അപൂര്‍വരാഗം

ഹലോ ഒന്ന് നിന്നേ ഇതെങ്ങോട്ടാ എത്ര ധ്രിതി പിടിച്ചു?

പോന്നു അണ്ണാ നില്ക്കാന്‍ സമയമില്ല . ഇന്നു ഏതെങ്കിലും പടത്തിന്റെ റിവ്യൂ ഇട്ടില്ലെങ്കില്‍ ആ എഡിറ്റര്‍ തെണ്ടി എന്നെ പിരിച്ചു വിടും .ഏതെങ്കിലും ഒന്നിന് തല വെച്ചാലെ പറ്റു.

ഓ അത്രെയേ ഉള്ളോ ? അനിയാ ഞാന്‍ ദേ ഒരു പടം കണ്ടിട്ട് വരുന്ന വഴിയാ.

അന്നോ ? രക്ഷപെട്ടു . ഏതു പടം അണ്ണാ ? ബാക്കി കാര്യങ്ങളും കുടി ഒന്ന് പറഞ്ഞാല്‍ ഞാന്‍ എഴുതി പൊളിച്ചു അടുക്കികൊള്ളം.
മലയാള സിനിമ രംഗത്ത് വന്നിട്ട് ഇരുപത്തി അഞ്ചു വര്ഷം കഴിഞ്ഞ ശ്രീ സിബി മലയില്‍ സംവിധാനം ചെയ്ത , സിയാദ് കൊക്കെര്‍ നിര്‍മിച്ചു , ഗോകുലം ഗോപലന്‍ അവതരിപ്പിക്കുന്ന അപൂര്‍വരാഗം എന്ന പടമാടെ കണ്ടത് .

ഓ .. ഇയാള്‍ ഈ നിരൂപക ഭാഷ വിട്ടു ഉള്ള കാര്യം ഒന്ന് പറയാമോ ?

ശരി ഈ പടത്തില്‍ താരതമ്യേനെ പുതു മുഖങ്ങള്‍ ആണ് അഭിനയിക്കുനത് . നിഷാന്‍ (ഋതു ), അസിഫ് അലി (ഋതു ),നിത്യ (കേരള കഫെ) എന്നിവരാണ്‌ പ്രധാന കഥാപത്രങ്ങളെ അവതരിപ്പികുന്നത്.ഇവരെ കുടാതെ സഹ നടീ നടന്മായി രംഗത്ത് വരുന്ന പലരും നല്ല അഭിനയം കാഴ്ച വെച്ചിരിക്കുന്നു . പക്ഷെ പലരുടെയും പേര് എനിക്കറിയില്ല . ഫിറോസ്‌ എന്ന കഥാപാത്രത്തെ അവതരിപ്പിച്ച നടന്‍ , നാരായണന്‍ എന്ന കഥാപാത്രത്തെ അവതരിപ്പിച്ച നടന്‍ എന്നിവരുടെ പേര് എടുത്തു പറയേണ്ടതാണ്‌ .തിരകഥ രചിച്ചിരിക്കുന്നതും പുതു മുഖങ്ങള്‍ തന്നെ

അപ്പോള്‍ പടം കിടിലമാനെന്നാണോ പറഞ്ഞു വരുന്നത് ?

എടേ ഈ പടത്തിനു കേറുന്നതിനു തൊട്ടു മുന്‍പാണ്‌ ഇതിന്റെ സംവിധായകന്‍ സിബി മലയില്‍ ആണെന്ന് ഞാന്‍ മനസിലാക്കിയത് .(കൃത്യമായി പറഞ്ഞാല്‍ ടിക്കറ്റ്‌ എടുക്കുനതിനു തൊട്ടു മുന്‍പ് ) .കുറച്ചു നേരത്തെ അറിഞ്ഞിരുന്നെങ്കില്‍ മലര്‍വാടി ആര്‍ട്സ് ക്ലബ്‌ല്‍ പൊയ് ഭാഗ്യം പരീക്ഷിചേനെ. എത്രതോളം കാണുന്നവര്‍ക്ക് സങ്കടം തോന്നുമോ അത്രത്തോളം പടത്തിന്റെ കലാമൂല്യം കൂടുന്നു എന്നാണ് അദേഹത്തിന്റെ വിശ്വാസം എന്ന് എന്നിക് പലപ്പോഴും തോന്നിയിട്ടുണ്ട് . (അതിനു അദേഹത്തെ മാത്രം കുറ്റം പറയുന്നത് ശരിയാണെന്ന് തോന്നുന്നില്ല . ആകാശദൂത് പോലെയുള്ള സീരിയല്‍ നിലവാര ചിത്രങ്ങളെ വാനോളം ഉയര്‍ത്തിയ നമ്മളൊക്കെ പ്രസ്തുത സംഭവത്തില്‍ പ്രതികളാണ് !!).

