിടിലം സിനിമയല്ലേ ..

ഈ സിനിമയും നല്‍കുന്ന സന്ദേശം അല്ലെങ്കില്‍ ആശയം ഇതു തന്നെ അല്ലെ .പിന്നെ എന്താ മലയാളം ബോര്‍ ചിത്രവും ഹിന്ദി വീണ്ടും കാണാന്‍ തോന്നുനതും ആകുന്നത്‌ ?

ഡേ നീ കോടതിയോട് ചോദ്യം ചോദിച്ചു കളിക്കാതെ ഉത്തരം പറ.

ഇതിനുള്ള ശരിക്കുള്ള ഉത്തരം അറിയണം എങ്കില്‍ ഇതിന്റെ സംവിധായകനോട് ചോദിക്കണം . എനിക്ക് ഭാവനയില്‍ തോന്നുന്ന ഒരു ഉത്തരം പറഞ്ഞോട്ടെ.

നിനക്ക് നിര്‍ത്താന്‍ ഒരു പരിപാടിയും ഇല്ലെ . പറഞ്ഞു തുലൈക്ക് .

ശ്രീ ഫാസിലും രാജ് കുമാര്‍ ഹിരാനിയും സുഹൃത്തുകള്‍ ആണെന്ന് സങ്കല്പ്പികുക. അവര്‍ ഒരുമിച്ചു ചര്‍ച്ച ചെയ്തു ഇങ്ങനെ ഒരു തീം പ്ലാന്‍ ചെയ്യുകയും യഥാക്രമം മലയാളത്തിലും ഹിന്ദിയിലും എടുക്കാന്‍ തീരുമാനിക്കയും ചെയുന്നു എന്ന് കൂടി കരുതുക . രാജ് കുമാര്‍ ഹിരാനി നേരെ ചെന്ന് അമീര്‍ ഖാന്‍ എന്ന നടന്റെ ഡേറ്റ് വാങ്ങുകയും അദേഹത്തിന്റെ കൂടെ involvmentലുടെ തിരകഥ കുറെ കൂടി നന്നാക്കി, ചിത്രം എടുക്കുന്നു . ഇതിനു വേണ്ടി ഗജ്നിക്ക് വേണ്ടി six പായ്ക്ക് ശരീരം കഷ്ടപ്പെട്ട് ഉണ്ടാക്കിയ അമീര്‍ ഖാന്‍ തന്റെ ശരീര ഘടനയില്‍ വേണ്ട മാറ്റങ്ങള്‍ വരുത്തുന്നു.സായിപ്പു പറയുന്നത് പോലെ റസ്റ്റ്‌ ഈസ്‌ ഹിസ്റ്ററി.

