Tuesday, February 12, 2013

നത്തോലി ഒരു ചെറിയ മീനല്ല (Natholi oru cheriya meenalla :Review)

അണ്ണാ അവസാനം അണ്ണന്‍ സ്വന്തം നിലവാരം കാണിച്ചല്ലോ?

മം.... എന്ത് പറ്റി ഇപ്പോള്‍?

ഈ പന്ന ഡ്രാക്കുളയെ കുറിച്ചുള്ള അഭിപ്രായം നിങ്ങള്ക്ക് പറയാം    .നവയുഗ സിനിമയുടെ മുന്നണി പോരാളി ആയ ശ്രീ വി കെ പ്രകാശ്‌ , നവയുഗ സിനിമയുടെ യുത്ത് ഐക്കണ്‍ ഫഹദ് ഫാസില്‍,നവയുഗ സിനിമയുടെ ആസ്ഥാന ബുദ്ധിജീവി ശങ്കര്‍ രാമകൃഷ്ണന്‍   എന്നിവര്‍ ഒന്നിക്കുന്ന നത്തോലി ഒരു ചെറിയ മീനല്ല എന്ന ചിത്രത്തെ കുറിച്ച് നിങ്ങള്‍ ഒന്നും പറയാത്തത് എന്താ ?

പറയാം .അതിരിക്കട്ടെ നിന്റെ കൈയില്‍  എന്തോന്നാ ?
'
നിങ്ങളുടെ സഹായം ഇല്ലാതെ ഒരെണ്ണം എഴുതാമോ എന്ന് ഞാന്‍ ഒന്ന് നോക്കട്ടെ . ഇത് കണ്ടോ പ്രശസ്ത നിരൂപകന്‍ ജീവി ജറുസുലേം നടത്തുന്ന സ്പെഷ്യല്‍ ക്ലാസ്സില്‍ പോയി പഠിച്ചു എഴുതിയ പൊളപ്പന്‍ നിരൂപണം .

അപ്പോള്‍ നീ അണലി ഷാജിയെ വിട്ടോടെ ? മറ്റേ ജാതി സെന്‍സസ് നടത്തുന്ന മഹാന്‍ ...

അത് വിട് അണ്ണാ എപ്പോള്‍ ഞങ്ങളുടെ ലൈന്‍ ഏതു സിനിമയുടെ പിന്നിലും ഒരു രാഷ്ട്രീയ സാമുദായിക അജണ്ട ഉണ്ടെന്നതാണ് . അവിടെ ഞങ്ങള്‍ തകര്‍ക്കും   .അതിസാരം സോറി അതിവായന രാഷ്ട്രീയ വായന എന്നൊക്കെയാ നമ്മള്‍ ഇതിനെ വിളിക്കുന്നത്‌ .

അതിരിക്കട്ടു ഈ ഈ പുതിയ കടയില്‍ എന്താ കച്ചവടം ?

അണ്ണാ , സര് പറഞ്ഞത് ഈ സിനിമ കാണുന്ന ദരിദ്രവാസികള്‍ അടിസ്ഥാനപരമായി അഹങ്കാരികളാണ് ,ഇവനെ നിലയ്ക്ക് നിര്‍ത്തിയില്ലങ്കില്‍ അവസാനം നമുക്ക് പാരയാകും

അല്ല അനിയ അതിനിപ്പം നമുക്ക് എന്ത് ചെയ്യാനാ ?


അതിനുള്ള വഴികള്‍ നമുക്ക് പറഞ്ഞു തരും .ഒന്ന് രണ്ടു സാമ്പിള്‍ പിടിച്ചോ .ഒരു സിനിമ വലിഞ്ഞു നാശമായാണ് അവസാനിക്കുന്നത്‌ എന്നിരിക്കട്ടെ അണ്ണന്‍ എന്ത് പറയും

എന്ത് പറയാനാ? വലിഞ്ഞു നാശമായി ബോറടിപ്പിച്ചു എന്ന് പറയും .

തെറ്റി .. അവിടെ ഉപയോഗിക്കേണ്ട വാക്ക് അതിശയിപ്പിക്കുന്ന ഡിറ്റെയിലിംഗ് ആണ് ഈ ചിത്രത്തില്‍ എന്നതാണ് .

