Saturday, May 18, 2013

നേരം (മലയാളി കഥാപാത്രങ്ങൾ ഉള്ള ഒരു തമിഴ് ചിത്രം !!)

അനിയാ അത്ഭുദം !!!

എന്ത് പറ്റി  അണ്ണാ മലയാളി സ്വന്തം തല കൊണ്ട് ചിന്തിക്കാൻ തീരുമാനിച്ചോ ?

ചുമ്മാ തമാശ പറയതെടെ കഴിഞ്ഞ ശനിയാഴ്ച കണ്ട ഈ സംഭവത്തെ പറ്റി അന്ന് തന്നെ എഴുതണം എന്ന് കരുതിയതാണ് ടൈം കിട്ടിയില്ല .

ഏതു  പടം അണ്ണാ?  നമ്മുടെ കാളകൂടം കറിയാച്ചൻ ഒന്നും പറഞ്ഞില്ലല്ലോ .

എടാ നേരം എന്നൊരു സിനിമ കാണാൻ പോയതാ ശനിയാഴിച്ച .പുതിയ പിള്ളേരുടെ പടമായത് കൊണ്ട് വലിയ തള്ള്  പ്രതീക്ഷിച്ചില്ല എന്നതാണ് സത്യം (സുപ്പർ താരങ്ങളുടെ പടങ്ങൾക്ക് പോലും നടന്നു കേറാവുന്ന  കാലം !!) അവിടെ ചെന്നപ്പോൾ ദാണ്ടേ ഒടുക്കത്തെ ജനം . കമ്പ്ലീറ്റ് യൂത്ത് . ശരിക്കും അതിശയം തോന്നി . ഇങ്ങനെ ആളെ  കൂട്ടാനുള്ള ഘടകങ്ങൾ ഒന്നും തന്നെ ഈ ചിത്രത്തിൽ ഇല്ല എന്നതാണ് സത്യം  . ഈ ചിത്രത്തിന്റെ മാർക്കറ്റിംഗ്  ശരിക്കും മലയാള സിനിമ പഠന  വിധേയം അക്കേണ്ടതാണ് എന്ന് തോന്നുന്നു . (ഈ ചിത്രത്തെ പറ്റി എല്ലാവർക്കും അറിയുന്ന എന്തെങ്കിലും എനിക്ക് അറിയാത്തതാണോ എന്നറിയില്ല )

അല്ല ഈ ഘടകം എന്ന് പറഞ്ഞത് .... പടം നല്ലതാണെങ്കിൽ അത് തന്നെ ഒരു ഘടകമല്ലേ ...

അനിയാ ഞാൻ പറഞ്ഞത് നിന്റെ ഒക്കെ ഭാഷയിൽ സ്ഥിരമായി  പറഞ്ഞാൽ  വാനോളം ഉയർന്നു നില്കുന്ന ആ സംഗതി ഉണ്ടല്ലോ. അതിനുള്ള  ഒന്നും ഈ ചിത്രത്തിൽ ഇല്ല എന്നാണ് .സംവിധാനം അൽഫോണ്‍സ്  പുത്രൻ , ക്യാമറ ആനന്ദ് ചന്ദ്രൻ ,കഥ - തിരകഥ അൽഫോണ്‍സ്  പുത്രൻ മോഹ്സിൻ കാസിം , അഭിനതാക്കൾ നവീൻ പോളി , നസ്രിയ , ഷമ്മി തിലകൻ , മനോജ്‌ കെ ജയൻ , ലാലു അലക്സ്‌ , സിംഹ (തമിഴ് ), പിന്നെ ബാക്കി പുതുമുഖങ്ങളും ആണ് .ഇതിലെവിടെയാ അനിയാ ഈ മലയാളിക്ക് വാനോളം ഉയർത്താനുള്ളത് ?

അത് നില്ക്കട്ടെ  കഴിഞ്ഞ ആഴ്ച ഇറങ്ങിയ പടത്തെ പറ്റി  ഇന്നു ....

കുറച്ചു തിരക്കായി പോയി അനിയ നീ ക്ഷമി .. മേലിൽ ഇങ്ങനെ ഉണ്ടാകാതെ നോക്കാം .പച്ചരി വാങ്ങിക്കണ്ടേ !!

