Wednesday, December 25, 2013

ഒരു ഇന്ത്യൻ പ്രണയ കഥ (മറ്റൊരു സത്യൻ പടപ്പ് !!!)

അണ്ണാ  ഇതു അണ്ണൻ  എന്ത് പറഞ്ഞാലും സമ്മതിക്കില്ല  ഒന്നും പറയണ്ട ......

ശരി പറയുന്നില്ല

ഛെ .. അതല്ല അതൊരു പ്രാസത്തിനു പറഞ്ഞതല്ലേ ... ഞാൻ ഉദ്ദേശിച്ചത്  നമ്മുടെ കുടുംബ സദസ്സുകളുടെ പ്രിയങ്കരനായ സത്യൻ അന്തിക്കാടും , നവയുഗ (ന്യൂജനറേഷൻ)  നായകൻ ഫഹദ് ഫാസിലും , പിന്നെ പുതിയ താര  റാണി അമല പോൾ ഇതൊന്നും കൊണ്ട് തൃപ്തി ആയില്ലങ്കിൽ തകർപ്പൻ തിരക്കഥ മാത്രമെഴുതുന്ന ഡോ .ഇക്ബാൽ കുറ്റിപ്പുറം. പശ്ചാത്തലം ആണേൽ കോട്ടയവും .കോട്ടയം പ്രണയകഥ എന്നാ ടാഗ്  ലൈൻ വേറെ....ഇനിയും പുതുമ പോരെങ്കിൽ പാവം ഇളയ രാജയെ വിട്ടു വിദ്യാസാഗർ ആണ് സംഗീതം പ്രദീപ്‌ നായർ ചായാഗ്രഹണം ....   ഒന്നും പറയണ്ട മലയാള പ്രേക്ഷകന്റെ പ്രതീക്ഷ ആകാശവും കടന്നു ബഹിരാകാശത്ത് എങ്കിലും എത്തിയേ  നിൽക്കു  ഉറപ്പല്ലേ .

അനിയാ മലയാള സിനിമയിലെ മറ്റു പല വൻ തോക്കുകളെ പോലെ തന്നെ എനിക്ക് പേടിയുള്ള ഒരാളാണ് സത്യൻ അന്തിക്കാട്‌ തന്റെ കൈയില്ലേ സ്റ്റോക്ക്‌ തീർന്നു എന്ന് ആവർത്തിച്ചു തെളിയിച്ചിട്ടും എന്നും നിന്റെ ഒക്കെ പ്രതീക്ഷ തെങ്ങിന്റെ മുകളിൽ ആണെങ്കിൽ അതിനു വേറെ ആരെയും കുറ്റം പറഞ്ഞിട്ട് കാര്യമില്ല . അവസാനം അദ്ദേഹത്തിന്റെ സഹിക്കാവുന്ന ചിത്രം ഭാഗ്യദേവത    ആയിരുന്നു എന്നാണ ഓർമ്മ. അതിനു മുൻപും പിന്പുമായി അദ്ദേഹം എടുത്തു കൂട്ടിയ സാരോപദേശവും അല്ലാത്തതുമായ ചലച്ചിത്ര കാവ്യങ്ങൾ . ......ഹോ എനിക്ക് പേടിയാ അനിയാ ആ മനുഷ്യനെ . മോഹൻ  ലാലിനെ പറ്റിയൊക്കെ  പലപ്പോഴും പറയാറുള്ളത് പോലെ പണ്ട്   കുറെ നല്ല സിനിമകൾ തന്നു എന്നതിന്റെ പേരില് ഇയാളെ എത്ര കാലം കൂടി സഹികേണ്ടി വരും എന്ന് പല സിനിമകൾ കാണുമ്പോളും നമ്മെ കൊണ്ട് ചിന്തിപ്പിച്ച മനുഷ്യൻ ആണ് അദ്ദേഹം  എന്ന് ഞാൻ കരുതുന്നു .

