അണ്ണാ ഒരു സംശയം .
എന്തുവാടെ ?
അല്ല അണ്ണന്‍ സ്പിരിറ്റ്‌ കണ്ടു സ്പിരിറ്റ്‌ ആയി കത്ത് എഴുതിയതാണോ അതോ തുടര്‍ന്നും കാണുമോ? അല്ല പുതിയ പടങ്ങളൊക്കെ വന്നു തുടങ്ങി ....?
അതിനു നീ ഇങ്ങനെ വന്നു തല ചൊറിയണ്ട. എന്നാ പിടിച്ചോ ആദ്യത്തെ സാധനം ഉസ്താദ് ഹോട്ടല്‍ .
അത് ശരി . പടവും കണ്ടിട്ട് വന്നു ചുമ്മാ ഇരിക്കുവാ അല്ലേ? സംഗതി എങ്ങനെയുണ്ട് ന്യൂ ജനറെഷന്‍ പടം തന്നേ?
അനിയാ നീ അത് നല്ല പടമാണോ എന്ന് ചോദിക്കത്തതെന്തു?
അത് പിന്നെ ഇപ്പോളത്തെ ട്രെന്‍ഡ് എന്ന് വെച്ചാല്‍ ഈ ന്യൂ ജനറെഷന്‍ പടമല്ലേ ? അനൂപ്‌ മേനോന്‍ മുതല്‍ തുടങ്ങുന്ന താര നിര . സ്വല്‍പ്പം അവിഹിതം,ചൂടന്‍ സംസാരം,സ്ത്രീ ശാക്തീകരണം,വിവാദം ചര്‍ച്ച, ഒളിച്ചിരിക്കുന്ന സന്ദേശം,കഥാപാത്രങ്ങളുടെ ജാതി സെന്‍സസ് അതല്ലിയോ ഇപ്പോളത്തെ പടങ്ങളുടെ ഒരു നിര്‍മാണ-നിരൂപണ ലൈന്‍?
ശരി അപ്പോള്‍ നിനക്കിതൊന്നും ഇഷ്ട്ടമല്ല . പിന്നെ എന്താ ഇഷ്ട്ടം?
അത് .. പിന്നെ .. നല്ല സിനിമ .. അതില്‍ കുറഞ്ഞൊന്നും പ്രബുദ്ധനായ മലയാളി പ്രേക്ഷകന് എടുക്കില്ല.പുതുമ,പിന്നെ മത നിരപരേക്ഷവും പുരോഗമനപരവും ..... (പിന്നെയും എന്തൊക്കെയോ വാക്കുകള്‍ ഉണ്ട് .തല്ക്കാലം ഓര്‍മ വരുന്നില്ല )ആയ ഒരു സന്ദേശവും ഇതൊന്നും ഇല്ലാതെ എന്തോന്ന് പടം?
അനിയാ മുന്‍പ് പറഞ്ഞിട്ടുള്ളതാണ് ഒന്ന് കൂടി ആകാം.മലയാളത്തില്‍ ഇറങ്ങുന്ന എല്ലാ സിനിമകള്‍ക്കും പുതുമ ഉണ്ടായേ പറ്റു എന്ന് വാശി പിടിച്ചാല്‍ പരമാവധി എത്ര സിനിമകള്‍ ഒരു കൊല്ലം ഇറങ്ങും എന്നാണ് നീയൊക്കെ കരുതുന്നത്?മലയാളത്തിലെ സാധാരണ പ്രേക്ഷകന് രണ്ടു മണിക്കൂര്‍ അവനെ കൊല്ലാതെ വിടണേ എന്ന ഒരൊറ്റ ആഗ്രഹമേ ഉള്ളു.പിന്നെ നീ പറഞ്ഞ നവയുഗ സിനിമകള്‍ വന്നു തുടങ്ങിയത് മുതല്‍ ആണ് മലയാള സിനിമ സുപ്പര്‍ താരങ്ങളുടെ കൈയില്‍ നിന്ന് രക്ഷപ്പെടുന്ന ലക്ഷണങ്ങള്‍ എങ്കിലും കാണിച്ചു തുടങ്ങിയത് എന്നതല്ലേ സത്യം .
അതൊക്കെ ശരി.പക്ഷെ അന്‍വര്‍ റഷീദ് എന്ന സംവിധായകനില്‍ നിന്നും നമ്മള്‍ വളരെയധികം പ്രതീക്ഷിക്കുന്നു.ഒപ്പം കോളേജ് കുമാരികളുടെ ഹരമായ ദുല്‍ക്കര്‍ സല്‍മാനും അഭിനയ ചക്രവര്‍ത്തി തിലകനും ചേരുമ്പോള്‍ ഹോ.... ആലോചിക്കാന്‍ വയ്യ.പോരാത്തതിനു തിരകഥ മഞ്ചാടിക്കുരു സംവിധാനം ചെയ്ത അഞ്ജലി മേനോനും. ഇനി ഇതൊന്നും പോരെങ്കില്‍ നിര്‍മാതാവ് ലിസ്ട്ടന്‍ സ്റ്റീഫനും ഇതു സംഗതി പൊളിച്ചടുക്കും അല്ലെ അണ്ണാ?
അനിയാ അന്‍വര്‍ റഷീദ് സംവിധാനം ചെയ്ത രാജമാണിക്യം,ചോട്ടാ മുംബൈ ,അണ്ണന്‍ തമ്പി ഇതില്‍ ഏതു പടം കണ്ടിട്ടാണ് നിനക്ക് ഇത്ര പ്രതീക്ഷ? ഓരോ പടവും തൊട്ടു മുന്‍പത്തെ പടത്തെക്കാളും നിലവാരത്തില്‍ മോശമായിരുന്നു എന്നതല്ലേ സത്യം ?
അണ്ണന്‍ അങ്ങനെ കേറി മിടുക്കനാകല്ലേ. ബ്രിഡ്ജ് എന്ന പടത്തിലൂടെ അല്ലെ ഇദേഹം കാണുന്ന പോലെ അല്ല എന്ന് തെളിയിച്ചേ. അപ്പോള്‍ ഞങ്ങള്‍ എന്തായാലും പ്രതീക്ഷിക്കും.
ശരി നടക്കട്ടെ . ഇനി കഥയിലേക്ക്‌.അബ്ദുല്‍ റസാക്ക് (സിദ്ദിക്ക് ) എന്ന പണക്കാരനായ ഗള്‍ഫ്‌ വ്യവസായിയുടെ അഞ്ചാമത്തെ മകനാണു ഫൈസി (ദുല്‍ക്കര്‍ സല്‍മാന്‍) നാലു പെണ്‍കുട്ടികള്‍ക്ക് ശേഷം ഉണ്ടായ മകന്‍ . ഇവനെയും കൂടി പ്രസവിച്ചു കഴിഞ്ഞപ്പോള്‍ ഉമ്മ തട്ടി പോയി.പിന്നെ നായകനെ ഇത്താത്തമാര്‍ നാലു പേരും ചേര്‍ന്നാണ് വളര്‍ത്തിയത്‌ (ചുമ്മാ ഒരു രസത്തിനു നാലു പേര് എന്ന് പറയാം ലെനയാണ് വളര്‍ത്തല്‍ മുഴുവന്‍ (അതും മിക്കവാറും മൊബൈല്‍ ഫോണ്‍ വഴിയാണ് സംഗതി നിര്‍വഹിക്കുന്നത് ). ബാക്കിയുള്ളവര്‍ പശ്ചാത്തലത്തില്‍ ഇങ്ങനെ നിന്നോളും ).നായകന് കൊച്ചിലെ പാചകത്തിലാണ് താല്പര്യം .(ആശിക് അബു ചെയ്തു വയ്ക്കുന്ന ഓരോ ദ്രോഹങ്ങള്‍ നോക്കണേ!!!!) ഇത്തമാരൊക്കെ കെട്ടി പോയതോടെ ഏകാന്തതയുടെ വേദന സഹിക്കാന്‍ പറ്റാതെ (വേദന കൂട്ടാന്‍ റസാക്ക് വേറെ ഒന്ന് കെട്ടുകയും ചെയ്യും.ദോഷം പറയരുതല്ലോ കെട്ടി എന്ന് പറയുന്ന രംഗത്തില്‍ ഒഴികെ ഒരിടത്തും പിന്നെ അവരെ കാണിക്കുന്നു പോലും ഇല്ല !!) ഫൈസി യുറോപ്പില്‍ ഹോട്ടല്‍ മാനേജ്‌മന്റ്‌ പഠിക്കാന്‍ പോകുന്നു . പഠിച്ചു കഴിഞ്ഞു വന്നു നാട്ടില്‍ ഒരു പഞ്ച നക്ഷത്ര ഹോട്ടല്‍ ഉണ്ടാക്കി ഫൈസിയെ അവിടെ ഇരുത്തണം എന്നാണു റസാക്കിന്‍റെ ആഗ്രഹം. നക്ഷത്ര ഹോട്ടലില്‍ പാചകത്തിന് യാതൊരു സ്കോപ്പും ഇല്ലാത്തതിനാല്‍ (?) നായകന് തീരെ താല്‍പ്പര്യം ഇല്ല. യുറോപ്പില്‍ പഠിക്കാന്‍ പോകുന്ന നായകന് അവിടെ ഒരു മദാമ്മയുമായി ലൈന്‍ ആകുന്നു . പുരോഗമന വാദികളായ വീട്ടുകാര്‍ രണ്ടു കൈയും നീട്ടി സ്വീകരിക്കും എന്ന് ഉറപ്പുള്ളതിനാല്‍ ചൂടോടെ സംഗതി ഇത്താത്തമാരെ അറിയിക്കുന്നു.അനിയന്‍റെ ഓരോ ഇഷ്ട്ടവും അറിയുന്ന ഇത്തമാര്‍ അപ്പോള്‍ തന്നെ പയ്യനെ നാട്ടില്‍ എത്തിച്ചു പെണ്ണ് കാണിക്കാന്‍ കൊണ്ട് പോകുന്നു . ഒരു യാഥാസ്ഥിതിക മുസ്ലിം കുടുംബത്തില്‍ പെണ്ണ് കാണാന്‍ എത്തുന്ന നായകന് കാണാന്‍ ഇരുന്നു കൊടുക്കുന്നത് നിത്യ മേനോന്‍ അവതരിപ്പിക്കുന്ന തികച്ചും റിയലിസ്റ്റിക്ക് ആയ ഷഫ്ന ആണ് .പെണ്ണ് കാണല്‍ ചടങ്ങില്‍ സംസാരിച്ചു തുടങ്ങിയാല്‍ നമുക്ക് ആദ്യം ഇവരാണോ ഫൈസിയാണോ വിദേശത്ത് നിന്ന് വന്നത് എന്ന് സംശയം തോന്നും. (അങ്ങനെ വല്ല മണ്ടന്മാരും ചിന്തിച്ചാല്‍ സമാധാനിക്കാന്‍ കൊച്ചു ബംഗലൂരില്‍ interiar ഡിസൈന്‍ പഠിക്കാന്‍ പോയ കാര്യം പറയുന്നുണ്ട് ).നമ്മുടെ നായകന്‍റെ രണ്ടാനമ്മയുടെ കാര്യം പറഞ്ഞത് പോലെയാണ് കുട്ടിയുടെ മൊത്തം കുടുംബവും പിന്നെ കാണിക്കുക്കയെ ഇല്ല.എന്ന് കരുതി കുട്ടി മോശക്കാരി ഒന്നുമല്ല രാത്രി മതില് ചാടി ഗാനമേള സംഘത്തോടൊപ്പം (മ്യൂസിക്‌ ബാന്‍ഡ് പേര് കല്ലുമ്മേക്കായ) ആടി പാടി, അവരുടെ മദ്യ പാര്‍ട്ടിയില്‍ കൂടി (എന്ന് കരുതി നായകനും നായികയും മദ്യപിക്കില്ല . പരിഷ്കാരം അത്രയൊക്കെ മതി അല്ല പിന്നെ !!!) ബാക്കി സമയം ബുര്‍ക്കയും ഇട്ടു നടക്കുകയാണ് ഇവരുടെ ഒരു ലൈന്‍ . (ഇവരുടെ വീട്ടില്‍ ആര്‍ക്കും ലോകവുമായി ഒരു ബന്ധവും ഇല്ലാത്തത് കൊണ്ട് ഇതൊന്നും ആര്‍ക്കും അറിയില്ല) ഇത്തരം ഞെട്ടിപ്പിക്കുന്ന സത്യങ്ങള്‍ ഒക്കെ നമുക്ക് പിന്നെയാണ് മനസിലാകുന്നത്. പെണ്ണ് കാണല്‍ സമയത്ത് താന്‍ ഷെഫ് ആകാനാണ് പഠിച്ചത് എന്ന് വെളിപ്പെടുത്തുന്നതോടെ കൊച്ചു,നായകനോട് പോയി പണി നോക്കാന്‍ പറയുന്നു. റസാക്ക് കുപിതനായി അറബി മുതലാളി മാര്‍ ചെയുന്ന പോലെ നായകന്‍റെ പാസ്പോര്ട്ട് പിടിച്ചെടുക്കുന്നു.നായകന് പിണങ്ങി വീട്ടില്‍ നിന്ന് ഇറങ്ങുന്നു .ഇനിയാണ് ......
