ജനകന്‍

അണ്ണാ പറയുന്നത് കൊണ്ട് ഒന്നും തോന്നരുത് ഞാന്‍ അത് ചെയ്തു .....

എന്തോന്നെടെ എത്ര വലിയ ഒരു ധീരകൃത്യം ?

ഇന്നലെ ജനകന്‍ കണ്ടു .

നന്നായി പോയി . എടാ നിനക്കിതു തന്നെ വേണം . ഈ ബൂലോകത്തെയും പുറത്തും ഉള്ള സകല നിരൂപക സിംഹങ്ങളും ഒരേ സ്വരത്തില്‍ തെറി വിളിച്ചിട്ടും കേള്‍ക്കാതെ നീ ആ പടം കാണാന്‍ പോയെങ്ങില്‍ അറിയാത്ത പിള്ള ചൊറിയുമ്പോള്‍ അറിയും എന്നെ എനിക്ക് പറയാനുള്ളൂ .നീ ആ പടത്തെ പറ്റി കുടുതല്‍ വിശേഷം ഒന്നും പറയണ്ട . നമ്മുടെ ലാലേട്ടന്‍ ഉള്ളത് കൊണ്ട് കണ്ടു കൊണ്ട് ഇരിക്കാം അല്ലെ. ഇതു തന്നെ അല്ലെടെ എല്ലാവനും പറയുന്നേ.പിന്നെ ലാലേട്ടന്‍ ഒഴികെ ഉള്ളവരെ രണ്ടു ലോഡ് തെറിയും.ഇതു തന്നെ അല്ലെടെ നിനക്കും പറയാന്‍ ഉള്ളത് ?

പൊന്നു സഹോദരാ ഒന്ന് പറയാനുള്ളത് കേള്‍ക്കാമോ ? തോക്കില്‍ കേറി വെടി വയ്ക്കാന്‍ വന്നാല്‍ പിന്നെ എന്ത് പറയാനാ ?
ഓ ശരി എന്താ നിനക്ക് പറയാന്‍ ഉള്ളത്?

അണ്ണാ ഈ പടത്തെ കുറിച്ച് നല്ലതും ചീത്തയും അയ കുറച്ചു കാര്യങ്ങള്‍ പറയാനുണ്ട്‌.ആദ്യം നല്ല കാര്യങ്ങള്‍ . ഒറ്റ വാചകത്തില്‍ പറഞ്ഞാല്‍ വൈരം എന്ന പടത്തിന്റെയും ജനകന്‍ എന്ന പടത്തിന്റെയും മൂലകഥ ഒന്ന് തന്നെയാണ്.(മാത്രമല്ല മുന്‍പ് പല പടങ്ങളിലും സൈഡ് ട്രാക്ക് ആയും അല്ലാതെയും സമാന സാധനങ്ങള്‍ വന്നിട്ടും ഉണ്ട് ).എന്നാല്‍ വൈരത്തില്‍ നിന്നും വ്യത്യസ്തമായ ഒരു അവതരണ ശൈലി ഈ പടത്തിനു നല്കാന്‍ സംവിധായകന്‍ ശ്രമിച്ചിട്ടുണ്ട്.അതില്‍ നല്ലൊരു പരിധി വരെ വിജയിച്ചിട്ടും ഉണ്ട് പുതുമുഖ സംവിധായകന്‍ എന്‍ ആര്‍ സഞ്ജീവ് .പിന്നെ ഗാനങ്ങള്‍,ഗാന ചിത്രീകരണം, സംഘട്ടനം എന്നിവ നിലവാരം പുലര്‍ത്തുന്നു. പിന്നെ ചുരുക്കം ചില അപ്രധാന കഥാപാത്രങ്ങള്‍ ഒഴികെ എല്ലാവരും നന്നായി അഭിനയിചിടുണ്ട് .

എടെ അത് വിട് . സുരേഷ്ഗോപി ഭയങ്കര ബോര്‍ ആയി എന്നാണല്ലോ എല്ലാ നിരൂപക സിംഹങ്ങളും ഒറ്റ സ്വരത്തില്‍ ഗര്‍ജിക്കുന്നത്.അത് വെറുതെയാണോ ?