നമുക്ക് പഴയ കഥ ഒക്കെ വിടാം അണ്ണാ . ഇവിടെ  നമ്മുടെ പ്രശ്നം ഒരു ഇന്ത്യൻ പ്രണയ കഥ എന്നാ പുതിയ ചിത്രമാണ് .

ഫഹദ് ഫാസിൽ അവതരിപ്പിക്കുന്ന അയ്മനം സിദ്ധാർഥൻ ആണ് ഈ ചിത്രത്തിലെ നായക കഥാപാത്രം .(സന്ദേശത്തിലെ ജയറാം അവതരിപ്പിക്കുന്ന ഖാദർ രാഷ്ട്രീയക്കാരന്റെ അതെ രൂപം  ) അയ്മനം മണ്ഡലം പ്രസിഡണ്ട്‌ കൂടെയായ ഇയാൾ അടുത്ത തെരഞ്ഞെടുപ്പിൽ സീറ്റ്‌ പ്രതീക്ഷിച്ചു ഇരിക്കുന്നു . അതിനായി അത്യാസന്ന നിലയില ഉള്ള സ്ഥലം എം എൽ എ  മരിച്ചോ എന്ന്  അന്വേഷിക്കുക്ക സ്വന്തം ഫ്ലെക്സ് വയ്ക്കുക തുടങ്ങിയ ചില്ലറ തരികിടകൾ (ഇതിനൊക്കെ ഇപ്പോൾ തരികിട എന്ന് പറയുമോ എന്നറിയില്ല ) ആയി കഴിയുന്ന പാവം ഖാദർ രാഷ്ട്രീയക്കാരൻ.ജീവിതം സുരക്ഷിതം ആക്കുന്നതിന്റെ ഭാഗമായി ഒരു കാശുകാരന്റെ മകളുമായി (ഷഫ്ന)  പ്രേമത്തിൽ ആണ് ഇദ്ദേഹം . (അതിനെ പുളികൊമ്പ് എന്ന് വിശേഷിപ്പിക്കുമ്പോൾ തന്നെ നമുക്ക് മനസിലാകും ഇതു എവിടെ പോയി നില്ക്കാനുള്ളത് ആണെന്ന്!!!) .എന്നാൽ ഒടുവിൽ എം എൽ എ മരിച്ചപ്പോൾ ഹൈക്കമാന്റ്  മുകളിൽ നിന്ന് കെട്ടിയിറക്കിയ ദേശീയ നേതാവിന്റെ മകൾക്ക്  (മുത്ത്‌ മണി ) സീറ്റ്‌ കൊടുക്കുന്നു .നിരാശനായ സിദ്ധാർഥൻ തല്ക്കാലത്തേക്ക് രംഗത്ത്‌ നിന്ന് പിന്മാറുന്നു . നേതാവായ ഉതുപ്പ്  വള്ളിക്കാടൻ (ഇന്നസെന്റ് ) നിര്ദേശം അനുസരിച്ച്  ഡോക്യമെൻറ്ററി  നിർമ്മിക്കാൻ ക്യാനഡായിൽ നിന്നും എത്തുന്ന ഐറിൻ ഗാഡനർ  (അമല പോൾ )  എന്ന പെണ്‍കുട്ടിയുടെ സഹായി ആയി മാറുന്നു.എന്നാൽ ഒന്നാം പകുതിയുടെ അവസാനം ആണ്  ഐറീൻ എവിടെ എത്തിയതിനു പിന്നിൽ മറ്റൊരു നിഗൂധമായ ഉദ്ദേശം ഉണ്ടെന്നു മനസിലാകുന്നത്  (ഡിം.. ഇടവേള !!!!!)

എന്നിട്ട് ....