മനസിലായി ഇടവേള അല്ലെ ?
ഒന്ന് പോടെ ഇതാണ് പശ്ചാത്തലം.പിടിച്ചതിലും വലുതാണ് അളയില്‍ ഉള്ളത് എന്ന പോലെയാണ് ബാക്കി . നായകന് പിണങ്ങി പോകുന്നത് ഉപ്പുപ്പ ആയ കരീം (തിലകന്‍)ന്‍റെ അടുത്തേക്കാണ്‌.അദേഹം അദേഹം ഭാരതം മുഴുവന്‍ സഞ്ചരിക്കുകയും ഒപ്പം വര്‍ഷങ്ങളായി നാട്ടില്‍ ഒരു ഹോട്ടല്‍ (അതാണ് ഉസ്താദ് ഹോട്ടല്‍) നടത്തുകയുമാണ്.കുട്ടികാലത്ത് അച്ഛന്റെ സ്നേഹം കിട്ടാത്തത് (അങ്ങേരു ഭാരത പര്യടനത്തില്‍ ആയിരുന്നല്ലോ) കൊണ്ട് റസാക്ക് ഡാഡിയുമായി ഉടക്കിലാണ്.ഉസ്താദ് ഹോട്ടലില്‍ എത്തുന്ന നായകന് പിന്നെ സസന്തോഷം കീറപ്പായില്‍ കിടക്കുന്നു,ഹോട്ടലിലെ എച്ചില്‍ എടുക്കുന്നു,സാധനങ്ങള്‍ ചുമന്നു കൊണ്ടുവരുന്നു,രാത്രി മുഴുവന്‍ ഉറക്കം ഒഴിച്ച് പൊറോട്ട അടിക്കാന്‍ പഠിക്കുന്നു അങ്ങനെ ഉല്ലാസകരമായി ജീവിക്കുന്നു.ഇത്ര സുഖം ശരിയാവില്ല എന്ന് മനസിലാക്കി കരീം ഫൈസിയെ അടുത്തുള്ള പഞ്ച നക്ഷത്ര ഹോട്ടലില്‍ ഷെഫ് ആക്കുന്നു.ആ ഹോട്ടലില്‍ ആണെങ്കില്‍ ബിരിയാണി ഉണ്ടാക്കിച്ചു വാങ്ങുന്നത് ഉസ്താദ് ഹോട്ടലില്‍ നിന്നാണ്.(രഹസ്യം!!!) ഇതിനിടെ നായികയുടെ രാത്രിയുള്ള റോക്ക് ഷോ,അത് കഴിഞ്ഞു നായകന് രാത്രി വീട്ടില്‍ കൊണ്ടാക്കാന്‍ പോകുമ്പോള്‍ വണ്ടി ബ്രേക്ക്‌ ഡൌണ്‍ ആയിട്ടു ലിഫ്റ്റ്‌ കിട്ടാതെ അവസാനം നായികയും ബുര്‍ക്കയിട്ട നായകനും ലോറിയില്‍ ലിഫ്റ്റ്‌ ചോദിച്ചു കയറുമ്പോള്‍ ഡ്രൈവര്‍ ദുഷ്ട്ടന്‍ സല്‍മാനെ പെണ്ണാണെന്ന് കരുതി തോണ്ടുകയും തടവുകയും ഒക്കെ ചെയ്യുന്ന അതീവ രസകരമായ രംഗങ്ങള്‍ ഉണ്ട് (ഇതെങ്ങാനും ആ സുരാജോ/ ദിലീപോ ചെയ്തിരുന്നേല്‍ ഇവിടെ എന്തായിരുന്നു പുകില് ???)
ഇതിനിടെ നായകന് ജോലി ചെയുന്ന ഹോട്ടലില്‍ പ്രതിശ്രുത വരനുമൊത്തു നായിക ഭക്ഷണം കഴിക്കാന്‍ വരുമ്പോള്‍ വരന്‍ (ജിഷ്ണു) ഓര്‍ഡര്‍ ചെയ്ത സാധനമല്ല കിട്ടിയത് എന്ന് പറഞ്ഞു നായകനോട് ചൂടാകുന്നു.ഫൈസി കുറച്ചു നേരമൊക്കെ ഈ സാധനം ഇങ്ങനെ കഴിക്കുനതാണ് നല്ലത് എന്ന് വാദിച്ചു നോക്കുമെങ്കിലും അവസാനം ഭീകരമായ ഭാവഭിനയത്തോടെ അങ്ങേരു പറഞ്ഞ സാധനം ഉണ്ടാക്കി കൊടുക്കുന്നു . ഇത്ര വൃത്തികെട്ടവനാണ് തന്‍റെ പ്രതിശ്രുതവരന്‍ (കാശു കൊടുക്കുന്നവന്‍ അവനു വേണ്ട സാധനമല്ല കിട്ടുന്നതെങ്കില്‍ മിണ്ടാതെ ഇരുന്നു കഴിച്ചോണം.ഉണ്ടാക്കുന്നത് ചാലു മോനാണ് എന്നറിയാനുള്ള മിനിമം കോമണ്‍ സെന്‍സ് എങ്കിലും ഇല്ലാത്ത ശവം) എന്നറിയുന്നതോടെ കൊച്ചു അവനെ കളഞ്ഞിട്ടു ഫൈസിയുമായി അടുക്കുന്നു (ആരു ചോദിയ്ക്കാന്‍ ??).
ഇനിയങ്ങോട്ട് കഥ ഭീകരമായ വഴിത്തിരിവുകളിലൂടെ കടന്നു പോകും.ഉസ്താദ് ഹോട്ടല്‍ പിടിച്ചെടുക്കാന്‍ ഉള്ള അടുത്തുള്ള വലിയ ഹോട്ടല്‍കാരുടെ നിഗൂഡ തന്ത്രങ്ങള്‍.ഹോട്ടല്‍ തല്കാലത്തേക്ക് പൂട്ടുന്ന കരള്‍ അലിയിപ്പിക്കുന്ന രംഗങ്ങള്‍ , തിലകന്‍ എന്തിനു മാസം തോറും മധുരയിലേക്ക് പണമയക്കുന്നു (ആ ഭാഗം ഒക്കെ വരുമ്പോള്‍ കുറഞ്ഞത്‌ 2 തൂവാല എങ്കിലും വേണ്ടി വരും.പറഞ്ഞില്ല എന്ന് വേണ്ട) എന്നിങ്ങനെയുള്ള സംഗതികള്‍ കണ്ടു കാണികള്‍ക്ക് ആനന്ദിക്കാം. ഇതിനിടെ നായകന് ഫ്രാന്‍സില്‍ ഷെഫ് ആയി ജോലി കിട്ടുന്നു.പക്ഷെ പാസ്പോര്ട്ട് അറബി മുതലാളിയുടെ (റസാക്ക്) കയ്യില്‍ ആയതിനാല്‍ ഒരു രക്ഷയും ഇല്ല.ദൈവാനുഗ്രഹം എന്ന് പറയട്ടെ റസാക്ക് വന്നു നിന്‍റെ പാസ്പോര്ട്ട് തിരിച്ചു തരാന്‍ അന്‍വര്‍ റഷീദ് പറഞ്ഞു എന്ന ഭാവത്തില്‍ സംഗതി തിരിച്ചു കൊടുക്കുന്നു.ഹോട്ടല്‍ പൂട്ടിയ വാക്കിന് തിലകന്‍ വീണ്ടും ദേശാടനത്തിനു ഇറങ്ങുന്നു.ഇതിനകം മാനുഷിക മൂല്യങ്ങള്‍ തിരിച്ചറിഞ്ഞ നായകന് പോകുമോ അതോ അനാഥമായ ഉസ്താദ് ഹോട്ടല്‍ ഏറ്റെടുത്തു നടത്തുമോ എന്ന് പടം കണ്ടു നിങ്ങള്‍ അറിഞ്ഞാല്‍ മതി .
ഡാ .... എഴുനെല്‍ക്കെടാ ... കഴിഞ്ഞു
ഏ .. ആരു കഴിഞ്ഞു എന്നാ.. ഞാനൊന്നു മയങ്ങി പോയി . അപ്പോള്‍ യുറോപ്പില്‍ നിന്നും നായകന് പെണ്ണ് കാണാന്‍ വന്നിട്ട് ......
എഴുനേറ്റു പോടാ അവിടുന്ന് .. നിന്നോടൊക്കെ കഥപറയുന്ന എന്നേ പറഞ്ഞാല്‍ മതി ....
അല്ല അണ്ണാ ഈ പടത്തെ പറ്റി.