പടത്തിന്റെ തുടക്കം മുതല്‍ ഒരൊറ്റ ഭാവത്തില്‍ , ഒരേ താളത്തില്‍ അതായിത് വോയിസ്‌ modulation എന്നൊരു സാധനമേ ഇല്ലാതെ ഡയലോഗ് പറഞ്ഞിട്ട് പോകുന്ന ലാലേട്ടന്റെ അഭിനയത്തെകാള്‍ എനിക്ക് നന്നായിതോന്നിയത് അമിതാഭിനയം ഇല്ലാത്ത സുരേഷ് ഗോപിയുടെ പെര്‍ഫോര്‍മന്‍സ് ആണ്.തന്റെ പരിമിതികള്‍ക്കുള്ളില്‍ നിന്ന് കൊണ്ട് തന്നെ സുരേഷ്ഗോപി ഈ ചിത്രത്തില്‍ അഭിനയത്തിന്റെ കാര്യത്തില്‍ ലാലേട്ടനെ മറികടന്ന ചിത്രമാണ് ജനകന്‍ എന്നാണ് എനിക്ക് തോന്നുന്നത് .

ഡേ നീ ഈ പറയുന്നതൊന്നും ഫാന്‍സ്‌ കേള്‍ക്കണ്ട . ശരി ബാക്കി പറ ..

ഇനി ചീത്ത കാര്യങ്ങള്‍ . a brain bank story, in & as മുതലായ മണ്ടത്തരങ്ങളെ പറ്റി പലരും പറഞ്ഞതാണല്ലോ . പടത്തിന്റെ ഏറ്റവും വലിയ ബലഹീനത എസ്. എന്‍ സ്വാമിയുടെ തിരകഥയും മോഹന്‍ലാലിന്‍റെ കഥാപാത്രവും ആണ് . ആദ്യമായി ലാലിന്‍റെ കഥാപാത്രത്തെ പറ്റി . ഇവിടെ സിനിമക്ക് വിനയാകുന്നത് ലാലിന്‍റെ സൂപ്പര്‍ താരഇമേജ് ആണ് . അത് മറികടക്കാന്‍ ഒരു ശ്രമവും അദേഹത്തിന്റെയോ എസ്. എന്‍ സ്വാമിയുടെയോ സംവിധായകന്റെയോ ഭാഗത്ത്‌ നിന്നും ഉണ്ടാകുന്നില്ല.ഫലം സംസ്ഥാനത്തെ പോലീസ് മുഴുവന്‍ അണി നിരന്നിട്ടും ഒരു വിധത്തിലുള്ള ടെന്‍ഷനും ആര്‍ക്കും അനുഭവപെടുന്നില്ല.( പിന്നേ ... ലാലേട്ടന്റെ അടുത്തല്ലേ ചീള് പോലീസ് ) ലാലിന് പകരം പ്രകാശ്‌ രാജ്നെ പോലെയുള്ള ആരെയെങ്കിലും ഉപയോഗിചിരുന്നെകില്‍ സൂര്യ നാരായണന്‍ എന്ന കഥാപാത്രം കുറച്ചു കൂടി ചിത്രത്തിന് പ്രയോജനം ചെയ്തേനെ.ഇത്രയും പ്രമാദമായ ഒരു കേസ് ആയിട്ടു കൂടി അതെങ്ങനെ പരിഹരിക്കണം എന്ന് തനിക്കറിയാം എന്ന മട്ടിലാണ്‌ തുടക്കം മുതല്‍ അദേഹത്തിന്റെ നില്‍പ്പ്.!!!

