Saturday, August 14, 2010

പ്ലസ്‌ ടു (Plus two)

എടെ എന്തുവാടെ ഇതു ? ഈയിടെയായി എവിടെ അനക്കമൊന്നും ഇല്ലാലോ. കട പൂട്ടിയോ ?

മം .. പൂട്ടും .. ചില്ലപ്പോഴേ ഉള്ളു. മലയാള പടം എന്തെങ്കിലും വേണ്ടേ അണ്ണാ എഴുതാനായി ? പിന്നെ തസ്കര ലഹള എന്ന ചിത്രവും അഡ്വ ലക്ഷ്മണ്‍ Ladies only എന്ന ചിത്രവും ഒരു ആഴ്ച കഴിയുന്നതിനു മുന്നേ തിയേറ്റര്‍ വിട്ടത് എന്‍റെ തെറ്റാണോ ?

ശരി അടങ്ങേടെ . ഇപ്പോള്‍ എന്താ വിശേഷം ? പുതിയ പടം വല്ലതും ? നീ പിപ്പിലീ ലൈവ് കണ്ടു കാണും അല്ലെ .

അണ്ണാ . ഈ ബൂലോകത്ത് ആ പടം ഇറങ്ങുന്നതിനു മുന്‍പ് തന്നെ അഭിപ്രായം നിരൂപണം ആണെന്നും അല്ലെന്നും ഒക്കെ പറഞ്ഞു കാച്ചുന്ന മാന്യന്മാര്‍ ഈ ബൂലോകത്ത് തന്നെ ഉണ്ട് . പിന്നെ നമുക്ക് മലയളം കഴിഞ്ഞേ ഉള്ളു മറ്റു എന്തും.

അപ്പോള്‍ നീ ......

എന്തോന്ന് സംശയം ? അത് തന്നെ . പ്ലസ്‌ ടു എന്ന ചലച്ചിത്രം ഇന്നലെ കണ്ടു അണ്ണാ.

അന്നോ . നന്നായി . ശരി എന്നാല്‍ പിന്നെ താമസിക്കണ്ട. തെറി തുടങ്ങിക്കോ ? പുതിയ സംവിധയകന്‍ , പുതിയ തിരകഥാ കൃത്ത്, പുതു മുഖ നടീ നടന്‍മാര്‍ . ഹ്ഹോ തെറി പറഞ്ഞു കൊല്ലാം. ആരെ പേടിക്കാന്‍ ? ഗര്‍ജിക്കെടാ നിരൂപക സിംഹമേ ...?

അതെ അല്ലെങ്കിലും ചോദിക്കാനും പറയാനും ഇല്ലാതാവനോടൊക്കെ ആണല്ലോ നമ്മള്‍ നിരൂപക കഴുവേറികളുടെ (ഈ വാക്ക് ഇന്നലെ മുതല്‍ മാന്യം ആയി ഏതോ മന്ത്രി പ്രഖ്യാപിച്ചതായി പത്രത്തില്‍ കണ്ടു ) അട്ടഹാസം .

എടെ നീ അടങ്ങു എന്നിട്ട് കാര്യം പറ.

അണ്ണാ ഒരു എണ്പതുകളുടെ ആദ്യം മിഥുന്‍ ചക്രവര്‍ത്തി ഡിസ്കോ ഡാന്‍സര്‍,ഡാന്‍സ് ഡാന്‍സ് എന്നീ ചിത്രങ്ങളിലൂടെ യുവ തലമുറയുടെ ഹരമായി വാഴുന്ന കാലം.അപ്പോളാണ് ഗോവിന്ദ എന്ന നടന്‍റെ അരങ്ങേറ്റം.കുറെ കാലം അദേഹം അറിയപെട്ടിരുന്നത് പാവങ്ങളുടെ മിഥുന്‍ എന്നായിരുന്നു .

അതും ഈ ചിത്രവുമായി ആയി എന്താ ബന്ധം ?