എനിക്ക് തോന്നിയത് പടത്തിനോ അനന്തമായി പോകുന്ന കഥയ്ക്കോ അടിസ്ഥാനപരമായി ഒരു ഫോക്കസും ഇല്ല ഇതു ഉപ്പുപ്പയും കൊച്ചു മോനും ആയുള്ള ബന്ധത്തിന്റെ കഥയാണോ അതോ ഉപ്പുപ്പയും ഹോട്ടലും ആയുള്ള ബന്ധത്തിന്റെ കഥയാണോ അതോ നായികയും നായകനും ആയുള്ള ബന്ധത്തിന്റെ കഥയാണോ ഇനി ഇതൊന്നുമല്ല സ്വദേശ് എന്ന ഷാരൂഖ്‌ ഖാന്‍ ചിത്രത്തിന്‍റെ മലയാളമാണോ ഉദേശിച്ചത്‌ എന്ന് ചോദിച്ചാല്‍ ഉത്തരമില്ല.പല ത്രെഡ്കള്‍ ഉള്ള ഒരു കഥയാണ് എന്ന് എന്നാണെങ്കില്‍ ഐ വി ശശിയെ പോലുള്ളവര്‍ വൃത്തിയായി പറഞ്ഞിരുന്ന ആ രീതി ചെയാനുള്ള കയ്യടക്കം അന്‍വര്‍ റഷീദ്നും അഞ്ജലി മേനോനും ഇല്ല എന്ന് പറയേണ്ടി വരും (അഞ്ജലി മേനോന്‍ പ്രസവതിനിടയില്‍ ആണ് ഇതിന്‍റെ തിരകഥ എഴുതിയത് എന്ന് വായിച്ചു കണ്ടു .ചുമ്മാതാണോ പണ്ടുള്ളവര്‍ പറയുന്നേ ഒരു പണി ചെയുമ്പോള്‍ അത് ചെയ്യണം എന്ന് !!!) രണ്ടാം പകുതി പകുതിയാകുമ്പോള്‍ നമുക്ക് ഒന്നാം പകുതിയേ കുറിച്ച് സഹിക്കാം എന്നൊരു അഭിപ്രായം തോന്നാം.പിന്നെ പാട്ടുകള്‍ . അത് കൊണ്ട് തിരുകിയിരിക്കുന്ന സ്ഥലങ്ങള്‍ ഉഗ്രന്‍ ആയതു കൊണ്ടാകണം ആസ്വാദ്യകരമായി തോന്നിയില്ല .കേള്‍ക്കുക മാത്രം ചെയ്താല്‍ ചിലപ്പോള്‍ നന്നായി തോന്നിയേക്കാം .
അതൊക്കെ വിട്ടേ അഭിനയം ? അത് പറഞ്ഞേ
ഡേ .. നിന്‍റെ ഈ ചോദ്യം ആ സല്‍മാന്‍ ഖാനെ പറ്റിയല്ലേ . അനിയാ ഈ റോള് ആരു ചെയ്താലും വലിയ വ്യത്യാസം ഒന്നും വരാനില്ല.(ആകെയുള്ള വ്യത്യാസം അവന്‍മാരുടെ അച്ഛന്റെ ആരാധകര്‍ ആദ്യ ദിവസം കൂട്ടമായി വന്നു അകത്തു കേറി ജയ് വിളിക്കില്ല എന്ന് മാത്രമേ ഉള്ളു ) മമ്മൂട്ടി തന്നെ ആദ്യ അന്‍പതോളം പടം കഴിഞ്ഞന്ന് അഭിനയിക്കാന്‍ പഠിച്ചത് (അഹിംസ എന്നാ ചിത്രത്തിന് സഹനടനുള്ള അവാര്‍ഡ്‌ കിട്ടി എന്നത് സത്യം.ബാലന്‍ കെ നായര്‍ ഈ നാട് എന്നാ ചിത്രത്തില്‍ ഉജ്വലമാക്കിയ വേഷം വൃത്തികേടായി അവതരിപ്പിക്കുക എന്നതല്ലാതെ അദേഹം അഹിംസ എന്ന ചിത്രത്തില്‍ എന്താണ് ചെയ്തത് എന്ന് ഇന്നും എനിക്ക് അജ്ഞാതം) അപ്പോള്‍ ചാലു മോന്‍ അഭിനയിക്കാന്‍ പഠിച്ചു കഴിയുമ്പോള്‍ നമ്മളൊക്കെ എത്ര സിനിമ സഹിക്കേണ്ടി വരുമോ ആവൊ? ഈ ചിത്രത്തില്‍ അദേഹം ഗുണവും ഇല്ല ദോഷവും ഇല്ല എന്ന അവസ്ഥയിലാണ് (ജിഷ്ണു വരുന്ന രംഗത്തെ ഭാവഭിനയ്തോടെയുള്ള പാചകം പോലുള്ളവ ഞാന്‍ വിട്ടു ).തിലകന്‍ നിന്ന് കൊണ്ട് പ്രവേശിക്കുന്ന തോന്നല്‍ ഉളവാക്കുന്നില്ല എന്നതാണ് എടുത്തു പറയേണ്ട ഒരു കാര്യം . തിലകനെ വെച്ച് സിനിമ എടുക്കുന്നവര്‍ ഇതു ശ്രദ്ധിക്കാവുന്നതാണ് . നിത്യ മേനോന്‍ സ്വന്തമയാണോ ഡബ്ബിംഗ് എന്നറിയില്ല കടിച്ചു പൊട്ടിക്കുന്ന പോലുള്ള സംഭാഷണം ഒഴിവാക്കിയാല്‍ കൊള്ളാം.അഞ്ജലി മേനോന്‍ നിരാശപ്പെടുത്തി (മഞ്ചാടിക്കുരു എന്ന ചിത്രം വളരെ ഇഷ്ട്ടപെട്ടു . എഴുതാന്‍ സാധിക്കാത്തതില്‍ കുറ്റബോധം ഉണ്ട് ). അന്‍വര്‍ റഷീദ് നന്നാകാന്‍ നോക്ക്.... (കടപ്പാട് സ്വാഗതം(ചിത്രം), ജഗതി )
ചുരുക്കമാ ശോന്നാ
വപ്പച്ചി - 8 , മോന്‍ -2
ഓഫ്‌ : പടം കഴിഞ്ഞപ്പോള്‍ ശ്രീനിയുടെ കമന്റ്‌ .ചുമ്മാതല്ല ഇവനെ എന്‍റെ മകനായി കാണരുത് എന്ന് ആദ്യമേ മമ്മൂട്ടി പറഞ്ഞെ. ആവശ്യത്തിനു ചീത്തപ്പേര് അങ്ങേര്‍ ആരുടെയും ഔദാര്യം ഇല്ലാതെ അധ്വാനിച്ചു ഉണ്ടാക്കുന്നുണ്ട് .ഇനി ഇവന്‍ ഉണ്ടാക്കി കൊണ്ട് വന്നിട്ട് വേണം അങ്ങേര്‍ക്കു ......
Friday, June 29, 2012
Sunday, June 24, 2012
സ്പിരിറ്റ്‌ (ഒരു തുറന്ന കത്ത്)
പ്രിയപ്പെട്ട രഞ്ജിത് ,
മലയാള സിനിമയെ,ഇവിടത്തെ മാധ്യമങ്ങള്‍ പറയുന്നത് പോലെ , ഒരു പുതിയ പാതയിലേക്ക് നയിക്കാനായി മാറി ചിന്തിക്കുകയും ഒപ്പം നിരന്തരമായി പരിശ്രമിക്കുകയും ചെയുന്ന താങ്കളെ പോലുള്ള ഒരാള്‍ക്ക് മലയാള സിനിമയുടെ ഒരു സാധാരണ പ്രേക്ഷകനായ ഈയുള്ളവന്‍റെ എളിയ അഭിപ്രായം (വിനയം ഇത്രയും മതിയല്ലോ ?) വായിക്കാനോ അറിയാനോ സമയം ഉണ്ടാകും എന്ന് കരുതുന്നില്ല.എന്നാലും നമ്മളെ കൊണ്ട് ഇത്രയൊക്കയെ പറ്റു എന്ന ചിന്തയാണ് ഈ കത്തിന് ആധാരം.
മേയ് മാസപ്പുലരിയും,പെരുവണ്ണാപുരവും ഒക്കെ സിനിമ ശാലയില്‍ പോയി ആസ്വദിച്ച് കണ്ട ആളാണ് ഈയുള്ളവന്‍ .(ജോണിവാക്കര്‍ പോലുള്ളവ നമുക്ക് വിടാം).ഒരു സംവിധായകന്‍ എന്ന നിലയിലേക്ക് മാറിയ താങ്കള്‍ എന്ന് രാവണപ്രഭുവില്‍ തുടങ്ങി സ്പിരിറ്റില്‍ എത്തി നില്‍ക്കുകയാണല്ലോ. ഇതില്‍ കയ്യൊപ്പ് മുതല്‍ സ്പിരിറ്റ്‌ വരെ താങ്കള്‍ മാറി ചിന്തിക്കുകയാണെന്നും പുതിയ ഒരു വഴി വെട്ടി തുറക്കുകയാണെന്നും ഒക്കെയാണ് മാധ്യമങ്ങള്‍ വഴി ഞാന്‍ മനസിലാക്കുന്നത്‌. അതൊക്കെ തികച്ചും താങ്കളുടെ ഇഷ്ടവും വ്യക്തി സ്വാതന്ത്ര്യവും ആണെന്ന് ഞാന്‍ വിശ്വസിക്കുന്നു. അപ്പോള്‍ പിന്നെ എവിടെയാണ് പ്രശ്നം? താങ്കളുടെ അവസാന ചിത്രമായ സ്പിരിറ്റ്‌ എന്ന സാമൂഹ്യ പ്രതിബദ്ധത നിറഞ്ഞൊഴുകുന്നത് എന്ന് കേരളത്തിലെ മന്ത്രിമാര്‍ പോലും അഭിപ്രായപ്പെടുന്ന ചിത്രത്തെ കുറിച്ചാണ് എനിക്ക് സംസരിക്കാനുള്ളത് .
താങ്കളുടെ തൊട്ടു മുന്‍പിറങ്ങിയ ഇന്ത്യന്‍ റുപ്പി എന്ന ചിത്രം കഴിഞ്ഞ വര്‍ഷത്തെ നല്ല അഭിപ്രായം നേടിയ ചിത്രങ്ങളില്‍ ഒന്നായിരുന്നു. എനിക്കും അത് തന്നെയാണ് അഭിപ്രായം (അത് പ്രിത്വിരാജ് എന്ന നടന്‍ ഉള്ളത് കൊണ്ടാണ് എന്ന് ആരോപിക്കപ്പെട്ടെക്കാം . പ്രസ്തുത ചിത്രത്തില്‍ സമകാലീനമായ ഒരു വിഷയവും ഈ ലോകത്ത് നമുക്ക് ചുറ്റും കാണുന്ന മനുഷ്യരും കഥാപാത്രങ്ങള്‍ ആയി ഉണ്ടായിരുന്നു എന്നതാണ് കാരണമായി എനിക്ക് തോന്നിയത്).അപ്പോള്‍ ന്യായമായ ഒരു ചോദ്യം മദ്യപാനം മറ്റൊരു സാമൂഹ്യ പ്രശ്നം അല്ലെ എന്നുള്ളതാണ്.തീര്‍ച്ചയായും അതെ പക്ഷെ തികഞ്ഞ ലാഘവത്തോടെയാണ് താങ്കള്‍ പ്രസ്തുത വിഷയത്തെ സമീപിച്ചിരിക്കുന്നത് എന്നാണ് ചിത്രം കണ്ട എനിക്ക് തോന്നിയത്.(ഇന്നത്തെ ചിന്താവിഷയം എന്ന ചിത്രത്തില്‍ സത്യന് സംഭവിച്ച അതെ പ്രശ്നം. വര്‍ധിച്ചു വരുന്ന വിവാഹമോചന നിരക്ക് ഒരു സാമൂഹ്യ പ്രശ്നം ആണ് എന്നിരിക്കെ ചിന്താവിഷയം കണ്ടവര്‍ ബോറടിച്ചു പണ്ടാരം അടങ്ങുന്ന അവസ്ഥ).