പോന്നു ചേട്ടാ കാടു കേറാതെ പ്ലീസ്...

ശരി ശരി സിബി മലയില്‍ എന്ന സംവിധയകന്തേ പടത്തിനു കേറുമ്പോള്‍ , അതും പുതു മുഖങ്ങളെ വെച്ച് ഉള്ളതാകുമ്പോള്‍ , ഒരു നമ്മളില്‍ (സംഗതി കമല്‍ ആണെന്നറിയാം ) കൂടുതല്‍ ഒന്നും പ്രതീക്ഷിക്കരുത് എന്ന് കരുതിയാണ് പോയത് . ആ ചിന്ത ശരി വയ്ക്കും പോലെയായിരുന്നു പടത്തിന്റെ തുടക്കവും . ക്യാമ്പസ്‌ . അവിടെ നാണം കുണുങ്ങിയായ നായകന്‍ രൂപേഷ് (നിഷാന്‍) സുഹൃത്ത്‌ ടോമി (അസിഫ് അലി ). നായകന് മുടിഞ്ഞ പ്രേമമുള്ള എന്നാല്‍ നേരിട്ട് സംസാരിക്കാന്‍ ധൈര്യം ഇല്ലാത്ത (one way) നായികാ നാന്‍സി (നിത്യ) എന്നിവര്‍ ഇതു ഏതു കാലത്തേ ക്യാമ്പസ്‌ എന്നൊരു ചോദ്യം കാണുന്നവരില്‍ ഉളവാക്കുന്നു.പക്ഷെ ഒരു പറഞ്ഞു പഴകിയ സെന്റി പ്രണയ കഥ പ്രതീക്ഷിക്കുന്ന പ്രേക്ഷകര്‍ക്ക്‌ കിട്ടുന്നത് മറ്റൊന്നാണ്. കഥയെ കുറിച്ച് അധികം വിശദമായി പറയണ്ട എന്ന് എനിക്ക് തോന്നുന്ന ആദ്യ ചിത്രം (ഈ ബ്ലോഗ്‌ തുടങ്ങിയതിനു ശേഷം ) ഇതാണ്
ഇനി ഈ സിനിമയില്‍ നന്നായി തോന്നിയ ഒരു കാര്യം പറഞ്ഞോട്ടെ . കുറെ നാളുകളായി ഇറങ്ങുന്ന മലയാള സിനിമകളില്‍ എല്ലാം തന്നെ ആദ്യത്തെ ഒരു പതിനഞ്ചു മിനിട്ട് കഴിയുമ്പോള്‍ ഈ പടം എങ്ങോട്ട് പോകും എവിടെ ചെന്ന് നില്‍ക്കും എന്ന് വ്യക്തമായി പറയാവുന്നവ ആണ് (ആദ്യ അഞ്ചു മിനിട്ടിനുള്ളില്‍ നിങ്ങള്‍ ഉറങ്ങി പോയില്ലെങ്കില്‍ ). എന്നാല്‍ ഈ സിനിമയില്‍ കഥയിലെ ട്വിസ്റ്റ്‌ കള്‍ വളരെ നന്നായി അവതരിപ്പിച്ചിട്ടുണ്ട് എന്നാണ് എന്നിക് തോന്നിയത് . (ഒന്നും പ്രതീക്ഷിക്കാതെ കേറിയത്‌ കൊണ്ടും ആക്കാം) . അതിന്റെ ക്രെഡിറ്റ്‌ മുഴുവനും കൊടുകേണ്ടത്‌ പുതു മുഖങ്ങളായ തിരകഥകൃത്ത്കള്‍ക്കാണ്.

അപ്പോള്‍ പടം കിടിലം എന്ന് പറയാമോ അണ്ണാ ധൈര്യമായി?