ഏവ തമ്മിലുള്ള വ്യത്യാസം ?

ഒന്നുമില്ല .പക്ഷെ രണ്ടാമത്തെ സാധനം കേള്‍ക്കുമ്പോള്‍ അണ്ണന് തോന്നുന്നില്ലേ ബോറടിച്ചത്തില്‍ കുറ്റം അണ്ണന്‍റെ ആണ് എന്ന് . ഇനി മറ്റൊന്ന് നായികയുടെ മുഖത്ത് ഒരു ഭാവം വരില്ല എന്നിരിക്കട്ടെ . എന്ത് പറയും ?

അഭിനയിക്കാന്‍ അറിയില്ല എന്ന് പറയും .പാവം അറിയാഞ്ഞിട്ടല്ലേ ?

ദേ .. പിന്നെയും പോയി .എവിടെ നമ്മള്‍ പറയേണ്ടത് നായിക തികച്ചും സട്ടില്‍ ആയ ഒരു കഥാപാത്രത്തെ അവതരിപ്പിച്ചു തകര്‍ത്തു എന്നു പറയണം . ഇതെന്താണ് എന്ന് ആരേലും ചോദിച്ചു പോയാല്‍ അവനെ കുറെ ഇറാനിയന്‍ , കൊറിയന്‍ , ലാറ്റിന്‍ അമേരിക്കന്‍ ചിത്രങ്ങള്‍, സംവിധായകര്‍ ഇവരുടെ പേര് തിരിച്ചും മറിച്ചും പറഞ്ഞു പേടിപ്പിക്കണം .

ശരി എല്ലാം മനസിലായി ഇനി നിനക്ക് നത്തോലിയുടെ വിശേഷം കേള്‍ക്കണോ ?

ഓഹോ അപ്പോള്‍ സംഗതി കണ്ടല്ലേ .ശരി കേള്‍ക്കട്ടെ

നീ പറഞ്ഞത് പോലെ വി കെ പ്രകാശ്‌ സംവിധാനം ചെയ്യുന്ന , ശങ്കര്‍ രാമകൃഷ്ണന്‍ കഥ എഴുതുന്ന ഈ ചിത്രത്തില്‍ ഫഹദ് ഫാസിലിനെ കൂടാതെ കമാലിനി മുക്കര്‍ജി ,റീമ കല്ലിംഗല്‌ , പി ബാലചന്ദ്രന്‍ ,ഐശ്വര്യ , സത്താര്‍ തുടങ്ങിയവര്‍ അഭിനയിക്കുന്നു .ഇനി കഥ പ്രേമന്‍ (ഫഹദ് ഫാസില്‍ )  എന്ന, ഒരു പാര്‍പ്പിട സമുച്ചയത്തിലെ ഒന്നിനും കൊള്ളാത്ത കെയര്‍ ടേക്കര്‍ കഥാപാത്രമാണ് ഈ കഥയിലെ കേന്ദ്ര ബിന്ദു.ഇദ്ദേഹം മഞ്ഞില്‍ വിരിഞ്ഞ പൂക്കള്‍ എന്ന സിനിമയുടെ നൂറാം ദിവസത്തെ ഷോക്കിടയില്‍ ആണ് പിറക്കുന്നത്‌ . ഇതിന്‍റെ പ്രസക്തി എന്നത് ഇയാള്‍ പില്‍ക്കാലത്ത് ശത്രു ആയി കാണുന്ന പെണ്‍കുട്ടിയുടെ പേര് പ്രഭ എന്നും അവരെ നേരിടാന്‍ നായകന്‍ എഴുതുന്ന നോവലിലെ വില്ലന്‍റെ പേര് നരേന്ദ്രന്‍ എന്നും ഇടാന്‍ ‍ ആകണം (ഭാഗ്യം ഇയാളെ വല്ല ആറാം തമ്പുരാന്‍ കണ്ടു കൊണ്ടിരിക്കുമ്പോള്‍ പ്രസവിച്ചിരുന്നു എങ്കില്‍ സ്വയം കൊളപ്പുള്ളി അപ്പന്‍ എന്നും നായികക്ക്  ഉണ്ണിമായ എന്നും പേരിട്ടേനെ!) അങ്ങനെ സകലരുടെയും പ്രത്യേകിച്ചു നായിക പ്രഭ തോമസിന്‍റെ (കമാലിനി മുഖര്‍ജി) അവഹേളനം സഹിച്ചു മതിയാകുമ്പോള്‍. അയാള്‍ ഒരു നോവല്‍ എഴുതാന്‍ തുടങ്ങുന്നു . ആ പാര്‍പ്പിട സമുച്ചയത്തിലെ  അന്തേവാസികളെ  കഥാപാത്രങ്ങളാക്കി  എഴുതുന്ന നോവലില്‍ അയാള്‍ ഒരു വില്ലനെ കൂടി സൃഷ്ടിക്കുന്നു നരേന്ദ്രന്‍ (ഫഹദ് ഫാസില്‍). തന്‍റെ നോവലിലൂടെ, അതിലെ വില്ലനായ നരേന്ദ്രനിലൂടെ, തന്നെ അവഹേളിച്ചവരോടെല്ലാം പ്രതികാരം ചെയ്തു സന്തോഷിക്കുകയാണ് പ്രേമന്‍.പക്ഷെ ഒരു ഘട്ടം കഴിയുബോള്‍ കഥാപാത്രം എഴുത്തുകാരന്‍റെ പിടിവിട്ടു പോകുന്നു. തുടര്‍ന്നുള്ള സംഭവങ്ങള്‍ കഥയെ മുന്നോട്ടു കൊണ്ട് പോകുന്നു 