താങ്കളുടെ ചിത്രത്തിനെതിരെ ഇങ്ങനെ ഒരു അഭിപ്രായം പറയുന്ന സ്ഥിതിക്ക് അത് വിശദീകരിക്കാനും ഞാന്‍ ബാധ്യസ്ഥന്‍ ആണല്ലോ.ഒരു രാജ്യത്തു അടിസ്ഥാന പരമായി അടിസ്ഥാനവര്‍ഗം,മധ്യവര്‍ഗം,ഉന്നതവര്‍ഗം എന്ന് തിരിക്കാമല്ലോ.കേരളത്തില്‍ കഴിഞ്ഞ ഒരു പത്തു വര്‍ഷത്തിനുള്ളില്‍ കേരളത്തിലെ യഥാര്‍ത്ഥ ഭൂരിപക്ഷ വിഭാഗമായ മിഡില്‍ ക്ലാസിനു മദ്യത്തോടുള്ള സമീപനത്തില്‍ വന്ന മാറ്റമാണ് കേരളത്തിലെ മദ്യ ഉപഭോഗത്തില്‍ വന്ന വന്‍പിച്ച മാറ്റത്തിനു കാരണം എന്ന് ഞാന്‍ കരുതുന്നു.ഉദാഹരണമായി രാത്രി പാര്‍ട്ടി കഴിഞ്ഞു വരുന്ന ഐ റ്റി മകന്‍റെ മദ്യഗന്ധം അറിയുന്നില്ല എന്ന് ഭാവിക്കുന്ന,അതിനെ കുറിച്ച് വ്യകുലപ്പെടാത്ത , മാതാപിതാക്കള്‍ തുടങ്ങി "വല്ലപ്പോഴും,വല്ല പാര്‍ട്ടിക്കോ മറ്റോ പോയാല്‍ അല്‍പ്പം കഴിക്കുന്നതില്‍ വിരോധം ഇല്ല. സ്ഥിരം ആകരുത്" എന്ന് ഭാവിവര സങ്കല്പം പറയുന്ന അവിവാഹിതയായ ചെറുപ്പക്കാരി വരെ ഇതിനു ഉദാഹരണമാണ്‌.പത്തു കൊല്ലം മുന്‍പ് ഇങ്ങനെ ആയിരുന്നില്ല അവസ്ഥ.കള്ളുഷാപ്പിനു അടുത്ത് വെച്ച് കണ്ടിട്ടുണ്ട് എന്ന ഒറ്റ കാരണം കൊണ്ട് കല്യാണ ആലോചന മുടങ്ങിയ കാലത്ത് നിന്ന് സ്ത്രീകളില്‍ മദ്യപാന ശീലം കൂടുന്നു എന്ന് റിപ്പോര്‍ട്ട്‌ ചെയ്യപ്പെടുന്ന കാലത്താണ് നാം എന്ന് ജീവിക്കുന്നത്.
കാടു കയറി പോകുന്നു നമുക്ക് ഈ ചിത്രത്തിലേക്ക് വരാം.ഈ ചിത്രത്തിലെ സകല കഥാപാത്രങ്ങളും മദ്യപിക്കുന്നവരാണ്.എന്‍റെ ഓര്‍മ്മ ശരിയാണെങ്കില്‍ ആ ചിത്രത്തില്‍ മദ്യപിക്കാത്തതായി കല്‍പ്പന അവതരിപ്പിക്കുന്ന സുമതി എന്ന കഥാപാത്രം മാത്രമേ ഉള്ളു.ശരി ഇനി കഥ.രഘുനന്ദന് എന്ന നായക കഥാപാത്രം,വിദേശത്ത് ബാങ്കിലും പിന്നെ ചില പത്രങ്ങളിലും ഒക്കെ പണിയെടുത്തു പതിവ് പോലെ ആ നാട്ടിലെ ആബാല വൃദ്ധം ജനങ്ങളും ഹോ എന്തൊരു സംഭവം എന്ന് വിളിക്കുന്ന ആളാണല്ലോ.അദേഹം.ഒരു പൈസ പോലും പ്രതിഫലമായി വാങ്ങാതെ ഒരു ചാനലിനെ നില നിര്‍ത്തി കൊണ്ട് പോകുന്ന ടോക്ക് ഷോ എന്ന് പറഞ്ഞു കാണിക്കുന്നത് പച്ച മലയാളത്തില്‍ പറഞ്ഞാല്‍ യാതൊരു നിലവാരവും ഇല്ലാത്ത പരിപാടി അല്ലെ? ആ പരിപാടിയില്‍ ഉടനീളം രഘുനന്ദന്‍റെ മൂന്നാം കിട ഷൈനിംഗ് അല്ലാതെ മറ്റു എന്തെങ്കിലും നടക്കുന്നുണ്ടോ? (സത്യമേവ ജയതേ പോലുള്ള പരിപാടികള്‍ പോലും നാലാം ദിവസം മടുക്കുന്ന നാടാണ്‌ ഇതു എന്നോര്‍ക്കുക) ശരി മദ്യത്തിനു അടിമയായ അയാള്‍ അങ്ങനെ ഒക്കെ ചെയുന്നു എന്ന് കരുതുക.ഈ ഭൂമി മലയാളത്തിലെ മുഴുവന്‍ ജനങ്ങളും അത് കണ്ടു ഹോ എന്തൊരു സംഭവം (വീണ്ടും) എന്ന് പറയുന്നു എന്ന് കാണിക്കുന്നത് പാവം വിനയന്‍ സാറു പോലും ചിന്തിക്കാത്ത കാര്യമല്ലേ?
ഈ ചിത്രത്തില്‍ ഉടനീളം നായകന് തന്‍റെ ടോക്ക് ഷോയിലൂടെ സദാചാര പോലീസ് കളിക്കുകയാണ്.ആദ്യത്തേത് സുരാജ് അവതരിപ്പിക്കുന്ന മന്ത്രി.പ്രായപൂര്‍ത്തി അയ അയാള്‍ അയാള്‍ പോയ രാജ്യത്തെ നിയമം അനുവദിക്കുന്ന രീതിയില്‍ ആരെങ്കിലുമായി ശാരീരിക ബന്ധം പുലര്‍ത്തി എന്നത് തികച്ചും അയാളുടെ വ്യക്തിപരമായ കാര്യമാണ്.അതിന്‍റെ ഫോട്ടോ എടുത്തു ഇരയെ ക്ഷണിച്ചു വരുത്തി ലോകത്തിന്റെ മുന്നില്‍ വെച്ച് പ്രദര്‍ശിപ്പിച്ചു മിടുക്കന്‍ ആകുന്ന നായകന് തികച്ചും യാധാര്ത്യ ബോധം ഉള്ള പാത്ര സൃഷ്ട്ടി തന്നെയാണ് .കേരളത്തില്‍ ഉറപ്പായും ഇതു നടക്കും !!! അതിലും കഷ്ട്ടമാണ് ഷോപ്പിംഗ്‌ മാളില്‍ തന്നെ തോണ്ടാന്‍ ശ്രമിച്ച ഒരുത്തന്നെ ഓടിച്ചിട്ട്‌ പിടിച്ചു രണ്ടു കൊടുക്കുന്ന പോലീസ് ഉദ്യോഗസ്ഥയെ ടോക്ക് ഷോയില്‍ നായകന് നേരിടുന്നത്.ഒരു സ്ത്രീ എന്ന നിലയ്ക്ക് തന്‍റെ നേര്‍ക്ക്‌ നടന്ന കയ്യേറ്റ ശ്രമത്തെ ചെറുത്ത അവരുടെ മുന്നിലും നായകന് തന്‍റെ ഷൈന്‍ ചെയ്യാനുള്ള ശ്രമം വിടുന്നില്ല.നായകനല്ലേ എന്ന് കരുതി പോലീസുകാരി പോലും ഒതുങ്ങി നില്‍ക്കുന്ന കാഴ്ചയാണ് കാണുന്നത് (മന്ത്രി ഒതുങ്ങുന്നു പിന്നെ അല്ലെ പോലീസ് !!!).സ്വന്തം ശരീരത്തില്‍ അനുവാദമില്ലാതെ പിടിക്കാന്‍ വന്ന ചെറുക്കനെ (അത് റെക്കോര്‍ഡ്‌ ചെയ്യാന്‍ വേറെ ഒരുത്തനും കൂടി ഉണ്ട് ) ഒറ്റയ്ക്ക് നേരിടുന്ന പോലീസുകാരിയോട് നിങ്ങള്ക്ക് ഒരു വേശ്യാലയം തുറന്നു കൊടുത്താല്‍ ഇങ്ങനത്തെ പ്രശ്നങ്ങള്‍ ഒഴിവാക്കികൂടെ എന്ന് ചോദിക്കുന്ന ബുദ്ധി ജീവിനായകനെ ഒരു സ്ത്രീ പക്ഷ ബൂലോകനാറിയും (മഹാനുഭാവന്‍ /ഭാവ എന്ന് വായിക്കാന്‍ അപേക്ഷ) ചോദ്യം ചെയ്തു കാണുന്നില്ല .കഷ്ട്ടം !!!! (ഒരു ആശയം എന്ന നിലയ്ക്ക് അതിനോട് യോജിപ്പുണ്ട് പക്ഷെ ചിത്രത്തില്‍ കാണിക്കുന്ന സാഹചര്യത്തില്‍ അത് ചോദിക്കാനുള്ള പ്രസക്തി മനസിലായില്ല )
ഈ ചിത്രവുമായി ബന്ധപെട്ടു ആരെയെങ്ങിലും അഭിനന്ദിക്കാന്‍ ഉണ്ടെങ്കില്‍ അത് ശ്രീ പ്രകാശ്‌ രാജിനെ ആണ് എന്നാണ് എന്‍റെ അഭിപ്രായം.ശങ്കര്‍ രാമകൃഷ്ണന്‍ അവതരിപ്പിക്കുന്ന തികച്ചും നിര്‍ഗുണം എന്ന് വിശേഷിപ്പിക്കാവുന്ന അലെക്സിയെ അവതരിപ്പിച്ചു സമയം പഴക്കാത്ത അദ്ദേഹത്തോട് എനിക്ക് ബഹുമാനം ഉണ്ട് .