മുകളില്‍ പറഞ്ഞ കാര്യം അതിന്റെ ശരിയായ അര്‍ഥത്തില്‍ മനസ്സില്‍ ആയാല്‍ എന്നി പറയുന്ന കാര്യം മനസ്സില്‍ ആകും . ഒറ്റ വാചകത്തില്‍ പ്ലസ്‌ ടു എന്ന ഈ ചിത്രത്തെ പാവങ്ങളുടെ മലര്‍വാടി ആര്‍ട്സ് ക്ലബ്‌ എന്ന് വിളിക്കാം .എന്ന് വെച്ചാല്‍ മലര്‍വാടി ആര്‍ട്സ് ക്ലബ്‌ എന്ന മഹത്തായ ചിത്രത്തിന് ഉള്ള എല്ലാ നല്ലതും ഈ ചിത്രത്തിനും ഉണ്ട് . അത് പോലെ എല്ലാ മോശ വശങ്ങളും ഈ ചിത്രത്തിനും ഉണ്ട്.പിന്നെ ഇല്ലാത്തത് മലര്‍വാടിക്കാര്‍ കാണിക്കുന്ന പ്രചാരണ പരിപാടികളും അവകാശ വാദങ്ങളും മാത്രം .

എടെ നീ എങ്ങനെ അടച്ചു പറയാതെ ഒന്ന് വിശദമാക്കാമോ ?

നേരത്തെ പറഞ്ഞത് പോലെ പുതുമുഖ സംവിധായകന്‍ സെബി ചാവക്കാട്,തിരകഥ ജയിന്‍ ജോര്‍ജ്,പുതുമുഖ നായകന്‍ റോഷന്‍,നായികാ ഷഫ്ന (കഥ പറയുമ്പോള്‍ എന്ന ചിത്രത്തില്‍ ശ്രീനിവാസന്റെ മൂത്ത മകളായി (കുചേലന്‍ ലും ) അഭിനയിച്ച കുട്ടി )പിന്നെ സായികുമാര്‍,ഗീതാ വിജയന്‍, മണിയന്‍പിള്ള രാജു,സോനാ നായര്‍,KPSC ലളിത,സിറാജ്,സലിം കുമാര്‍ എന്നിവരും അഭിനയിക്കുന്നു.

ഇനി കഥയെ പറ്റി..?