അപ്പോള്‍ സംഗതി എങ്ങനെയാ?

അനിയാ, ഈ കഥാപാത്രം കഥാകൃത്തിന്‍റെ കൈയില്‍ നിന്ന് ചാടി പോകുന്ന സംഗതി ഞാന്‍ ആദ്യമായി കാണുന്നത് ഫട്ടീച്ചര്‍ എന്ന രസികന്‍  സീരിയലില്‍ ആണ്.പങ്കജ് കപൂര്‍ അഭിനയിച്ച ആ സീരിയല്‍ തീര്‍ന്നപ്പോള്‍ സത്യത്തില്‍ സങ്കടം തോന്നി .

ഇനി ഈ സിനിമയിലേക്ക്. ആദ്യപകുതി നീ പറഞ്ഞത് പോലെ ഒടുക്കത്തെ ഡിറ്റെയിലിംഗ് ആണ്. ആ ഫ്ലാറ്റിലെ ഓരോരുത്തരെയും സമൂലം പരിചയപ്പെടുത്തിയിട്ടേ  പ്രകാശന്‍ സാറും ശങ്കര്‍ സാറും അടങ്ങു.സംഗതി നവയുഗ സിനിമ ആയതു കൊണ്ട് കഷ്ടിച്ച് സഹിച്ചിരിക്കാം.അങ്ങനെ ആ ദുരിതം മുഴുവന്‍ കഴിഞ്ഞു ഇടവേള എത്തുമ്പോളാണ് നേരത്തെ പറഞ്ഞ നോവല്‍ എഴുത്തും വില്ലനും ഒക്കെ ഉണ്ടാകുന്നതു.വില്ലന്‍ വന്നു കഴിഞ്ഞിട്ടു അയാള്‍ കഥാകൃത്തിന്‍റെ പിടിവിട്ടു തുടങ്ങുന്നത് ക്രമാനുഗതമായി അവതരിപ്പിക്കാന്‍ അഥവാ അത് കാണികളിലേക്ക് സംവേദിക്കാന്‍ തിരക്കഥാക്രിത്തിനു കഴിയുന്നില്ല എന്നിടത്തു  തുടങ്ങുന്നു ചിത്രത്തിന്‍റെ പരാജയം.പിന്നെ സിനിമ അവസാനിക്കുമ്പോള്‍ പ്രേമന്‍ ആത്മാഭിമാനമുള്ള ഒരു കെയര്‍ ടേക്കര്‍ ആയി  മാറി ജോലിയെടുക്കുന്നത്തായാണ് നമ്മള്‍ കാണുന്നത് . ഇതെങ്ങനെ സംഭവിച്ചു എന്നതിന് നല്ലൊരു വിശദീകരണം പോലും ഈ ചിത്രം നല്‍കുന്നില്ല എന്നതാണ് കഷ്ട്ടം.ഇനി നരേന്ദ്രന്റെ രണ്ടു നിമിഷത്തെ ഗിരിപ്രഭാഷണം ആണ് ആ മാറ്റം വരുത്തിയത് എന്ന് ആണ് പറയാന്‍ ശ്രമിക്കുന്നത് എങ്കില്‍ കഷ്ട്ടം എന്നല്ലാതെ മറ്റൊന്നും ഇവിടെ പറയാന്‍ ഇല്ല.