ഇനി ചിത്രത്തിന്‍റെ രണ്ടാം പകുതി.സുഹൃത്ത്‌ ചോര തുപ്പി മരിച്ചു വീഴുന്ന കണ്ടു മദ്യപാനം നിര്‍ത്തുന്ന നായകന് പഴയ സദാചാര പോലീസ് പരിപാടി തുടരുന്നു.അദേഹത്തിന് ചുറ്റുമുള്ള മദ്യപാനികളായ ആരും മദ്യപിക്കുന്നത് അദേഹത്തിന് വിഷയമല്ല .മറിച്ചു അവരുടെ ഉന്നത സമൂഹത്തില്‍ വന്നു പോകുന്ന പ്ലംബര്‍ മണിയന്‍ ആണ് അദേഹത്തിന്‍റെ അടുത്ത ഇര.ഇയാളെ പിന്തുടര്‍ന്ന് ഇയാള്‍ മദ്യപിക്കുന്ന രംഗങ്ങള്‍ മുഴുവനും റെക്കോര്‍ഡ്‌ ചെയ്തു പോരാത്തതിനു അയാളുടെ വീട്ടില്‍ അതിക്രമിച്ചു കയറി ഒളി ക്യാമറ സ്ഥാപിച്ചു അയാള്‍ മദ്യപിച്ചു വന്നു ഭാര്യയെ തല്ലുന്ന രംഗം ഉള്‍പ്പെടെ ലോകത്തിനു മുന്നില്‍ പ്രദര്‍ശിപ്പിച്ചു ഷൈന്‍ ചെയ്തതിനു ശേഷം മണിയനെ പുനരധിവാസ കേന്ദ്രത്തില്‍ എത്തിക്കുന്നു.നാളെ നിങ്ങള്‍ ഗാര്‍ഹിക പീഡനം നടത്തുന്നോ എന്ന് പരിശോധിക്കാന്‍ ഏതേലും ചാനല്‍ക്കാര്‍ നിങ്ങളുടെ കിടപ്പ് മുറിയില്‍ ഒളിക്യാമറ വെച്ച് അവിടെ നടക്കുന്നത് ലോകത്തിനു മുഴുവന്‍ കാണിച്ചു ലോക മനസാക്ഷിയെ കുലുക്കി ഉണര്‍ത്താന്‍ തീരുമാനിച്ചാല്‍ തികഞ്ഞു.സംപ്രേക്ഷണം ചെയുമ്പോള്‍ അവതാരകന്‍ ഇതു തെറ്റാണെന്ന് എനിക്കറിയാം എന്നാലും നിങ്ങള്‍ ഇതു കാണണം എന്ന് പറഞ്ഞാല്‍ മതിയല്ലോ .നന്ദിയുണ്ട് സുഹൃത്തേ ഒരായിരം നന്ദി !!!
സിനിമയില്‍ സന്ദേശം എന്ന് പറയുന്നതിനോട് എനിക്ക് തീരെ യോജിപ്പില്ല.എന്നാല്‍ ഈ ചിത്രത്തെ കുറിച്ച് പ്രചരിപ്പിക്കപെടുന്നത് മദ്യത്തിനെതിരെ ഒള്ള ശക്തമായ സന്ദേശമാണ് ഈ ചിത്രത്തിന്‍റെ പ്രത്യേകത എന്നതാണ് . എന്നിക്ക് തോന്നിയ ഒരു കാര്യം പറഞ്ഞു കൊള്ളട്ടെ ഈ ചിത്രം പറയുന്നത് താഴേക്കിടയില്‍ ഉള്ളവന്‍ മദ്യപിക്കാന്‍ പാടില്ല എന്ന് മാത്രമാണ്. കാരണം മണിയന്‍റെ വീട്ടില്‍ മാത്രമേ പ്രശ്നങ്ങള്‍ ഉള്ളു.അയാള്‍ക്ക് മാത്രമേ ലൈംഗിക ശേഷിക്കുറവും തന്മൂലം ഭാര്യയെ സംശയവും ഉള്ളു. കൂടുതല്‍ ചിന്തിച്ചു കൂട്ടിയാല്‍ മണിയന്‍റെ ഭാര്യ മദ്യപിക്കാത്തതാണ് എല്ലാ പ്രശ്നങ്ങള്‍ക്കും കാരണം എന്നും പറയാം.കാരണം ഭാര്യയും സ്വല്‍പ്പം അടിക്കുന്ന മീര - അലെക്സി ദമ്പതികള്‍ പരമ സന്തുഷ്ടരാണ് !!!! മണിയന്‍റെ അത്ര തന്നെ മദ്യപിക്കുന്ന നായകന് ഒരു വിധത്തിലുള്ള ശേഷി കുറവും തന്മൂലം ഭാര്യയെ സംശയവും ഇല്ല. നടന്‍ മധു അവതരിപ്പിക്കുന്ന മദ്യപിക്കുന്ന റിട്ടയേര്‍ഡ്‌ നേവി ഉദ്യോഗസ്ഥനാകട്ടെ ഭാര്യ സ്ഥലം വിട്ടാല്‍ ഉടന്‍ ഉറയും വാങ്ങി പരസ്ത്രീ ബന്ധത്തിന് കുതിക്കുന്ന ആളാണ്.ചുരുക്കത്തില്‍ പറഞ്ഞാല്‍ കൈയില്‍ കാശുള്ളവന്‍ വെള്ളമടിച്ചാല്‍ കുഴപ്പമില്ല .എന്ന് വെച്ച് കണ്ട ദരിദ്രവാസികള്‍ അങ്ങനെ ചെയ്യാന്‍ പോയാല്‍ നശിച്ചു കുത്ത് പാള എടുത്തു പോകും എന്നതല്ലേ സത്യത്തില്‍ ഈ ചിത്രം നല്‍കുന്ന സന്ദേശം?
ഇനി സമൂഹത്തിന്‍റെ വീക്ഷണത്തില്‍ ഈ ചിത്രത്തെ നോക്കിയാല്‍ . (ആവര്‍ത്തനം ക്ഷമിക്കുക ) ശ്രീ ലാല്‍ജോസ് സംവിധാനം ചെയ്ത അച്ഛന്‍ ഉറങ്ങാത്ത വീട് എന്ന ചിത്രത്തിന് നികുതിയിളവ് നല്‍കണം എന്ന് മാത്രമല്ല കേരളത്തിലെ എല്ലാ വിദ്യാലയങ്ങളിലും ഈ ചിത്രം സൌജന്യമായി പ്രദര്‍ശിപ്പിക്കണം എന്നാണ് എന്‍റെ അഭിപ്രായം.പ്രേമത്തിന്റെ പേരില്‍ ഒളിച്ചോടുന്ന ഓരോ കുട്ടിയും ഒരു നിമിഷം ചിന്തിക്കാന്‍ ആ ചിത്രം ഉറപ്പായും പ്രേരകം ആയേക്കാം എന്ന് ഞ്ഞാന്‍ വിശ്വസിക്കുന്നു . എന്നാല്‍ താങ്കളുടെ ഈ ചിത്രമോ? ഏതെങ്കിലും മദ്യപാനി ഒരു നിമിഷം നായകന് നടത്തുന്ന അവസാന ഗിരി പ്രഭാഷണം ഓര്‍ത്തു വെള്ളമടി കുറയ്ക്കും എന്ന് പോലും എനിക്ക് തോന്നുന്നില്ല .അച്ഛന്‍ മകളെ പീഡിപ്പിക്കുകയും കൊണ്ടുനടന്നു വില്‍ക്കുകയും ചെയുന്ന കേസുകള്‍ റിപ്പോര്‍ട്ട്‌ ചെയ്യപ്പെടുന്ന ഈ കാലത്ത് ഒരു മദ്യപാനി വെള്ളമടിച്ചു ഭാര്യയെ തല്ലുന്ന രംഗം മനുഷ്യ മനസാക്ഷിയെ കുലുക്കി ഉണര്‍ത്തും എന്നതില്‍ ഒരു സംശവും ഇല്ല സുഹൃത്തേ. സത്യം
ഇന്ത്യന്‍ റുപ്പി എന്ന ചിത്രത്തിലെ നായകന് പണമുണ്ടാക്കാനുള്ള പാച്ചിലില്‍ തെറ്റായ വഴികളിലൂടെ സഞ്ചരിച്ചു തുടങ്ങുകയും ഒടുവില്‍ കള്ളനോട്ടു പോലെയുള്ള ഗുരുതരമായ ഒരു കേസില്‍ അകത്താകുന്നതിന്‍റെ (എല്ലാം നഷ്ട്ടപെടുന്നതിന്‍റെ ) തൊട്ടടുത്തു വരെ എത്തി നില്‍ക്കുമ്പോളാണ് അയാള്‍ തിരിച്ചു വരാന്‍ തീരുമാനിക്കുന്നത്‌ .എന്നാല്‍ എത്രയും ലോക പരിചയവും അനുഭവങ്ങളും ഉള്ള രഘുനന്ദന് സുഹൃത്തായ സാഹിത്യകാരന്‍ ചോര തുപ്പി മരിക്കുബോളാണ് മദ്യപാനം നിര്‍ത്താന്‍ തീരുമാനിക്കുന്നത്‌ (ബുദ്ധിജീവിയായ സാഹിത്യകാരന്മാര്‍ക്ക് പണ്ടേ പറഞ്ഞിട്ടുള്ളതാണല്ലോ കുടിച്ചുള്ള മരണം !!!). ഈ ചിത്രത്തില്‍ രഘുനന്ദന് എത്ര അനായാസമായാണ് മദ്യപാനം നിര്‍ത്തുന്നത് എന്ന് നോക്കുക.അത് പോലെ മണിയനെയും ഒരു പുനരധിവാസ കേന്ദ്രത്തില്‍ എത്തിച്ചു കഴിയുന്നതോടെ ആയാലും രക്ഷപ്പെടുന്നു എന്നതാണ് സൂചന . എത്ര നിസ്സാരം ആയാണ് ഈ ചിത്രം മദ്യവിമോചനത്തെ കൈ കാര്യം ചെയുന്നത് എന്ന് കൂടി പറഞ്ഞാല്‍ ചിത്രം പൂര്‍ണമായി
ഇനി കാസ്റ്റിംഗ്.ഒരാളെ നായകന് ആക്കാന്‍ രണ്ടു കാരണങ്ങള്‍ ഉണ്ടാകാം ഒന്ന് തന്‍റെ ചിത്രത്തിന്, അഥവാ ആ കഥാപാത്രത്തെ ആ നടന്‍ അവതരിപ്പിച്ചാലെ നന്നാകു എന്ന സംവിധായകന്‍റെ തോന്നല്‍. അല്ലെങ്കില്‍ ആ നടനെ ഉദ്ധരിക്കാന്‍ നടത്തുന്ന ശ്രമം. (പാവപ്പെട്ട സംവിധായകര്‍ക്ക് ഇന്ന നടന്‍റെ ഡേറ്റ് മാത്രമേ കിട്ടിയുള്ളൂ എന്നൊരെണ്ണം കൂടി ആകാം). മധ്യ വര്‍ഗ വിഭാഗത്തില്‍ എന്ന് മദ്യപാനത്തിന് ഉള്ള സ്വീകാര്യതക്ക് ഒരു പ്രധാന പങ്കു വഹിക്കുകയും (വൈകിട്ടെന്താ പരിപാടി ) അതിനു ഈ നിമിഷം വരെ ഒരു ഖേദ പ്രകടനവും നടത്തിയിട്ടില്ലാത്ത മോഹന്‍ലാല്‍ എന്ന നടനെ രഘുനന്ദനാക്കി മദ്യപാനത്തിനെതിരെ ഗിരി പ്രഭാഷണം നടത്തിക്കുക എന്നൊക്കെ പറഞ്ഞാല്‍ കഷ്ടമല്ലേ സുഹൃത്തേ? തങ്ങളുടെ സ്ത്രീ കഥാപാത്രങ്ങള്‍ എന്നും എന്നേ ആകര്‍ഷിച്ചിട്ടുണ്ട് ആറാം തമ്പുരാന്‍ മുതല്‍ മലയാളിയുടെ , സ്വന്തം ഭാര്യ (മഞ്ജു വാരിയര്‍) അന്യന്‍റെ ഭാര്യ (പ്രിയ രാമന്‍ ) എന്നീ സ്ത്രീ സങ്കല്‍പ്പത്തില്‍ അടിയുറച്ചു നിന്നുള്ള താങ്കളുടെ സ്ത്രീ കഥാപത്രങ്ങള്‍ പ്രത്യേക പഠന വിഷയം ആയി കാണേണ്ടതാണ് എന്നാണ് എനിക്ക് തോന്നിയിട്ടുള്ളത് .എന്നാല്‍ ഈ ചിത്രത്തില്‍.ഈ രണ്ടു സ്ത്രീധാരകളും (ഇത്രയും മതിയോ എന്തോ?) ഒന്ന് ചേര്‍ന്ന് ഉണ്ടായ മീര എന്ന കനിഹ അവതരിപ്പിക്കുന്ന കഥാപാത്രം ചെലവു ചുരുക്കലിന്‍റെ ഭാഗമാണോ ?മദ്യപാനം നിര്‍ത്തിയില്ലാ യിരുന്നു എങ്കില്‍ നിന്നെ ഞാന്‍ ബാലസംഗം ചെയ്തേനെ എന്ന് എക്സ് ഭാര്യയോട്‌ പറയുകയും പ്രസ്തുത ഭാഗ്യം കിട്ടിയിരുന്നെങ്കില്‍ എന്ന ഭാവത്തില്‍ അവര്‍ നില്‍ക്കുകയും ചെയ്യുന്ന രംഗം മൊത്തമായി എടുത്താല്‍ തീര്‍ച്ചയായും ഒരു തിരകഥാകൃത്ത് എന്ന നിലക്കുള്ള തങ്ങളുടെ വളര്‍ച്ച വിളിച്ചു ഓതുന്നതാണ്‌.