എടേ പണ്ട് ഈ സബി മലയില്‍ എന്ന സംവിധായകന്‍ ദേവദൂതന്‍ എന്നൊരു പടം ചെയ്തിരുന്നു. അതിനു ശേഷം അദേഹം തന്നെ പറഞ്ഞിട്ടുണ്ട് പുതു മുഖങ്ങളെ വെച്ച് ചെയെണ്ടിയിരുന്ന ഒരു ചിത്രമായിരുന്നു അതെന്നും .ലാല്‍ ഏട്ടന്‍ വന്നത് കൊണ്ട് ആ പടത്തിന്റെ എന്തൊക്കെയോ നഷ്ടമായി എന്നും .ഏതാണ്ട് അതേ പ്രശ്നം തന്നെയാണ് അടിസ്ഥാനപരമായി ഈ ചിത്രത്തിനും.

എന്ന് വെച്ചാല്‍ ....

എന്ന് വെച്ചാല്‍ ഒരു പുതു മുഖ സംവിധായകന്‍ ചെയ്യേണ്ട ചിത്രമായിരുന്നു ഇതു. കുറച്ചു സെന്‍സ് ഉള്ള ഒരു ചെറുപ്പക്കാരന്‍ ഈ പടം സംവിധാനം ചെയ്തെങ്കില്‍ ഒരു പക്ഷെ മലയാള സിനിമയുടെ പുതിയ ഒരു കാലഘട്ടത്തിന്റെ തുടക്കം പോലും ആയേക്കാവുന്ന ഒരു പടം ആയേനെ ഇതു .സിബിമലയില്‍ സംവിധാനം ചെയ്തു എന്നൊരു ഒറ്റ കുഴപ്പമേ ഈ ചിത്രത്തിന് ഉള്ളു.പിന്നെ പറയുമ്പോള്‍ എല്ലാം പറയണമല്ലോ . സിബി മലയില്‍ സാറിന്റെ സംവിധാനം എന്നൊരു ഉപദ്രവം ഉണ്ടെങ്കിലും അവസാനത്തെ ഒരു പതിനഞ്ചു- ഇരുപതു മിനിട്ട് വരെ പടം സഹിക്കാവുന്നതാണ് . പക്ഷെ നായികാ നായകന്മാര്‍ ചെന്നൈ യില്‍ നിന്നും തിരികെ വരുന്നത് മുതല്‍ സിനിമ നാടകമായി മാറുകയാണ്.പിന്നെ നാടകമായി മാറിയ സിനിമ അധികം നീളുന്നില്ല എന്നതാണ് ഒരു സമാധാനം.

അല്ല ഒന്ന് ചോദിച്ചോട്ടെ . ഈ സിബി മലയില്‍ സംവിധാനം ചെയ്തത് കൊണ്ട് സിനിമക്ക് എന്ത് സംഭവിച്ചു എന്നാ ഈ പറയുന്നേ ?