എന്നിട്ടല്ലേ കഥ തുടങ്ങുന്നത് .. ഈ കൊച്ചിനെ മൂന്നാമത്തെ വയസിൽ കാനഡയിലെ വിദേശ ദമ്പതികൾ കേരളത്തിലെ അനാഥാലയത്തിൽ നിന്ന്  ദത്തെടുത്തതാണ്  . വലുതായി വളർത്തച്ചൻ - അമ്മ ഒക്കെ മരിച്ചു കഴിഞ്ഞപ്പോൾ സ്വന്തം വേരും പടലും  കണ്ടു പിടിക്കാൻ ഇറങ്ങിയതാണ് കൊച്ചു .

അല്ല അതിനു ഈ ഡോക്യമെൻറ്ററി പിടിത്തം എന്ന ലൈൻ ..... ?പിന്നെ അണ്ണനെ ന്താ ഒരു പരിഹാസം ലൈൻ ? പത്രത്തിൽ ഒക്കെ കാണാറില്ലേ അങ്ങനത്തെ സംഭവങ്ങൾ ?

ഇവിടെ സംഗതി വ്യത്യസ്തമാണ് . നായികക്ക് അറിയാം താൻ  അവിഹിത സന്തതി ആണെന്നും തന്റെ മത പിതാക്കൾ എപ്പോൾ വിവാഹം കഴിച്ചു അവരവരുടെ കുടുംബങ്ങളും ആയി സുഖമായി ജീവിക്കുകയയിരിക്കും എന്ന് . അതിനു ഒരു വിധത്തിലുള്ള ശല്യവും ഉണ്ടാക്കാതെ വെറുതെ ഒന്ന് കണ്ടു (പറ്റിയാൽ ഒന്ന് തൊട്ടു ) തിരിച്ചു പോകണം എന്ന ഒറ്റ ആഗ്രഹമേ ഉള്ളു നമ്മുടെ നായികക്ക്  . അതിനു വേണ്ടി ആണ് പാവം ഈ പകൽ ഒക്കെ  അമ്മി കൊത്താനുണ്ടോ എന്ന് ചോദിച്ചു നടന്നിട്ട്   പറ്റിയ വീട് കണ്ടു വെച്ച് , രാത്രി കേറി മോഷ്ട്ടിക്കുന്ന അന്യസംസ്ഥാന കള്ളന്മാരെ പോരെ ഈ ക്യാമറയും മറ്റു കിടുപിടികളും ഒക്കെ തൂക്കി നടക്കുന്നത് .(ഇനി അനാഥാലയത്തിൽ നേരിട്ട് ചെന്ന് തിരക്കിയാൽ അവർ മാതാപിതാക്കളെ വിളിച്ചു അറിയിച്ചാലോ തകര്ന്നില്ലേ എല്ലാം !!!!) (കുറ്റിപ്പുറം സാർ ഒന്നും ഡോക്ടർ ആയി ഒതുങ്ങേണ്ട ആളേ അല്ല ഏറ്റവും കുറഞ്ഞത്‌ ഒരു ന്യുക്ലിയർ  ശാസ് ത്ര ഞൻ എങ്കിലും .....)