ഇനി എസ് എന്‍ സ്വാമിയുടെ തിരകഥ . നിരവധി സിനിമകള്‍ക്ക്‌ തിരകഥ സംഭാഷണം രചിച്ച അദേഹം രചിച്ച ഒരു വാചകം ലാല്‍ അവതരിപ്പിക്കുന്ന വക്കീല്‍ പ്രതികളോട് പറയുന്നുണ്ട് . "ഈ കുറ്റത്തിന് ലഭിക്കാവുന്ന ഏറ്റവും കുറഞ്ഞ ശിക്ഷ തൂക്കുമരം ആണ് ." പ്രിയ സുഹൃത്തെ ഇന്ത്യന്‍ ഭരണ ഘടന അനുസരിച്ച് നല്‍കാവുന്ന ഏറ്റവും വലിയ ശിക്ഷയാണ് തൂക്കി കൊല്ലല്‍ എന്നാണ് എന്റെ അറിവ് !!! പിന്നെ ഒരു വക്കീല്‍ അഭ്യന്തര മന്ത്രിയെയും ഉയര്‍ന്ന പോലീസ് ഉദ്യോഗസ്ഥനെയും വീട്ടില്‍ വിളിച്ചു വരുത്തുക.വരുന്ന പോലീസ് ഉദ്യോഗസ്ഥന്‍ കതകു അടയ്ക്കാന്‍ സമ്മതിക്കാതിരിക്കുക (പുറത്തു പോലീസ് സേന നില്‍ക്കുമ്പോള്‍ ആണെന്ന് ഓര്‍ക്കണം ).പിന്നെ ലാലേട്ടന്റെ വീടിലേക്ക്‌ അന്നെങ്കില്‍ ജഡ്ജി സെര്‍ച്ച്‌ വാറന്റ് ഒപ്പിടില്ലായിരുന്നു (അതും പോലീസ് തേടുന്ന മൂന്ന് പ്രതികള്‍ ഒളിച്ചിരിക്കുമ്പോള്‍ ) എന്ന് പറയുന്നത് മിതമായ ഭാഷയില്‍ പറഞ്ഞാല്‍ കോടതിയെ അപമാനിക്കലാണ് .ഇങ്ങനെ പറയാന്‍ ആണെങ്കില്‍ ഒത്തിരി ഉണ്ട് . ഒരൊറ്റ കാര്യം കുടി, പീഡനത്തെ കുറിച്ച് ഇപ്പോളും
എസ് എന്‍ സ്വാമിക്ക് ഒരു പഴയ കോണ്‍സെപ്റ്റ് (ബാലന്‍ കെ നായര്‍ , ടി ജി രവി ലൈന്‍ )
ആണ് ഉള്ളത്. നായികയുമായി WWF നടത്തുന്ന ബലാല്‍സംഗം എന്ന ഐറ്റം ഇപ്പോളും കൊണ്ട് നടക്കാന്‍ ഒരു ഉളുപ്പും ഇല്ലെ ഇവര്‍ക്കൊന്നും? ഈ നാട്ടില്‍ നടക്കുന്ന പീഡനങ്ങളില്‍ ഏറിയ പങ്കും ഇങ്ങനെ ഗുസ്തി നടത്തി ചെയ്യുന്നത് ആണെന്നാണോ ഇവരുടെ ഒക്കെ വിചാരം? അച്ഛന്‍ ഉറങ്ങാത്ത വീട് എന്ന ചിത്രം നോക്കു അതില്‍ ആരും നായികയുമായി ഗുസ്തി കൂടിയല്ല നശിപ്പികുന്നത്. മറിച്ചു പ്രലോഭനവും ഭീഷണിയും ഒക്കെ ചേര്‍ത്ത് പതുക്കെ പതുക്കെ നാശത്തിലേക്ക് തള്ളി വിടുകയല്ലേ ചെയുന്നത് .പിന്നെ അതൊക്കെ പോകട്ടെ കേരളത്തിലെ ഇപ്പോളത്തെ ഒരു അവസ്ഥ വെച്ചിട്ട് ഒരു ഉയര്‍ന്ന പോലീസ് ഉദ്യോഗസ്ഥനും , രാഷ്ട്രീയ സ്വാധീനം (എന്ന് വെച്ചാല്‍ അഭ്യന്തര മന്ത്രി ഉള്ളം കൈയില്‍ ഇരിക്കുന്ന) ഉള്ള ഒരു പണക്കാരനും അവിഹിതം നടത്താന്‍ ഒരു പെണ്‍കുട്ടിയെ പറഞ്ഞു പറ്റിച്ചു കൊണ്ടുവന്നു ഗുസ്തി കൂടി കാര്യം സാധികേണ്ട ഗതി കേടു ഉണ്ടെന്നു ഞാന്‍ കരുതുന്നില്ല. ഇങ്ങനെ കാണിക്കുമ്പോള്‍ കാണുന്നവന്‍ വെറും കഴുത ആണെന്ന ധൈര്യം ആണ് ഇവരെ കൊണ്ട് ഇങ്ങനെ എഴുതിക്കുന്നത് .എന്നിട്ട് ചെയ്യുന്നതോ . ഗുസ്തി കഴിഞ്ഞു ചാകാറായ കൊച്ചിനെ വഴിയില്‍ വലിച്ചെറിയുന്നു!!!
ശൂ.... എന്ന് പറഞ്ഞൊരു ക്ലൈമാക്സ്‌ കുടിയാകുമ്പോള്‍ ജനകന്റെ ദുരന്തം പൂര്‍ത്തിയാകുന്നു.

അപ്പോള്‍ പടത്തെ പറ്റി മൊത്തത്തില്‍ പറഞ്ഞാല്‍ ....

ഈ പറയുന്നത്ര മോശം ഒന്നുമല്ല ജനകന്‍ . പ്രത്യേകിച്ചു ഇപ്പോള്‍ ഇറങ്ങുന്ന മലയാള സിനിമയുടെ നിലവാരം വെച്ച് നോക്കിയാല്‍ . (ദ്രോണ,ചട്ടമ്പിനാട് , താന്തോന്നി,Angel ജോണ്‍ ..... ഈ വക പടപ്പുകളെകാലും ഭേദം ). സഹിക്കാം എന്ന് ചുരുക്കം .