നന്ദു എന്ന നടന്‍ കാഴ്ച വെച്ച ഉജ്വലമായ അഭിനയത്തെ പറ്റി ഒരു വാക്ക് പറയാതെ ഈ പോസ്റ്റ്‌ അവസാനിപ്പിക്കുന്നത് ആ നടനോട് ചെയുന്ന അനീതി ആകും .മലയാള സിനിമ ഒട്ടും ഉപയോഗിക്കാത്ത ഒരു നടനാണ് നന്ദു എന്ന സത്യം ഓര്‍മിച്ചു കൊണ്ട് തന്നെ പറയട്ടെ ഈ ചിത്രത്തില്‍ നന്ദു ഉജ്വലമായി അഭിനയിച്ചു എന്നാണ് അഭിപ്രായം എങ്കില്‍ ഇതു വരെ അഭിനയിച്ച എല്ലാ ചിത്രങ്ങളിലും ആ നടന്‍ ഉജ്വലമായ അഭിനയം ആണ് കാഴ്ച വെച്ചിരിക്കുന്നത്
താങ്കളുടെ റോക്ക് ആന്‍ഡ്‌ റോള് എന്ന ചിത്രമാണ് ന്യൂ ജനറെഷന്‍ ചിത്രങ്ങളുടെ അപ്പൂപ്പന്‍ ആണ് എന്നും പ്രജാപതിയും ചന്ദ്രോത്സവവും താങ്കള്‍ നിലനില്‍പ്പിനായി എടുത്തത്‌ എന്ന് പ്രചരിപ്പിക്കപ്പെടുന്നുണ്ട്‌.അങ്ങനെയുള്ള ഒരു സമൂഹം ഈ ചിത്രത്തെയും മഹത്തരം എന്നു വഴ്ത്തിയാല്‍ എനിക്ക് അശേഷം അത്ഭുദം ഇല്ല
എന്നു സ്വന്തം
പ്രേക്ഷകന്
അണ്ണാ എന്തോന്നിത് ? എപ്പോള്‍ എത്തി ?
ഇന്നു വന്നതേ ഉള്ളു അനിയാ.പിന്നെ ബുദ്ധി ജീവികളോടു സംസാരിക്കുമ്പോള്‍ നിന്നെ പോലുള്ള കൂറകളോട് സംസാരിക്കുന്നതു പോലെ പറ്റില്ലല്ലോ.അതാ.അതിരിക്കട്ടെ കൈയില്‍ എന്തുവാടെ ഒരു പൊതി ?
അണ്ണന്‍ വണ്ടി ഇറങ്ങുന്നത് കണ്ടപ്പോളേ ഞാന്‍ ബിവറേജസ്സിലേക്ക് വിട്ടു.കുറച്ചു കാലമായി അണ്ണന്‍ ഇല്ലാത്തത് കൊണ്ട് രണ്ടെണ്ണം അടിക്കാന്‍ ഒരു കമ്പനി ഇല്ലായിരുന്നു.ഒഴിക്കട്ടെ അണ്ണാ ?
നീ ധൈര്യമായിട്ട് ഒഴിയെടെ . രണ്ടെണ്ണം വിട്ടിട്ടു വേണം എനിക്കും ഈ പൊതുജനം എന്ന വിവര ദോഷികളെ മദ്യപിക്കുനതിനെതിരെ ഒന്ന് ഉപദേശിക്കാന്‍ . നമുക്കൊക്കെ അങ്ങനെ പലതുമാകാം ഇവനൊക്കെ അങ്ങനെ തുടങ്ങിയാലോ? ഉപദേശിച്ചു കൊല്ലും ഞാന്‍ നീ വേഗം സംഗതി ഒഴിക്കെടെ ..........
മലയാള സിനിമയെ,ഇവിടത്തെ മാധ്യമങ്ങള്‍ പറയുന്നത് പോലെ , ഒരു പുതിയ പാതയിലേക്ക് നയിക്കാനായി മാറി ചിന്തിക്കുകയും ഒപ്പം നിരന്തരമായി പരിശ്രമിക്കുകയും ചെയുന്ന താങ്കളെ പോലുള്ള ഒരാള്‍ക്ക് മലയാള സിനിമയുടെ ഒരു സാധാരണ പ്രേക്ഷകനായ ഈയുള്ളവന്‍റെ എളിയ അഭിപ്രായം (വിനയം ഇത്രയും മതിയല്ലോ ?) വായിക്കാനോ അറിയാനോ സമയം ഉണ്ടാകും എന്ന് കരുതുന്നില്ല.എന്നാലും നമ്മളെ കൊണ്ട് ഇത്രയൊക്കയെ പറ്റു എന്ന ചിന്തയാണ് ഈ കത്തിന് ആധാരം.
മേയ് മാസപ്പുലരിയും,പെരുവണ്ണാപുരവും ഒക്കെ സിനിമ ശാലയില്‍ പോയി ആസ്വദിച്ച് കണ്ട ആളാണ് ഈയുള്ളവന്‍ .(ജോണിവാക്കര്‍ പോലുള്ളവ നമുക്ക് വിടാം).ഒരു സംവിധായകന്‍ എന്ന നിലയിലേക്ക് മാറിയ താങ്കള്‍ എന്ന് രാവണപ്രഭുവില്‍ തുടങ്ങി സ്പിരിറ്റില്‍ എത്തി നില്‍ക്കുകയാണല്ലോ. ഇതില്‍ കയ്യൊപ്പ് മുതല്‍ സ്പിരിറ്റ്‌ വരെ താങ്കള്‍ മാറി ചിന്തിക്കുകയാണെന്നും പുതിയ ഒരു വഴി വെട്ടി തുറക്കുകയാണെന്നും ഒക്കെയാണ് മാധ്യമങ്ങള്‍ വഴി ഞാന്‍ മനസിലാക്കുന്നത്‌. അതൊക്കെ തികച്ചും താങ്കളുടെ ഇഷ്ടവും വ്യക്തി സ്വാതന്ത്ര്യവും ആണെന്ന് ഞാന്‍ വിശ്വസിക്കുന്നു. അപ്പോള്‍ പിന്നെ എവിടെയാണ് പ്രശ്നം? താങ്കളുടെ അവസാന ചിത്രമായ സ്പിരിറ്റ്‌ എന്ന സാമൂഹ്യ പ്രതിബദ്ധത നിറഞ്ഞൊഴുകുന്നത് എന്ന് കേരളത്തിലെ മന്ത്രിമാര്‍ പോലും അഭിപ്രായപ്പെടുന്ന ചിത്രത്തെ കുറിച്ചാണ് എനിക്ക് സംസരിക്കാനുള്ളത് .
താങ്കളുടെ തൊട്ടു മുന്‍പിറങ്ങിയ ഇന്ത്യന്‍ റുപ്പി എന്ന ചിത്രം കഴിഞ്ഞ വര്‍ഷത്തെ നല്ല അഭിപ്രായം നേടിയ ചിത്രങ്ങളില്‍ ഒന്നായിരുന്നു. എനിക്കും അത് തന്നെയാണ് അഭിപ്രായം (അത് പ്രിത്വിരാജ് എന്ന നടന്‍ ഉള്ളത് കൊണ്ടാണ് എന്ന് ആരോപിക്കപ്പെട്ടെക്കാം . പ്രസ്തുത ചിത്രത്തില്‍ സമകാലീനമായ ഒരു വിഷയവും ഈ ലോകത്ത് നമുക്ക് ചുറ്റും കാണുന്ന മനുഷ്യരും കഥാപാത്രങ്ങള്‍ ആയി ഉണ്ടായിരുന്നു എന്നതാണ് കാരണമായി എനിക്ക് തോന്നിയത്).അപ്പോള്‍ ന്യായമായ ഒരു ചോദ്യം മദ്യപാനം മറ്റൊരു സാമൂഹ്യ പ്രശ്നം അല്ലെ എന്നുള്ളതാണ്.തീര്‍ച്ചയായും അതെ പക്ഷെ തികഞ്ഞ ലാഘവത്തോടെയാണ് താങ്കള്‍ പ്രസ്തുത വിഷയത്തെ സമീപിച്ചിരിക്കുന്നത് എന്നാണ് ചിത്രം കണ്ട എനിക്ക് തോന്നിയത്.(ഇന്നത്തെ ചിന്താവിഷയം എന്ന ചിത്രത്തില്‍ സത്യന് സംഭവിച്ച അതെ പ്രശ്നം. വര്‍ധിച്ചു വരുന്ന വിവാഹമോചന നിരക്ക് ഒരു സാമൂഹ്യ പ്രശ്നം ആണ് എന്നിരിക്കെ ചിന്താവിഷയം കണ്ടവര്‍ ബോറടിച്ചു പണ്ടാരം അടങ്ങുന്ന അവസ്ഥ).