പിന്നങ്ങോട്ട് സംഗതി വെടിയും പുകയും പോലെ നീങ്ങുന്നു .ബുദ്ധിമാനായ നായകൻ പുല്ലു പോലെ നായികയുടെ വിവരങ്ങൾ അന്വേഷിച്ചു പിടിക്കുന്നു . സ്കൂൾ ലെവലിൽ ഉള്ള ഒരു ആസാദ്‌ - തുളസി ബന്ധത്തിന്റെ പ്രോഡക്റ്റ് ആണ്  ഈ കൊച്ചു (ഹിന്ദു (അമ്മ) - മുസ്ലിം(അച്ഛൻ) - ക്രിസ്ത്യൻ (കൊച്ചു) !!  ഇതാണ് തികഞ്ഞ മത സൌഹാർദം) . അച്ഛനമ്മ മാർക്ക് എങ്ങനെ ഒരു കൊച്ചു ഉള്ളത് പോലും അറിയില്ല (അമ്മയോട് കൊച്ചു പ്രസവത്തിൽ മരിച്ചു എന്നാ പറഞ്ഞിരിക്കുന്നെ .അച്ഛന് ഗര്ഭ വിഷയം പോലും അറിയില്ല !) എന്തായാലും സിദ്ധാർഥനും ഐറീനും കേരളത്തില ആയുർവേദ ഡോക്ടർ ആയി ജോലി ചെയുന്ന തുളസിയെയും (ലക്ഷ്മി ഗോപാലസ്വാമി ) രാജസ്ഥാനിൽ അത്തർ കട ഡാഡി അസാദിനെയും (പ്രകാശ്‌ ബാരെ : നമ്മുടെ ജാദു കണ്ടു പിടിച്ചു മലയാള സിനിമയെ രക്ഷിച്ച ....) കണ്ടു പിടിച്ചു  തൊട്ടു രോമാഞ്ചം കൊണ്ട് തൃപ്തി അടഞ്ഞു തിരിച്ചു പോകുന്നു .(ഇതിനിടെ സിദ്ധാർഥന്റെ നടപ്പ് ലൈൻ പൊട്ടുകയും അദ്ദേഹം ഫ്രീ ആകുകയും ചെയ്യുന്നു ) .ഒരുമാതിരി  വെട്ടു പോത്തിനെ പോലെ നടക്കുന്ന അമ്മയ്ക്കും കുടുംബ പ്രരബ്ദവുമായി നടക്കുന്ന അച്ഛനും കൊച്ചിനെ കാണുമ്പോൾ എന്തെന്നില്ലാത്ത ഒരു വാത്സല്യം വേറെ !!! ((സ്വന്തം മകൾ ആണെന്ന് അറിയില്ല കേട്ടോ എന്നാലും ... ആ ഒരു സംഗതിയേ !!!പറഞ്ഞു വരുമ്പോൾ സത്യൻ കുടുംബ സദസ്സുകളുടെ സംവിധായകൻ ആണല്ലോ ഇപ്പോളും!!!)

കഴിഞ്ഞോ അണ്ണാ....?

എവിടെ ? അണ്ണൻ മൂത്താലും മരം കേറ്റം മറക്കില്ല എന്ന് പറഞ്ഞ പോലെ ഒരൽപം സാരോപദേശം ഇല്ലെങ്കിൽ എന്തോന്ന് സത്യൻ? പോകും മുൻപ് കൊച്ചു പുറത്തൊക്കെ വേറെ തൊഴിൽ ഉള്ളവരാണ്  രാഷ്ട്രീയത്തിൽ പ്രവർത്തിക്കുന്നതെന്നും അത് പോലെ വേണം എന്നും പറഞ്ഞു  സമയം പോലെ  ഇതു വായിച്ചു പഠിക്കു എന്ന് പറഞ്ഞു ഗാന്ധിജിയുടെ ആത്മകഥയുടെ ഒരു കോപ്പി കൊടുക്കുകയും ചെയ്തിട്ടാണ് പോകുന്നത് രണ്ടു കൊല്ലം കഴിഞ്ഞു കാണിക്കുന്നത്,തന്ന പുസ്തകം ഒക്കെ വായിച്ചു മനസിലാകി ആകണം , മുടങ്ങി പോയ നിയമ വിദ്യാഭ്യാസം പൂർത്തിയാക്കി  സന്ദേശത്തിലെ ജയറാമിൽ നിന്ന്  അതെ സിനിമയിലെ തന്നെ ഖദർ ഇട്ട ശ്രീനിവാസൻ ആയി മാറിയ സിദ്ധാർതനെയാണ്‌.കണ്ടു ബോധിച്ചു സംതൃപ്തയായ കൊച്ചു ശേഷമുള്ള കാലം ഇയാളുടെ കൂടെ ജീവിക്കും എന്ന സൂചനയോടെ ചിത്രം അവസാനിക്കുന്നു .