ഇനി പടത്തെ പറ്റി .. മലയാള സിനിമയിൽ കുറേ  കാലത്തിനു ശേഷം ആണെന്ന് തോന്നുന്നു മലയാളത്തിലും തമിഴിലും ആയി ഒരു സിനിമ വരുന്നത് . ഇതിനു മുൻപ് സമാനമായ പരീക്ഷണങ്ങൾ രണ്ടു ഭാഷയിലെയും മുൻനിര താരങ്ങളെ തുല്യമായി എടുത്തു സിനിമ നിർമ്മിച്ച്‌  അതതു ഭാഷകളിലെ താരങ്ങള്ക്കു അതാതു നാട്ടിൽ പ്രാധാന്യം കൊടുത്തു പോസ്റ്റർ അടിക്കുന്ന പോലുള്ള  പരിപാടിയാണ് കാലാപാനി , കൌരവർ , സൂര്യപുത്രി  മുതൽ ഉറുമി വരെ ഉദാഹരണങ്ങൾ നിരവധി .എന്നാൽ ഈ സിനിമ വ്യത്യസ്തം ആകുന്നത്‌  ഇതു ഒരു തമിഴ് സിനിമയാണ് എന്നിടത്താണ് . (എന്ന് കരുതി പേടിക്കണ്ട ഏതു കോലു കൊണ്ട് അളന്നാലും മലയാള സിനിമക്ക് മുകളിൽ  ആണ് ഇന്നു  തമിഴ് സിനിമ ) എന്ന് കരുതി സംഗതി ഈ സുര്യയിൽ ഒക്കെ കാണിക്കുന്ന പോലെ മലയാളം സംസാരിക്കുന്ന ഡബ്ബിംഗ് ചിത്രമാവുന്നില്ല നേരം .സിനിമയുടെ പശ്ചാത്തലം ചെന്നൈ ആകുമ്പോൾ പ്രധാന കഥാപത്രങ്ങൾ എല്ലാം അവിടെ താമസിക്കുന്ന മലയാളികൾ ആക്കിയാണ് നേരത്തെ പറഞ്ഞ ബാലൻസ് സാധിക്കുന്നത്‌ . ഈ ഐഡിയയിൽ അല്ല അത് നല്ല രീതിയിൽ പ്രാവർത്തികം ആക്കി എന്നിടത്താണ് ഈ ചിത്രത്തിന്റെ പിന്നണിക്കാരുടെ മികവു .

ഈ ചിത്രത്തിലെ കേന്ദ്ര കഥാപാത്രം ചെന്നയിലെ മലയാളി ആയ  സോഫ്റ്റ്‌വെയർ തൊഴിലാളി ആയ മാത്യുവിൽ (നവീൻ പോളി ) നിന്നാണ് കാമുകിയായ ജീനയും (നസ്രിയ ) വിദേശ കമ്പനിയിലെ ജോലിയും ഒക്കെയായി കഴിയുന്ന ഇയാളുടെ ജീവിതം വഴിമാറുന്നത്‌  അപ്രതീക്ഷിതമായ്  ജോലി നഷ്ടമാവുന്നതോടെയാണ് .മറ്റൊരു ജോലി കണ്ടു പിടിക്കാനുള്ള ശ്രമങ്ങൾ വിജയിക്കാത്തതോടെ കാമുകിയുമായി ഉറപ്പിച്ച വിവാഹം മുതൽ പെങ്ങളുടെ കല്യാണത്തിന് കടം വാങ്ങിയ ബ്ലേഡുകാരൻ തമിഴൻ വട്ടി (പലിശ )  രാജ (സിംഹ) വരെ ഇയാളുടെ ജീവിതത്തിൽ  പ്രശ്നങ്ങൾ  ആകുന്നു .അങ്ങനെ നില്ക്കുന്ന  ഉള്ള മാത്യുവിന്റെ ഒരു ദിവസം ആണ് ഈ സിനിമയുടെ പശ്ചാത്തലം.ഈ ദിവസമാണ് വട്ടി രാജയ്ക്ക് പണം കൊടുക്കേണ്ട അവസാന അവധി , ഇതേ ദിവസമാണ് മാത്യു വിനു വേറെ ജോലി കിട്ടാത്തത് കൊണ്ട് ജീനയുടെ വീട്ടുകാർ വേറെ കല്യാണം  ആലോചിക്കുന്നതും ജീന വീട് വിട്ടു ഇറങ്ങുന്നതും പിന്നീടു ഉണ്ടാകുന്ന അപ്രതീക്ഷിത സംഭവങ്ങൾ അതിലൂടെ ഒരു ദിവസം അഞ്ചു മണി ക്കുള്ളിൽ തീരുന്ന സംഭവങ്ങൾ ഇതാണ് ഈ സിനിമയുടെ ഉള്ളടക്കം .മാത്യു എന്ന ചെറുപ്പക്കാരന്റെ പ്രധാനപ്പെട്ട ഈ ദിവസം മാറി മാറി അരങ്ങേറുന്ന സ്വാഭാവികമായ  ഭാഗ്യ നിർഭാഗ്യങ്ങൾ കൊണ്ട് മുൻപോട്ടു പോകുന്ന   ഈ സിനിമക്ക് നേരം എന്ന പേര് തികച്ചും അന്വർഥം ആണെന്ന് കൂടി പറഞ്ഞോട്ടെ.

അല്ല അണ്ണാ  അഭിനയം ....