താങ്കളുടെ ചിത്രത്തിനെതിരെ ഇങ്ങനെ ഒരു അഭിപ്രായം പറയുന്ന സ്ഥിതിക്ക് അത് വിശദീകരിക്കാനും ഞാന്‍ ബാധ്യസ്ഥന്‍ ആണല്ലോ.ഒരു രാജ്യത്തു അടിസ്ഥാന പരമായി അടിസ്ഥാനവര്‍ഗം,മധ്യവര്‍ഗം,ഉന്നതവര്‍ഗം എന്ന് തിരിക്കാമല്ലോ.കേരളത്തില്‍ കഴിഞ്ഞ ഒരു പത്തു വര്‍ഷത്തിനുള്ളില്‍ കേരളത്തിലെ യഥാര്‍ത്ഥ ഭൂരിപക്ഷ വിഭാഗമായ മിഡില്‍ ക്ലാസിനു മദ്യത്തോടുള്ള സമീപനത്തില്‍ വന്ന മാറ്റമാണ് കേരളത്തിലെ മദ്യ ഉപഭോഗത്തില്‍ വന്ന വന്‍പിച്ച മാറ്റത്തിനു കാരണം എന്ന് ഞാന്‍ കരുതുന്നു.ഉദാഹരണമായി രാത്രി പാര്‍ട്ടി കഴിഞ്ഞു വരുന്ന ഐ റ്റി മകന്‍റെ മദ്യഗന്ധം അറിയുന്നില്ല എന്ന് ഭാവിക്കുന്ന,അതിനെ കുറിച്ച് വ്യകുലപ്പെടാത്ത , മാതാപിതാക്കള്‍ തുടങ്ങി "വല്ലപ്പോഴും,വല്ല പാര്‍ട്ടിക്കോ മറ്റോ പോയാല്‍ അല്‍പ്പം കഴിക്കുന്നതില്‍ വിരോധം ഇല്ല. സ്ഥിരം ആകരുത്" എന്ന് ഭാവിവര സങ്കല്പം പറയുന്ന അവിവാഹിതയായ ചെറുപ്പക്കാരി വരെ ഇതിനു ഉദാഹരണമാണ്‌.പത്തു കൊല്ലം മുന്‍പ് ഇങ്ങനെ ആയിരുന്നില്ല അവസ്ഥ.കള്ളുഷാപ്പിനു അടുത്ത് വെച്ച് കണ്ടിട്ടുണ്ട് എന്ന ഒറ്റ കാരണം കൊണ്ട് കല്യാണ ആലോചന മുടങ്ങിയ കാലത്ത് നിന്ന് സ്ത്രീകളില്‍ മദ്യപാന ശീലം കൂടുന്നു എന്ന് റിപ്പോര്‍ട്ട്‌ ചെയ്യപ്പെടുന്ന കാലത്താണ് നാം എന്ന് ജീവിക്കുന്നത്.
കാടു കയറി പോകുന്നു നമുക്ക് ഈ ചിത്രത്തിലേക്ക് വരാം.ഈ ചിത്രത്തിലെ സകല കഥാപാത്രങ്ങളും മദ്യപിക്കുന്നവരാണ്.എന്‍റെ ഓര്‍മ്മ ശരിയാണെങ്കില്‍ ആ ചിത്രത്തില്‍ മദ്യപിക്കാത്തതായി കല്‍പ്പന അവതരിപ്പിക്കുന്ന സുമതി എന്ന കഥാപാത്രം മാത്രമേ ഉള്ളു.ശരി ഇനി കഥ.രഘുനന്ദന് എന്ന നായക കഥാപാത്രം,വിദേശത്ത് ബാങ്കിലും പിന്നെ ചില പത്രങ്ങളിലും ഒക്കെ പണിയെടുത്തു പതിവ് പോലെ ആ നാട്ടിലെ ആബാല വൃദ്ധം ജനങ്ങളും ഹോ എന്തൊരു സംഭവം എന്ന് വിളിക്കുന്ന ആളാണല്ലോ.അദേഹം.ഒരു പൈസ പോലും പ്രതിഫലമായി വാങ്ങാതെ ഒരു ചാനലിനെ നില നിര്‍ത്തി കൊണ്ട് പോകുന്ന ടോക്ക് ഷോ എന്ന് പറഞ്ഞു കാണിക്കുന്നത് പച്ച മലയാളത്തില്‍ പറഞ്ഞാല്‍ യാതൊരു നിലവാരവും ഇല്ലാത്ത പരിപാടി അല്ലെ? ആ പരിപാടിയില്‍ ഉടനീളം രഘുനന്ദന്‍റെ മൂന്നാം കിട ഷൈനിംഗ് അല്ലാതെ മറ്റു എന്തെങ്കിലും നടക്കുന്നുണ്ടോ? (സത്യമേവ ജയതേ പോലുള്ള പരിപാടികള്‍ പോലും നാലാം ദിവസം മടുക്കുന്ന നാടാണ്‌ ഇതു എന്നോര്‍ക്കുക) ശരി മദ്യത്തിനു അടിമയായ അയാള്‍ അങ്ങനെ ഒക്കെ ചെയുന്നു എന്ന് കരുതുക.ഈ ഭൂമി മലയാളത്തിലെ മുഴുവന്‍ ജനങ്ങളും അത് കണ്ടു ഹോ എന്തൊരു സംഭവം (വീണ്ടും) എന്ന് പറയുന്നു എന്ന് കാണിക്കുന്നത് പാവം വിനയന്‍ സാറു പോലും ചിന്തിക്കാത്ത കാര്യമല്ലേ?
ഈ ചിത്രത്തില്‍ ഉടനീളം നായകന് തന്‍റെ ടോക്ക് ഷോയിലൂടെ സദാചാര പോലീസ് കളിക്കുകയാണ്.ആദ്യത്തേത് സുരാജ് അവതരിപ്പിക്കുന്ന മന്ത്രി.പ്രായപൂര്‍ത്തി അയ അയാള്‍ അയാള്‍ പോയ രാജ്യത്തെ നിയമം അനുവദിക്കുന്ന രീതിയില്‍ ആരെങ്കിലുമായി ശാരീരിക ബന്ധം പുലര്‍ത്തി എന്നത് തികച്ചും അയാളുടെ വ്യക്തിപരമായ കാര്യമാണ്.അതിന്‍റെ ഫോട്ടോ എടുത്തു ഇരയെ ക്ഷണിച്ചു വരുത്തി ലോകത്തിന്റെ മുന്നില്‍ വെച്ച് പ്രദര്‍ശിപ്പിച്ചു മിടുക്കന്‍ ആകുന്ന നായകന് തികച്ചും യാധാര്ത്യ ബോധം ഉള്ള പാത്ര സൃഷ്ട്ടി തന്നെയാണ് .കേരളത്തില്‍ ഉറപ്പായും ഇതു നടക്കും !!! അതിലും കഷ്ട്ടമാണ് ഷോപ്പിംഗ്‌ മാളില്‍ തന്നെ തോണ്ടാന്‍ ശ്രമിച്ച ഒരുത്തന്നെ ഓടിച്ചിട്ട്‌ പിടിച്ചു രണ്ടു കൊടുക്കുന്ന പോലീസ് ഉദ്യോഗസ്ഥയെ ടോക്ക് ഷോയില്‍ നായകന് നേരിടുന്നത്.ഒരു സ്ത്രീ എന്ന നിലയ്ക്ക് തന്‍റെ നേര്‍ക്ക്‌ നടന്ന കയ്യേറ്റ ശ്രമത്തെ ചെറുത്ത അവരുടെ മുന്നിലും നായകന് തന്‍റെ ഷൈന്‍ ചെയ്യാനുള്ള ശ്രമം വിടുന്നില്ല.നായകനല്ലേ എന്ന് കരുതി പോലീസുകാരി പോലും ഒതുങ്ങി നില്‍ക്കുന്ന കാഴ്ചയാണ് കാണുന്നത് (മന്ത്രി ഒതുങ്ങുന്നു പിന്നെ അല്ലെ പോലീസ് !!!).സ്വന്തം ശരീരത്തില്‍ അനുവാദമില്ലാതെ പിടിക്കാന്‍ വന്ന ചെറുക്കനെ (അത് റെക്കോര്‍ഡ്‌ ചെയ്യാന്‍ വേറെ ഒരുത്തനും കൂടി ഉണ്ട് ) ഒറ്റയ്ക്ക് നേരിടുന്ന പോലീസുകാരിയോട് നിങ്ങള്ക്ക് ഒരു വേശ്യാലയം തുറന്നു കൊടുത്താല്‍ ഇങ്ങനത്തെ പ്രശ്നങ്ങള്‍ ഒഴിവാക്കികൂടെ എന്ന് ചോദിക്കുന്ന ബുദ്ധി ജീവിനായകനെ ഒരു സ്ത്രീ പക്ഷ ബൂലോകനാറിയും (മഹാനുഭാവന്‍ /ഭാവ എന്ന് വായിക്കാന്‍ അപേക്ഷ) ചോദ്യം ചെയ്തു കാണുന്നില്ല .കഷ്ട്ടം !!!! (ഒരു ആശയം എന്ന നിലയ്ക്ക് അതിനോട് യോജിപ്പുണ്ട് പക്ഷെ ചിത്രത്തില്‍ കാണിക്കുന്ന സാഹചര്യത്തില്‍ അത് ചോദിക്കാനുള്ള പ്രസക്തി മനസിലായില്ല )
ഈ ചിത്രവുമായി ബന്ധപെട്ടു ആരെയെങ്ങിലും അഭിനന്ദിക്കാന്‍ ഉണ്ടെങ്കില്‍ അത് ശ്രീ പ്രകാശ്‌ രാജിനെ ആണ് എന്നാണ് എന്‍റെ അഭിപ്രായം.ശങ്കര്‍ രാമകൃഷ്ണന്‍ അവതരിപ്പിക്കുന്ന തികച്ചും നിര്‍ഗുണം എന്ന് വിശേഷിപ്പിക്കാവുന്ന അലെക്സിയെ അവതരിപ്പിച്ചു സമയം പഴക്കാത്ത അദ്ദേഹത്തോട് എനിക്ക് ബഹുമാനം ഉണ്ട് .
ഇനി ചിത്രത്തിന്‍റെ രണ്ടാം പകുതി.സുഹൃത്ത്‌ ചോര തുപ്പി മരിച്ചു വീഴുന്ന കണ്ടു മദ്യപാനം നിര്‍ത്തുന്ന നായകന് പഴയ സദാചാര പോലീസ് പരിപാടി തുടരുന്നു.അദേഹത്തിന് ചുറ്റുമുള്ള മദ്യപാനികളായ ആരും മദ്യപിക്കുന്നത് അദേഹത്തിന് വിഷയമല്ല .മറിച്ചു അവരുടെ ഉന്നത സമൂഹത്തില്‍ വന്നു പോകുന്ന പ്ലംബര്‍ മണിയന്‍ ആണ് അദേഹത്തിന്‍റെ അടുത്ത ഇര.ഇയാളെ പിന്തുടര്‍ന്ന് ഇയാള്‍ മദ്യപിക്കുന്ന രംഗങ്ങള്‍ മുഴുവനും റെക്കോര്‍ഡ്‌ ചെയ്തു പോരാത്തതിനു അയാളുടെ വീട്ടില്‍ അതിക്രമിച്ചു കയറി ഒളി ക്യാമറ സ്ഥാപിച്ചു അയാള്‍ മദ്യപിച്ചു വന്നു ഭാര്യയെ തല്ലുന്ന രംഗം ഉള്‍പ്പെടെ ലോകത്തിനു മുന്നില്‍ പ്രദര്‍ശിപ്പിച്ചു ഷൈന്‍ ചെയ്തതിനു ശേഷം മണിയനെ പുനരധിവാസ കേന്ദ്രത്തില്‍ എത്തിക്കുന്നു.നാളെ നിങ്ങള്‍ ഗാര്‍ഹിക പീഡനം നടത്തുന്നോ എന്ന് പരിശോധിക്കാന്‍ ഏതേലും ചാനല്‍ക്കാര്‍ നിങ്ങളുടെ കിടപ്പ് മുറിയില്‍ ഒളിക്യാമറ വെച്ച് അവിടെ നടക്കുന്നത് ലോകത്തിനു മുഴുവന്‍ കാണിച്ചു ലോക മനസാക്ഷിയെ കുലുക്കി ഉണര്‍ത്താന്‍ തീരുമാനിച്ചാല്‍ തികഞ്ഞു.സംപ്രേക്ഷണം ചെയുമ്പോള്‍ അവതാരകന്‍ ഇതു തെറ്റാണെന്ന് എനിക്കറിയാം എന്നാലും നിങ്ങള്‍ ഇതു കാണണം എന്ന് പറഞ്ഞാല്‍ മതിയല്ലോ .നന്ദിയുണ്ട് സുഹൃത്തേ ഒരായിരം നന്ദി !!!