അനിയാ നേരത്തെ പറഞ്ഞത് പോലെ ഇഷ്ടമുള്ള പെണ്‍ കൊച്ചിനോട് കമ്പനി കൂടാതെ മാറി നിന്ന് നോക്കി വെള്ളമിറക്കി വീട്ടില്‍ പോകുന്ന oneway ലൈന്‍ ഒക്കെ ഒരു പതിനഞ്ചു കൊല്ലം മുന്‍പുള്ള കാമ്പസിലെ കാഴ്ചയാണ് . പിന്നെ ഇങ്ങനെ കുറെ കാലം നടന്ന ഒരുത്തന്‍ അവസാനം ഇഷ്ടമാണെന്ന് പറയുമ്പോള്‍ നാണിച്ചു തല കുനിച്ചു സമ്മതിക്കുന്ന പെങ്കൊച്ചും (വേറെ ഒരു പ്രകോപനവും കൂടാതെ) വര്‍ഷങ്ങള്‍ക്കു മുന്‍പുള്ള ക്യാമ്പസ് ചിത്രങ്ങളില്‍ നമ്മള്‍ വിട്ടിട് വന്നതാണ്‌. ഇനി അതൊക്കെ പോകട്ടെ ഈ കാലഘട്ടത്തിലെ ഒരു പെണ്‍കുട്ടിയും ആരാ, എന്താ , എന്നൊന്നും അറിയാതെ , സര്‍വോപരി ഭാവിയില്‍ എങ്ങനെ ജീവിക്കും എന്നറിയാതെ ഓടി പോയി രജിസ്റ്റര്‍ കല്യാണം കഴിക്കും എന്ന് എനിക്ക് തോന്നുന്നില്ല . തികച്ചും practical അയ ഒരു തലമുറ യാണ് നമ്മുടെ മുന്നില്‍ വളര്‍ന്നു വരുന്നത് എന്നാണ് എന്‍റെ വിശ്വാസം . പിന്നെ ഒളിച്ചു ഷൂട്ട്‌ ചെയ്ത videoകളുടെയും നഗ്ന ചിത്രങ്ങളുടെയും കാലഘട്ടത്തില്‍ , ഒരു വിവാഹ സര്‍ട്ടിഫിക്കറ്റ് വെച്ച് ബ്ലാക്ക്‌ മെയില്‍ ചെയ്താല്‍ ആരെങ്കിലും ഒരു കോടി കൊണ്ട് കൊടുക്കുമോ . അതും നഗരത്തിലെ പ്രമുഖനായ ഒരു ബിസ്നസ്കാരന്‍ !!നായികയുടെ Engagement രംഗം ചിത്രീകരിച്ചത് സിനിമ രംഗത്ത് ഇരുപത്തി അഞ്ചു വര്‍ഷം പിന്നിട്ട സംവിധായകന്‍ ആണെന്ന് ഒന്ന് കൂടി എഴുതി കൂടി കാണിക്കാമായിരുന്നു . അത്രക്ക് കേമമാണ്‌ സംഗതി.

അപ്പോള്‍ സഹിക്കില്ല സംഗതി എന്ന് ധൈര്യമായി പറഞ്ഞോട്ടെ ......

അനിയാ നേരത്തെ പറഞ്ഞില്ലേ ഈ വക പോരായ്മകള്‍ ഉണ്ടെങ്ങിലും അവസാന ഒരു പതിനഞ്ചു മിനിട്ട് വരെ കണ്ടിരിക്കാവുന്ന പടമായിട്ടാണ് എനിക്ക് തോന്നിയത് .

ശരി മറ്റു ഘടകങ്ങള്‍ ?

അഭിനയം , നിഷാനും,അസിഫ് അലിയും,നിത്യയും പിന്നെ നേരത്തെ പറഞ്ഞ പേര് എനിക്ക് അറിയില്ലാത്ത കലാകാരന്മാരും ഒക്കെ നന്നായിട്ടുണ്ട്.ജഗതിയെ എന്തിനു ഈ പടത്തില്‍ ഇട്ടു എന്ന് മനസിലാകുന്നില്ല .ചില രംഗങ്ങളില്‍ നിഷാനും (നായികയുടെ അച്ഛനുമായി വീട്ടില്‍ വെച്ച് സംസാരിക്കുന്ന രംഗം ഉദാഹരണം) നിത്യയും (അവസാന ഇരുപതു മിനിട്ട് )കുറച്ചൊക്കെ പാളി പോകുന്നത് ക്ഷമിക്കവുന്നത്തെ ഉള്ളു എന്നാണ് എന്‍റെ അഭിപ്രായം.പക്ഷെ ഇവരുടെ ഒക്കെ ആത്മാര്‍ത്ഥമായ പ്രയത്നം ചിത്രത്തിന് പുതുമ നല്‍കുന്നതില്‍ സഹായിക്കുന്നു.ഗാനങ്ങള്‍ ചിത്രത്തിന്റെ മൂഡുമായി ചേര്‍ന്ന് പോകുന്നവയാണ്.

അപ്പോള്‍ മൊത്തത്തില്‍ ഒരു അഭിപ്രായം ....

വളരെ നല്ലതകേണ്ടിയിരുന്ന ഒരു ചിത്രം. എങ്കില്‍ പോലും ഇപ്പോളത്തെ മലയാള സിനിമ നിലവാരം വെച്ച് നോക്കിയാല്‍ കാണാവുന്നതാണ് . ഇതില്‍ നിന്നും മലയാള സിനിമ പ്രവര്‍ത്തകര്‍ ശരിയായ പാഠങ്ങള്‍ ഉള്‍കൊണ്ടാല്‍ ഒരു പക്ഷെ മലയാള സിനിമ രക്ഷ നേടിയേക്കും .