ഇനി ഒന്നാലോചിച്ചാല്‍ ഈ ഒരു സമീപനത്തിന് പകരം ഒരു
ഡോ ജെക്കിള്‍ മി .ഹൈഡ്  സമീപനം ആയിരുന്നു സ്വീകരിച്ചിരുന്നു എങ്കില്‍ ഒരു പക്ഷെ ഈ ചിത്രം തികച്ചും വ്യത്യസ്തമായ ഒരു അനുഭവം ആയേനെ എന്നൊരു തോന്നല്‍.പിന്നെ സംഗതി ന്യു ജനറെഷന് ആയതു കൊണ്ട് നമ്മള് എന്ത് പറയാനാ .എല്ലാം സാറന്‍മാര്‍  പറയുന്ന പോലെ .തികച്ചും അബ്റപ്പ്റ്റ് എന്ന് പറയാവുന്ന ഒരു അവസാനം ആണ് ഈ ചിത്രത്തിന് നല്‍കിയിരിക്കുന്നത് എന്ന് മാത്രം പറഞ്ഞോട്ടെ

അപ്പോള്‍ അഭിനയം ...

അനിയാ സകല നടീ നടന്മാരും അവരവരുടെ  ഭാഗം നന്നായി  ചെയ്തു . അപൂര്‍വമായി (വളരെ ) ഫഹദ് ഫാസില്‍ ഓവര്‍ ആകുന്നതിനു തൊട്ടു അടുത്ത്   എത്തി തിരിച്ചു വരുന്നു.

ചുരുക്കത്തില്‍ ...

ന്യു ജനറെഷന്‍  ചിത്രമല്ലേ ആസ്വദിച്ചില്ല എങ്കില്‍ മോശമല്ലേ എന്ന് കരുതി മനപൂര്‍വം ആസ്വദിക്കാന്‍ ശ്രമിച്ചാല്‍ ആസ്വദിച്ച് എന്ന് സ്വയം പറഞ്ഞു സമാധാനിക്കാന്‍ കഴിയുന്ന ഒരു ചിത്രം

2 comments:

  1. Kandu madutha seelangal maatti nirthi nookkiyaal oru nalla Experiment thanne aanu 'Natholi Oru Cheriya Meenalla' --------------- Pinne adyam Mahabharatham ayi connect cheyyunnathu; ore samayam Ezhuthu kaaranum Charactor um ayi varunna VYASAN ne ormmippikkunnathayittanu enikku thonniyathu Ezhuthukaarante kai vittu pokunna NARENDRAN kurachu samayam Script Writer udeyum kaivittu poyathu maatti nirthiyaal NATHOOLI oru VALIA meen thanne!!! NB:-Narendrante giriprabhashanam kondu Preman nalla Care Taker akunnathaanu Prekshkanu dahikkathathu ;Narendran enna kadhapathram athe samayam Preman thanne anu ennathu Manapoorvam Marannathano Prekshkaaaaa..???

    ReplyDelete
  2. ore type veshangalaanu Fahad kayinja 1year aayi cheythukondirikunnath. Chappa kurish, 22FK & Diamond was too good. pakshe eppozhum athe feel tharunna charectors cheythu bore adipikathirunnal nallathennu thonunnu. I think he can do only some typical nature. Thats not a gud sign.
    ente personal opinion aanu tto..

    ReplyDelete