ഇനി മലയാളത്തിലെ കാര്യം നോക്കാം. ഫാസില്‍ നേരെ ചെന്ന് അഭിനയ പ്രതിഭ മോഹന്‍ ലാല്‍ ഇന്റെ ഡേറ്റ് വാങ്ങുന്നു . അപ്പോള്‍ തുടങ്ങുന്നു പ്രശ്നം. തന്റെ ശരീരം നന്നായി സൂക്ഷിക്കുന്ന ശീലം ഉള്ള ശ്രീ മോഹന്‍ലാല്‍ ഒരു വിദ്യാര്‍ഥി ആയി അഭിനയിച്ചാല്‍ ജനം കൂവി തള്ളും എന്നത് ഉറപ്പു. (പത്തു വര്ഷം മുന്‍പുള്ള ലാലിന്‍റെ പ്രായമേ 3 idiots ഇല്‍ അഭിനയിക്കുമ്പോള്‍ അമീര്‍ ഖാന്നു ഉള്ളു എന്നാണ് എന്‍റെ വിശ്വാസം .തെറ്റ് ആണെങ്കില്‍ തിരുത്തുക ).അപ്പോള്‍ എളുപ്പ വഴി ലാലിനെ വിദ്യാര്‍ഥി എന്നതില്‍ നിന്നും അധ്യാപകന്‍ എന്നതിലേക്ക് മാറ്റുക എന്നതാണ് . (മണ്ടന്‍ അമീര്‍ , ഈ ബുദ്ധി ഉണ്ടായിരുന്നേല്‍ ഇയാള്‍ക്ക് വല്ല കഷ്ടപ്പാടും ഉണ്ടാകുമായിരുന്നോ ?). ശരി അധ്യാപകന്‍ . അപ്പോള്‍ അടുത്ത പ്രശ്നം. ഒരു വിദ്യാര്‍ത്ഥിക്ക് തന്റെ ജീവിതത്തിലൂടെ തന്റെ വിശ്വാസം ശരിയാണെന്ന് ലോകത്തിനു (സിനിമ കാണുന്നവര്‍ക്ക് ) തെളിയിച്ചു കൊടുക്കാം . അധ്യാപകന്‍ ആകുമ്പോള്‍ മൈതാന പ്രസംഗം അല്ലെ നടക്കു . നന്നാവേണ്ടത് വിദ്യാര്‍ഥികള്‍ അല്ലെ . ഈ ഉപദേശം കൊണ്ട് മാത്രം രണ്ടര മണികൂര്‍ പടം ഓടിക്കുനതെങ്ങനെ ? (പില്‍കാലത്ത് അതിനു ഉത്തരം ഇന്നത്തെ ചിന്താ വിഷയതിലൂടെ സത്യന്‍ കാണിച്ചു തന്നിട്ടുണ്ട് ) . അപ്പോള്‍ നമ്മള്‍ നായകന്റെ കുടുംബ ജീവിതത്തിലേക്ക് ക്യാമറ കൂടുതല്‍ തിരിക്കുന്നു .(അത് കൊള്ളാം. കുടുംബ ചിത്രം എന്ന പേരും കിട്ടും. സ്ത്രീ പ്രേക്ഷകര്‍ കേറിയാല്‍ കുടുംബം മൊത്തം ടിക്കറ്റ്‌ വങ്ങും ). അപ്പോളും പ്രശ്നം.കുടുംബ ജീവിതത്തില്‍ എന്തെങ്കിലും പ്രശ്നം വേണമല്ലോ. അല്ലെങ്കില്‍ പടം കാണാന്‍ കേറുന്ന സ്ത്രീകള്‍ നിരാശപെടില്ലേ. പടം തുടങ്ങുന്നത് മുതല്‍ തീരുനത് വരെ നായികാ നായകന്മാര്‍ സന്തോഷമായി ജീവിച്ചാല്‍ പിന്നെ നായിക എന്തിനായിരുന്നു എന്ന ചോദ്യം വരും. അത് പറ്റില്ല. ശരി നായകന് വ്യക്തി ജീവിതത്തില്‍ ഒരു പാളിച്ച ...... ഒരിക്കലും നടക്കില്ല . സല്‍ഗുണ സബന്നനും,മിടുക്കനും പിന്നെ എന്തൊക്കെയോ ആയ ലാലേട്ടന്റെ നായകന് ഒരു തെറ്റു പറ്റുകയോ ഒരിക്കലും ഇല്ല . ഫാന്‍സ്‌ സമ്മതിക്കില്ല . (മമ്മൂടി ആരാധകര്‍ സന്തോഷികണ്ട അദേഹം ആണേലും ഇതു തന്നെ ഗതി ).ശരി എന്നാല്‍ നായികക്ക് മറ്റൊരു ബന്ധം .... അതും പറ്റില്ല. ലാലേട്ടന്റെ നായികക്ക് വേറെ ഒരു ബന്ധം ഉണ്ടാകുന്നതു അദേഹത്തിന്റെ കഴിവുകേടായി മാത്രമേ പ്രേക്ഷകര്‍ കാണു . അതും പറ്റില്ല.അപ്പോള്‍ നമ്മള്‍ നായികയുടെ അനിയത്തിയെ കൊണ്ട് വരുന്നു. കൊണ്ട് വന്നിട്ടോ ? വെറുതെ, വീട്ടില്‍ വരുന്നവര്‍ക്ക് ചായ കൊടുക്കാന്‍ നിര്‍ത്താന്‍ പറ്റുമോ? എന്നാല്‍ നായകന്റെ വിദ്യാര്‍ത്ഥികളില്‍ ഒരുവനുമായി പ്രേമം ? അത് കൊണ്ട് കാര്യമില്ല .മാത്രമല്ല പടത്തിന്റെ ഫോക്കസ് നായകനില്‍ നിന്ന് മാറുകയും ചെയ്യും . ശരി എന്നാല്‍ നായകനെ തന്നെ പ്രേമിചോട്ടെ. പക്ഷെ ഒരു വ്യവസ്ഥ, നായകന്‍ ഒരിക്കലും തിരിക്കെ പ്രേമിക്കാന്‍ പാടില്ല. ഇനി എങ്ങാനും വല്ല ചില്ലറ പ്രശ്നവും ഉണ്ടായി പോയാല്‍ അതിനു അടുത്ത രംഗത്തില്‍ തന്നെ ന്യായീകരണവും വരും .പോരെ? മതി.... പക്ഷെ ... ഒരു സംശയം ഈ നായികയുടെ അനിയത്തിക്ക് പെട്ടന്ന് പ്രേമം പൊട്ടി മുളക്കാന്‍ എന്താ ഒരു പ്രകോപനം ? വല്ല നസീര്‍ ജയന്‍ കാലത്ത് ആയിരുന്നെങ്ങില്‍ നായകനെ കൊണ്ട് ഒരു സംഘടനം നടത്തി അത് അനിയത്തിയെ കാണിച്ചു സംഗതി ശരി ആക്കാമായിരുന്നു.
അത്... ഷൂട്ടിംഗ് സമയത്ത് വല്ലതും തോന്നും .. അല്ല പിന്നെ .. എല്ലാ ചോദ്യത്തിനും ഉത്തരം കിട്ടിയിട്ട് പടം തുടങ്ങാന്‍ ഇരുന്നാല്‍ സൂപ്പര്‍ സ്റ്റാര്‍ ഇന്റെ ഡേറ്റ് കണ്ടവന്‍ കൊണ്ട് പോകും . (ഒന്നും തോന്നിയില്ലങ്കില്‍ .അവസാനം നമുക്ക് ചോദ്യം പ്രേക്ഷകന് (എനിക്കല്ല , കാണുന്നവന് ) വിട്ടു അവസാനിപ്പിക്കാം.തമാശക്ക് innosent ഉം കെ പി എ സി ലളിതയും, എപ്പോളും വഴക്ക് കൂടുന്ന (എന്നാലും പരസ്പരം വലിയ സ്നേഹമാ) അയല്‍ക്കാരായി ഇടാം.പിന്നെ പേരിനെങ്കിലും ഒരു വില്ലന്‍ വേണ്ടേ . അതിനു ലാല്‍ ഏട്ടന്റെ നായികയെ വളക്കാന്‍ ശ്രമിക്കുന്ന ഒരു കോമാളി. നായികയുടെ സഹ പ്രവര്‍ത്തകനോ , മേലുദ്യോഗസ്ഥന്‍ ഓ ആകാം . ആരായാലും ലാലേട്ടന്‍ ഒതുക്കുമല്ലോ .പിന്നെ എന്താ? എന്നാലും ഒരു ഇതു പോരല്ലോ ............. പോരെ? ശരി എന്നാല്‍ നമുക്ക് നായികാ നായകന്മാര്‍ തമ്മിലുള്ള സംസാരത്തില്‍ മയത്തില്‍ കുറച്ചു നോണ്‍ വെജ് കേറ്റാം (നോണ്‍വെജ് എന്ന് പറഞ്ഞാല്‍ ഒരു മാതിരി ഒന്നും പറയാന്‍ പറ്റരുത്‌ . എന്തെങ്കിലും പറഞ്ഞു പോയാല്‍ മലയാളി മനസ്സിലെ കപട സദാചാര ബോധം എന്ന് വിളിച്ചു കൂവാന്‍ ബുജികളെ റെഡി ആക്കാം).അവരുടെ ബെഡ് റൂമില്‍ വെച്ചായാല്‍ പെര്‍ഫെക്റ്റ്‌ . പിന്നെ ആരു എന്ത് പറയാന്‍ ? അപ്പോള്‍ നമ്മുടെ പടത്തിന്റെ സന്ദേശം അഥവാ ആശയം ? അത് നമ്മള്‍ പുട്ടിനു തേങ്ങ ഇടുന്നത് പോലെ ഇടയിക്ക് ഇടയിക്ക് കാണിച്ചു കൊണ്ടിരിക്കും . ലാല്‍ ഏട്ടന്റെ ഉപദേശം അല്ലെ? അധികം വേണ്ട. കാണുന്ന കുടുംബ പ്രേക്ഷകര്‍ക്ക്‌ ബോര്‍ അടിക്കും. അപ്പോള്‍ തുടങ്ങുകല്ലേ ? Lights camera action....