നായകന്‍ പ്രിന്‍സ്, പ്ലസ്‌ ടു വിനു പഠിക്കുന്ന , എന്‍ ആര്‍ ഐ മാതാപിതാക്കളുടെ ഏക മകന്‍ . മകനെ ഒറ്റയ്ക്ക് ഒരു വില്ല എടുത്തു കൊടുത്തു ഒരു വേലക്കാരനെയും കൊടുത്തു പഠിക്കാന്‍ വിട്ടിരിക്കുകയാണ് മാതാപിതാക്കള്‍.വേലക്കാരന്‍ ലാലപ്പന്‍ (സലിം കുമാര്‍) ഒരു സിനിമാ നടനാണെന്ന് അവകാശപ്പെടുന്ന ചാന്‍സ് അന്വേഷി ആണ്.വല്ലപ്പോഴുമേ വില്ലയില്‍ വരൂ .ചുരുക്കത്തില്‍ പ്രിന്‍സും ഒരു നാലു കൂട്ട് കാരും അടങ്ങുന്ന സംഘം അടിച്ചു പൊളിച്ചു കഴിയുന്നു.(പ്രതേകിച്ചു ഒന്നും ചെയുന്നതായ് കാണിക്കുന്നില്ല എന്നാലും പിള്ളാരല്ലേ അടിച്ചു പൊളിക്കും എന്ന് ഊഹിക്കവുന്നതല്ലേ ഉള്ളു !!). ഒരു രാത്രിയില്‍ ആ വില്ലയിലേക്ക് ഒരു അമ്മയും മകളും വരുന്നു അമ്മയുടെ (പ്രേമ) മൂത്ത മകളുടെ വിലാസം അന്വേഷിച്ചാണ് വരുന്നത്.പ്രഥമ ദര്‍ശനത്തില്‍ നായകന് ഉണ്ടാകുന്ന ഉഗ്രന്‍ ലവ് ( ഈ സാധനം മലയാള സിനിമയില്‍ നിന്നും ഒന്ന് നിരോധിക്കാമോ?അല്ലാതെ സിനിമയില്‍ പുക വലിച്ചു,മദ്യപിച്ചു എന്നോകെ പറഞ്ഞു പാവം നടന്മാര്‍ക്ക് എതിരെ കേസ് എടുക്കാതെ), അമ്മയുടെ മരണത്തോടെ അപരിചിതമായ നഗരത്തില്‍ ഒറ്റകാവുന്ന നായിക.സഹായിക്കാനായി അവളെ ഏറ്റെടുത്തു സ്വന്തം വീട്ടില്‍ രഹസ്യമായി താമസിപ്പിക്കുന്ന നായകന്‍ .വിവരം അറിയുന്ന പാടെ ഈ ബന്ധത്തിന് പൂര്‍ണ പിന്തുണ പ്രഖ്യാപിക്കുന്ന കൂട്ടുകാര്‍ . കുറെ നാള് മുഖത്തോട് മുഖം നോക്കി മടുത്ത നായകന്‍ നായികയെ ചുംബിക്കാന്‍ ശ്രമിക്കുമ്പോള്‍ പിണങ്ങി പോകുന്ന നായിക. തെരുവില്‍ അലയുന്ന അവളെ പീഡകരില്‍ നിന്നും സ്ടണ്ട് നടത്തി രക്ഷിക്കുന്ന നായകനും കൂട്ടുകാരും (ഇവിടെ മാത്രം ഈ ചിത്രം മലര്‍വാടിയെ പിന്നിലാക്കുന്നു . നാലഞ്ചു ഗുണ്ടകളെ നേരിടുന്നത് നാല് ചള്ള് ചെറുക്കന്മാര്‍ !!!!) ഒടുവില്‍ പ്രണയിക്കുന്ന നായിക.പിന്നെ പ്രണയം വീട്ടില്‍ പിടിക്കുന്നതും,കമിതാക്കള്‍ വേര്‍പിരിയുന്നതും ഒടുവില്‍ ഒത്തു ചേരുന്നതും ഉള്‍പ്പെടെ ഉള്ള സ്ഥിരം ട്രാക്കില്‍ കൂടെയാണ് ഈ ചിത്രവും നീങ്ങുന്നത്‌ . നായകന്റെ മാതാ പിതാക്കളായി സായി കുമാറും ഗീതാ വിജയനും വരുന്നു . അമൂമ്മയായി KPSC ലളിത , അയല്‍വാസിയായ ബന്ധുവും നായകന്റെ സുഹൃത്തിന്റെ മാതാപിതാക്കളും ആയി മണിയന്‍ പിള്ള രാജുവും സോനാ നായര്‍ ഉം അഭിനയിക്കുന്നു . നായകനെയും കൂട്ടുകാരെയും പഠിപ്പിക്കുന്ന അധ്യാപകനായി സിറാജ് വരുന്നു (അധികം ഇല്ലാത്തത് വലിയൊരു ഭാഗ്യം ആണു). ഇവര്‍ക്കാര്‍ക്കും തന്നെ ഈ ചിത്രത്തില്‍ വലുതായി ഒന്നും ചെയാനില്ല.

ശരി എന്നി പടത്തിന്റെ നാല് കുറ്റം പറഞ്ഞെ .