നവീൻ പോളി എന്ന നടനു  തന്റെ ഏറ്റവും നല്ല  ചിത്രമായി ഇതിനെ കാണാം .നസ്രിയക്ക്‌ നല്ലൊരു ഭാവി ഞാൻ കാണുന്നു . സീനിയർ നടന്മാരായ ലാലു അലക്സ്‌ , ഷമ്മി തിലകൻ , മനോജ്‌ കെ ജയൻ ആരും മോശമാക്കിയിട്ടില്ല .(ഉള്ളതിൽ അല്പ്പമെങ്കിലും മോശം മനോജ്‌ കെ ജയനാണ് . അത് കുറെയൊക്കെ ആ റോളിന്റെ ആണ് എന്നാണ് എനിക്ക് തോന്നിയത് .തകർത്തത്  ഷമ്മി തിലകന്റെ ഊക്കൻ റ്റിന്റൂ എന്ന പോലീസ്സ്കാരനാണ് ) .പിന്നെ ഈ ചിത്രം കാണുമ്പോൾ പ്രസക്തമായ ചോദ്യം .......


അത് ഞാൻ പറയാം .ഈ ചിത്രം തമിഴിൽ എത്തുമ്പോൾ മലയാളി കഥാപത്രങ്ങൾ തമിഴ് പറയുന്നു .അതെന്തിന് ? ഇവരെ മലയാളികൾ ആയി തന്നെ നിർത്തി കൂടായിരുന്നോ എന്നതല്ലേ ? എനിക്കും തോന്നി .

അനിയാ നിരൂപകാ , നീ ചോദിക്കുന്നത് സംഗതി ഒരൽപം ഡബ്ബ് ചെയ്തു ( അതായിത്  വോയിസ്‌ ഓവറും മറ്റും മാത്രം) തമിഴിൽ ആക്കിയാൽ മതി എന്നല്ലേ ?.മിടുക്കൻ . അനിയാ  ഒന്ന് റിവേര്സ് ൽ  ചിന്തിച്ചാൽ ഈ സിനിമയിലെ എല്ലാ ഘടകങ്ങളും കേരളത്തിലും പ്രസക്തമാണ് . സോഫ്റ്റ്‌വെയർ , ജോലി പോകൽ , കല്യാണം മുടങ്ങൾ ,ബ്ലേഡ് മാഫിയ  അങ്ങനെ എല്ലാം ഉണ്ടായിട്ടും എന്ത് കൊണ്ട്  മലയാളത്തിൽ എങ്ങനെ ഒരു സിനിമ ഉണ്ടാകുന്നില്ല (  ) എന്ന ചിന്ത അല്ലെ കൂടുതൽ പ്രസക്തം ? എവിടെ ഇവിടെ  നമ്മൾ ഇപ്പോളും ഫഹദ് ഫാസിലിന്റെ നിക്കറും അനൂപ്‌ മേനോന്റെ എല്ലാമറിയുന്ന ഭാവത്തിലും , സകല തോണിയിലും ചവിട്ടി  നില്ക്കുന്ന രഞ്ജിത് പടപ്പുകളിലും ഒക്കെ സമാധാനം കണ്ടെത്തുകയല്ലേ ?

അല്ല അപ്പോൾ ചുരുക്കത്തിൽ ....

മലയാളം സംസാരിക്കുന്ന നല്ലൊരു തമിഴ് സിനിമ . കാണികളെ ബോർ അടിപ്പിക്കുന്നില്ല എന്ന് മാത്രമല്ല മനസ്സിൽ നന്മ ഉള്ളവർക്കും ഇല്ലാത്തവർക്കും ഒരു പോലെ ആസ്വദിക്കാവുന്ന ഒരു  ക്ലീൻ ചിത്രം

8 comments:

  1. please try to watch the new m.padmakumar movie 'orissa' starring unni mukundan , sanika nambyar etc .... the ads claim it to be a pure romantic movie .... also kindly post your opinions .....

    ReplyDelete
  2. please try to watch the new m.padmakumar movie 'orissa' starring unni mukundan , sanika nambyar etc .... the ads claim it to be a pure romantic movie .... also kindly post your opinions .....

    ReplyDelete
  3. nivin - nazriya , i went for this movie just because i like the lead pair .. anyway ,, another interesting movie ....

    ReplyDelete
  4. നവീൻ പോളി അല്ല, നിവിൻ പോളി.

    ReplyDelete
    Replies
    1. ഈ സിനിമ സാഹിത്യം അധികം വായിക്കാത്തത് കൊണ്ട് വരുന്ന പ്രശ്നങ്ങൾ ആണ് ക്ഷമിക്കുക .ഇനി ശ്രദ്ധിക്കാം (ഒരു കാലത്ത് ഞ്ഞാൻ സുരാജിനെ സിറാജ് എന്നാണ് എഴുതിയിരുന്നത് എന്ന് പറഞ്ഞാല വിശ്വസിക്കുമോ ? സത്യമാണ് )

      Delete
  5. നവീൻ പോളി അല്ല, നിവിൻ പോളി.

    ReplyDelete