അണ്ണാ ഈ ചിത്രത്തിൽ അമല പോൾ കലക്കി എന്നാണല്ലോ വാർത്ത‍  ഉള്ളത് തന്നേ?

അനിയാ അവരുടെ കഥാപാത്രം ആണ് ഈ ചിത്രത്തിൽ ഏറ്റവും ദുര്ബലം എന്നാണ് എനിക്ക് തോന്നിയത് . മൂന്നാം വയസിൽ വിദേശികൾ ദത്തെടുത്തു കൊണ്ട് പോയ (കണ്ട കുരിയച്ചനും പാപ്പച്ചനും ഒന്നുമല്ല എന്നോർക്കണം ) അവിടെ വളർന്ന ഒരു കുട്ടിയുടെ ഒരു വിധ ശരീര ഭാഷയോ ചിന്താ രീതിയോ അല്ല ഐറീൻ എന്ന ഈ കഥാപാത്രത്തിനു. എനിക്ക് തോന്നിയത്  കേരളത്തിൽ നിന്ന്  ഡിഗ്രി ഒക്കെ കഴിഞ്ഞു ക്യാനഡായിൽ രണ്ടു മൂന്ന് വർഷം വല്ല നേഴ്സ്  ആയോ മറ്റൊ ജോലി ചെയ്തിട്ടു തിരിച്ചു വന്ന ആളേ പോലെയുണ്ട് അവരുടെ കഥാപാത്രം .പിന്നെ നായകന്റെ പൂർവ കാമുകിയുടെ ഒരു വേർപിരിയൽ  ഡയലോഗ്  ഉണ്ട് . "എനിക്ക് ആശിച്ചത് കിട്ടിയില്ല ഇനി മറ്റവന്റെ കൂടെ ഒരു യന്ത്രത്തെ പോലെ ഞാൻ ജീവിക്കും !!!!" എന്തോന്ന് അനിയാ ഇതു ? പഴയ ബ്ലാക്ക്‌ ആൻഡ്‌ വൈറ്റ്  ഷീല ചിത്രമോ ? പിന്നെ നായികയെ ഒരു ദിവസത്തേക്ക് വീട്ടിലേക്കു കൊണ്ട് വരുന്നുണ്ട് നായകൻ . വീട്ടുകാർ നിലവിളക്ക് എടുത്തു സ്വീകരിക്കുന്നില്ല എന്നേ ഉള്ളു .കുറച്ചധികം ഓവര  ആയി പോയി സംഗതി .പിന്നെ ന്യൂ ജനറേഷൻ പ്രേക്ഷകർക്ക്‌  ഒരു  ഇക്കിളിക്ക്  വേണ്ടി (പഴയവർക്കു ഇക്കിളി ആകില്ല എന്ന് അർഥമില്ല) നായകന്റെ ആത്മ നിയന്ത്രണം തിരക്കേറിയ ബസ്സിൽ വെച്ച് നായിക പരിശോധിക്കുന്ന രംഗങ്ങൾ വേറെ ( പരിശോധന കഴിയുമ്പോൾ എന്തോ കാരണത്താൽ നായകന് സീറ്റിൽ നിന്നും എഴുനെല്ക്കാൻ കഴിയുന്നില്ല !!! പാവം അനൂപ്‌ മേനോൻ ).കുറെ പകുതി വെന്ത കഥാപാത്രങ്ങൾ കൂടി ആകുമ്പോൾ തികഞ്ഞു !!!!

അപ്പൊ ചുരുക്കത്തിൽ ......

ആദ്യ  പകുതി കഷ്ട്ടിച്ചു ഒപ്പിക്കാം രണ്ടാം പകുതി പതിവ് പോലെ കൈവിട്ടു പോകുന്നു .ഒടുക്കത്തെ ഇഴച്ചിലും , കിതൃമമായ സംഭാഷണവും , നട്ടാൽ കിളിക്കാത്ത സംഭവങ്ങളും , എങ്ങും എത്താതെ പോയ  ക്ലൈമാക്‌സും കൂടെ ആകുമ്പോൾ തികഞ്ഞു .