ഒരു പുതുമുഖ സംവിധായകനില്‍ നിന്നും പ്രതീക്ഷിക്കുന്ന പുതുമ നമുക്ക് ഈ ചിത്രത്തില്‍ ഒരിടത്തും കാണില്ല . (ശ്രീനിവാസനില്‍ നിന്നും പ്രതീക്ഷിക്കുന്ന ഒരു ചിത്രം അല്ല മലര്‍വാടി എന്നത് കൊണ്ട് മകന്റെ പേരില്‍ ഇറക്കിയതാണ് എന്ന് ആരെങ്കിലും പറഞ്ഞാല്‍ എന്നിക്ക് വലിയ ആശ്ചര്യം ഒന്നും തോന്നില്ല എന്നതാണ് സത്യം ). പുതുമുഖ നടീനടന്‍മാര്‍ അവരാല്‍ കഴിയുന്നത്‌ പോലെ അഭിനയിചിടുന്ടെങ്കിലും തിര കഥയിലെ ബലക്കുറവു അവരുടെ പ്രയത്നത്തിനു ഉദ്ദേശിച്ച പ്രയോജനം തരുന്നില്ല . (ഉദാഹരണമായി നായകന്റെ സുഹൃത്തുക്കളില്‍ മാത്യു എന്ന കോലന്‍ മുടിക്കാരനെ ഒഴിച്ചാല്‍ വേറെ ആരും ഓര്‍മയില്‍ തങ്ങി നില്‍ക്കുന്നു പോലും ഇല്ല.നായകനുമായി ഇടയ്ക്കിടെ ഫോണില്‍ വിളിച്ചു ഒരേ വാചകങ്ങള്‍ വള്ളി പുള്ളി വ്യത്യാസം ഇല്ലാതെ പറയുന്ന അമ്മൂമയും , ഒരിക്കല്‍ പോലും വിളിക്കാത്ത മാതാപിതാക്കളും ഒന്നും ഒരു ചലനവും പ്രേക്ഷകരില്‍ ഉണ്ടാക്കുന്നില്ല ). നായിക തന്‍റെ മുന്‍ ചിത്രങ്ങളിലെ അനുഭവ സമ്പത്ത് പൂര്‍ണമായും ഉപയോഗിച്ചിട്ടുണ്ട് . നായകനും ആയി അടുത്ത് നില്‍ക്കുമ്പോള്‍ പൊടിക്ക് പ്രായകൂടുതല്‍ തോന്നിക്കുന്നുണ്ടോ എന്ന സംശയം മാത്രം!! .സലിം കുമാര്‍ കുറെ നാളുകള്‍ക്ക് ശേഷം നന്നായി എന്ന് തോന്നിയ ചിത്രമാണ് ഇതു . സിരാജും തീരെ ബോര്‍ ആക്കിയില്ല .പ്രണയം എന്ന ഒരു ഒറ്റ കുറ്റിയില്‍ നിന്ന് കറങ്ങാതെ തിരകഥ ഉണ്ടാക്കിയിരുന്നെങ്കില്‍ നന്നായിരുന്നേനെ .ഗാനങ്ങള്‍ സംവിധാനം ചെയ്തിരിക്കുനത് പുതു മുഖമായ മനു രമേശന്‍ ആണ് . (പുതു മുഖം എന്ന പരിഗണയില്‍ നന്നായി എന്ന് തന്നെ പറയാം ) .ക്യാമറ കൈകാര്യം ചെയ്ത ദിലീപ് രാമന്‍ തന്‍റെ ജോലി വൃത്തിയായി ചെയ്തു .

അപ്പോള്‍ ചുരുക്കത്തി പറഞ്ഞാല്‍......?

മലര്‍വാടി ആര്‍ട്സ് ക്ലബ്‌ എന്ന ചിത്രം ഇഷ്ടപെട്ട ഒരു പ്രേക്ഷകന്‍ ആണ് നിങ്ങള്‍ എങ്കില്‍ ന്യായമായും ഈ ചിത്രവും നിങ്ങള്‍ക്ക് ഇഷ്ടപ്പെടെണ്ടത് ആണ് . എന്നിക്ക് രണ്ടും അത്ര സുഖിച്ചില്ല

5 comments:

  1. തീരെ മോശമല്ലാത്ത ചെറിയ ചിത്രങ്ങള്‍ സാമ്പത്തിക നഷ്ടം എങ്കിലും കൂടാതെ വിജയിക്കേണ്ടത്‌ മലയാള സിനിമയുടെ നിലനില്‍പ്പിനു തന്നെ ആവശ്യമാണ്‌. ഈ ചിത്രം കാണാനും ആസ്വാദനം എഴുതാനും സഹൃദയത്വം കാണിച്ച ബാല്‍ക്കണിക്ക് വളരെ നന്ദി. ഞാനും ഇന്നലെ ചിത്രം കണ്ടു. ഒരു പുതുമുഖ ചിത്രം എന്നാ പരിഗണന നല്‍കിയാല്‍ കണ്ടിരിക്കാവുന്ന ചിത്രമാണ് പ്ലസ്‌ടു

    ReplyDelete
  2. മലര്‍വാടിയുമായി താരതമ്യം ചെയ്തു പറഞ്ഞത് മുഴുവന്‍ ശരിയാണ്... എനിക്കും ഈ പടം കഴിഞ്ഞപ്പോള്‍ അങ്ങനെ തോന്നിയിരുന്നു...

    ReplyDelete
  3. നല്ല റിവ്യൂ. പാവം പുതുമുഖങ്ങള്‍ കഞ്ഞി കുടിച്ചു പോവട്ടെന്നെ.

    ReplyDelete