കഴിഞ്ഞു കോടതി.ഇങ്ങനെ ആയിരിക്കണം മലയാള സിനിമ ഇങ്ങനെയും ഹിന്ദി വേറൊരു രീതിയിലും ആകുന്നത്‌ . ശരിയായ രീതിയില്‍ എടുത്തിരുന്നെങ്കില്‍ 3 idiots, മലയാളത്തില്‍ പത്തു കൊല്ലം മുന്‍പ് വന്ന ഒരു ചിത്രത്തിന്റെ remake മാത്രം ആയേനെ . ഇതിനൊക്കെ കാരണം ആരാണെന്നു ബഹുനമാപെട്ട കോടതി തന്നെ തീരുമാനിച്ചാല്‍ മതി.ഈ സിനിമകള്‍ ഒക്കെ ആസ്വദിച്ച് കാണുന്ന പൊതുജനത്തിന് ഇതിനൊന്നും സമയം കാണും എന്ന് തോന്നുന്നില്ല.

6 comments:

  1. ഹഹഹഹഹഹ
    തകര്‍പ്പന്‍,
    മലയാള സിനിമാ സംവിധായക കോന്തന്മാരെ അടിക്കാന്‍ ഇതിലപ്പുറം വേറൊന്നും വേണ്ട :)

    ReplyDelete
  2. നന്നായിട്ടുണ്ട്...

    ReplyDelete
  3. pakshe i think life is beautiful is a copy (?) of an english movie - dead poets society with some changes (bad changes)

    ReplyDelete
  4. pakshe 3 idiots is not such a great movie a you said. it contains comedies which floated through internet some 10 years ago as fwd emails. Please check this fun review of 3 idiots. http://www.thevigilidiot.com/2009/12/29/3-idiots/

    Don't think that only hindi films are good films.

    ReplyDelete
  5. Pakshe 2000 thinu sesham kooduthal komalitharangal kanikkunna MAMMOO vine kkurichum enthenkilum ezhuthu prekshaka!

    ReplyDelete
  6. PREKSHAKAN, BHUDDI MAMMOOTTY&Dileep fansinu PANAYAM vachavan!

    Poda vallavanum tharunna panathinu vendi review idunna pani mathiyakkeda!

    ReplyDelete