സത്യൻ അന്തിക്കാട്‌  പ്രേമിച്ചു വിവാഹിതനായ ആൾ ആണെന്നാണ്  ഞാൻ മനസിലാക്കുന്നത്‌ .അത് ഒന്ന് എഴുതി കാണിച്ചിരുന്നു എങ്കിൽ പ്രണയത്തെ കുറിച്ച് നല്ല അറിവുള്ള ആളാണ് ഈ ചിത്രത്തിന്റെ സംവിധായകൻ എന്ന് പ്രേക്ഷകർക്ക്‌  മനസിലായേനെ ( വ്യക്തി പരമായ അധിഷേപം അല്ല ഉദ്ദേശിച്ചിട്ടുള്ളത്  എന്ന് കൂടി പറഞ്ഞോട്ടെ )


9 comments:

  1. Drishyam kandille ? +ve reviews all over.
    Waiting to know what is ur take on it.
    By the way, can you please start a facebook page ? (If not started already),so that we will get regular updates on this page ?

    ReplyDelete
    Replies
    1. പരീക്ഷ സംബന്ധമായ ചില തിരക്കുകൾ കാരണമാണ് പോസ്റ്റുകൾ വൈകുന്നത് . ക്ഷമിക്കുമല്ലോ . ദൃശ്യം എന്ന കുറിച്ചുള്ള നല്ല അഭിപ്രായം ഞാനും കേട്ടു. ഈ വർഷം തന്നെ കണ്ടു അഭിപ്രായം ഇടാൻ ശ്രമിക്കാം . രണ്ടു പ്രാവശ്യം തിരക്കിനിടയിൽ കാണാൻ ഇറങ്ങി എങ്കിലും പല കാരണങ്ങളാൽ നടന്നില്ല . പ്രസ്തുത പടം പ്രദർശിപ്പിക്കുന്ന തീയറ്റർ അല്പ്പം അകലീയത് മറ്റൊരു ദുരിതം .നിർദേശങ്ങൾക്ക് നന്ദി

      Delete
  2. Thaangalude review Kollam..ellerem vimarshikka..pekshe oichikaruthu..first paragraphiil thane mohanlalileyum satyan sirneyum puchikana pole parayaruthu..drishyam kandu kayinja thaangalk thanne kutta bodham thonnum..otherwise ur reviews are very nice..its entertaining

    ReplyDelete
  3. പ്രേക്ഷകാ, താന്‍ക്സ്. ചിത്രവിശേഷത്തേക്കാള്‍ എന്റെ റേറ്റിംഗ് (ഞാന്‍ കാണുമ്പോ തോന്നുന്നത്) താങ്കളുടെ റിവ്യൂകളുമായാണ് യോജിച്ചു പോകുന്നത്. അതിനാല്‍ സൂചിപ്പിച്ചത് പോലെ നാട്ടാര് നല്ല സ്വയമ്പന്‍ പടം എന്നു പറഞ്ഞ് നെഞ്ചിലോ പുറത്തോ വയറ്റിലോ ഒക്കെ ഏറ്റി നടക്കുന്ന ദ്്ശ്യത്തിന്റെ കൂടെ ഒരു റിവ്യു..thanks :-)

    ReplyDelete
  4. Than drushyam kanilledo karanam aa mohanlal padam ellayedathum positive review alle???>?

    ReplyDelete

  5. You Will not see drushyam bcos its a mohanlal movie and getting positive review all over , hw can u review that ....

    ReplyDelete
  6. this movie first half was average second half was bellow average . aaswasikkan fahad andamala acting

    ReplyDelete
  7. @ SUNIL AAVANY - drishyam is a jeethu joseph movie the pluspoint of the movieis its script and direction

    ReplyDelete
  8. ivan drishyate patti nalla bore review ezthiyirikunath...paranjitt karyulaaa

    ReplyDelete