സിനിമയില്‍ സന്ദേശം എന്ന് പറയുന്നതിനോട് എനിക്ക് തീരെ യോജിപ്പില്ല.എന്നാല്‍ ഈ ചിത്രത്തെ കുറിച്ച് പ്രചരിപ്പിക്കപെടുന്നത് മദ്യത്തിനെതിരെ ഒള്ള ശക്തമായ സന്ദേശമാണ് ഈ ചിത്രത്തിന്‍റെ പ്രത്യേകത എന്നതാണ് . എന്നിക്ക് തോന്നിയ ഒരു കാര്യം പറഞ്ഞു കൊള്ളട്ടെ ഈ ചിത്രം പറയുന്നത് താഴേക്കിടയില്‍ ഉള്ളവന്‍ മദ്യപിക്കാന്‍ പാടില്ല എന്ന് മാത്രമാണ്. കാരണം മണിയന്‍റെ വീട്ടില്‍ മാത്രമേ പ്രശ്നങ്ങള്‍ ഉള്ളു.അയാള്‍ക്ക് മാത്രമേ ലൈംഗിക ശേഷിക്കുറവും തന്മൂലം ഭാര്യയെ സംശയവും ഉള്ളു. കൂടുതല്‍ ചിന്തിച്ചു കൂട്ടിയാല്‍ മണിയന്‍റെ ഭാര്യ മദ്യപിക്കാത്തതാണ് എല്ലാ പ്രശ്നങ്ങള്‍ക്കും കാരണം എന്നും പറയാം.കാരണം ഭാര്യയും സ്വല്‍പ്പം അടിക്കുന്ന മീര - അലെക്സി ദമ്പതികള്‍ പരമ സന്തുഷ്ടരാണ് !!!! മണിയന്‍റെ അത്ര തന്നെ മദ്യപിക്കുന്ന നായകന് ഒരു വിധത്തിലുള്ള ശേഷി കുറവും തന്മൂലം ഭാര്യയെ സംശയവും ഇല്ല. നടന്‍ മധു അവതരിപ്പിക്കുന്ന മദ്യപിക്കുന്ന റിട്ടയേര്‍ഡ്‌ നേവി ഉദ്യോഗസ്ഥനാകട്ടെ ഭാര്യ സ്ഥലം വിട്ടാല്‍ ഉടന്‍ ഉറയും വാങ്ങി പരസ്ത്രീ ബന്ധത്തിന് കുതിക്കുന്ന ആളാണ്.ചുരുക്കത്തില്‍ പറഞ്ഞാല്‍ കൈയില്‍ കാശുള്ളവന്‍ വെള്ളമടിച്ചാല്‍ കുഴപ്പമില്ല .എന്ന് വെച്ച് കണ്ട ദരിദ്രവാസികള്‍ അങ്ങനെ ചെയ്യാന്‍ പോയാല്‍ നശിച്ചു കുത്ത് പാള എടുത്തു പോകും എന്നതല്ലേ സത്യത്തില്‍ ഈ ചിത്രം നല്‍കുന്ന സന്ദേശം?
ഇനി സമൂഹത്തിന്‍റെ വീക്ഷണത്തില്‍ ഈ ചിത്രത്തെ നോക്കിയാല്‍ . (ആവര്‍ത്തനം ക്ഷമിക്കുക ) ശ്രീ ലാല്‍ജോസ് സംവിധാനം ചെയ്ത അച്ഛന്‍ ഉറങ്ങാത്ത വീട് എന്ന ചിത്രത്തിന് നികുതിയിളവ് നല്‍കണം എന്ന് മാത്രമല്ല കേരളത്തിലെ എല്ലാ വിദ്യാലയങ്ങളിലും ഈ ചിത്രം സൌജന്യമായി പ്രദര്‍ശിപ്പിക്കണം എന്നാണ് എന്‍റെ അഭിപ്രായം.പ്രേമത്തിന്റെ പേരില്‍ ഒളിച്ചോടുന്ന ഓരോ കുട്ടിയും ഒരു നിമിഷം ചിന്തിക്കാന്‍ ആ ചിത്രം ഉറപ്പായും പ്രേരകം ആയേക്കാം എന്ന് ഞ്ഞാന്‍ വിശ്വസിക്കുന്നു . എന്നാല്‍ താങ്കളുടെ ഈ ചിത്രമോ? ഏതെങ്കിലും മദ്യപാനി ഒരു നിമിഷം നായകന് നടത്തുന്ന അവസാന ഗിരി പ്രഭാഷണം ഓര്‍ത്തു വെള്ളമടി കുറയ്ക്കും എന്ന് പോലും എനിക്ക് തോന്നുന്നില്ല .അച്ഛന്‍ മകളെ പീഡിപ്പിക്കുകയും കൊണ്ടുനടന്നു വില്‍ക്കുകയും ചെയുന്ന കേസുകള്‍ റിപ്പോര്‍ട്ട്‌ ചെയ്യപ്പെടുന്ന ഈ കാലത്ത് ഒരു മദ്യപാനി വെള്ളമടിച്ചു ഭാര്യയെ തല്ലുന്ന രംഗം മനുഷ്യ മനസാക്ഷിയെ കുലുക്കി ഉണര്‍ത്തും എന്നതില്‍ ഒരു സംശവും ഇല്ല സുഹൃത്തേ. സത്യം
ഇന്ത്യന്‍ റുപ്പി എന്ന ചിത്രത്തിലെ നായകന് പണമുണ്ടാക്കാനുള്ള പാച്ചിലില്‍ തെറ്റായ വഴികളിലൂടെ സഞ്ചരിച്ചു തുടങ്ങുകയും ഒടുവില്‍ കള്ളനോട്ടു പോലെയുള്ള ഗുരുതരമായ ഒരു കേസില്‍ അകത്താകുന്നതിന്‍റെ (എല്ലാം നഷ്ട്ടപെടുന്നതിന്‍റെ ) തൊട്ടടുത്തു വരെ എത്തി നില്‍ക്കുമ്പോളാണ് അയാള്‍ തിരിച്ചു വരാന്‍ തീരുമാനിക്കുന്നത്‌ .എന്നാല്‍ എത്രയും ലോക പരിചയവും അനുഭവങ്ങളും ഉള്ള രഘുനന്ദന് സുഹൃത്തായ സാഹിത്യകാരന്‍ ചോര തുപ്പി മരിക്കുബോളാണ് മദ്യപാനം നിര്‍ത്താന്‍ തീരുമാനിക്കുന്നത്‌ (ബുദ്ധിജീവിയായ സാഹിത്യകാരന്മാര്‍ക്ക് പണ്ടേ പറഞ്ഞിട്ടുള്ളതാണല്ലോ കുടിച്ചുള്ള മരണം !!!). ഈ ചിത്രത്തില്‍ രഘുനന്ദന് എത്ര അനായാസമായാണ് മദ്യപാനം നിര്‍ത്തുന്നത് എന്ന് നോക്കുക.അത് പോലെ മണിയനെയും ഒരു പുനരധിവാസ കേന്ദ്രത്തില്‍ എത്തിച്ചു കഴിയുന്നതോടെ ആയാലും രക്ഷപ്പെടുന്നു എന്നതാണ് സൂചന . എത്ര നിസ്സാരം ആയാണ് ഈ ചിത്രം മദ്യവിമോചനത്തെ കൈ കാര്യം ചെയുന്നത് എന്ന് കൂടി പറഞ്ഞാല്‍ ചിത്രം പൂര്‍ണമായി
ഇനി കാസ്റ്റിംഗ്.ഒരാളെ നായകന് ആക്കാന്‍ രണ്ടു കാരണങ്ങള്‍ ഉണ്ടാകാം ഒന്ന് തന്‍റെ ചിത്രത്തിന്, അഥവാ ആ കഥാപാത്രത്തെ ആ നടന്‍ അവതരിപ്പിച്ചാലെ നന്നാകു എന്ന സംവിധായകന്‍റെ തോന്നല്‍. അല്ലെങ്കില്‍ ആ നടനെ ഉദ്ധരിക്കാന്‍ നടത്തുന്ന ശ്രമം. (പാവപ്പെട്ട സംവിധായകര്‍ക്ക് ഇന്ന നടന്‍റെ ഡേറ്റ് മാത്രമേ കിട്ടിയുള്ളൂ എന്നൊരെണ്ണം കൂടി ആകാം). മധ്യ വര്‍ഗ വിഭാഗത്തില്‍ എന്ന് മദ്യപാനത്തിന് ഉള്ള സ്വീകാര്യതക്ക് ഒരു പ്രധാന പങ്കു വഹിക്കുകയും (വൈകിട്ടെന്താ പരിപാടി ) അതിനു ഈ നിമിഷം വരെ ഒരു ഖേദ പ്രകടനവും നടത്തിയിട്ടില്ലാത്ത മോഹന്‍ലാല്‍ എന്ന നടനെ രഘുനന്ദനാക്കി മദ്യപാനത്തിനെതിരെ ഗിരി പ്രഭാഷണം നടത്തിക്കുക എന്നൊക്കെ പറഞ്ഞാല്‍ കഷ്ടമല്ലേ സുഹൃത്തേ? തങ്ങളുടെ സ്ത്രീ കഥാപാത്രങ്ങള്‍ എന്നും എന്നേ ആകര്‍ഷിച്ചിട്ടുണ്ട് ആറാം തമ്പുരാന്‍ മുതല്‍ മലയാളിയുടെ , സ്വന്തം ഭാര്യ (മഞ്ജു വാരിയര്‍) അന്യന്‍റെ ഭാര്യ (പ്രിയ രാമന്‍ ) എന്നീ സ്ത്രീ സങ്കല്‍പ്പത്തില്‍ അടിയുറച്ചു നിന്നുള്ള താങ്കളുടെ സ്ത്രീ കഥാപത്രങ്ങള്‍ പ്രത്യേക പഠന വിഷയം ആയി കാണേണ്ടതാണ് എന്നാണ് എനിക്ക് തോന്നിയിട്ടുള്ളത് .എന്നാല്‍ ഈ ചിത്രത്തില്‍.ഈ രണ്ടു സ്ത്രീധാരകളും (ഇത്രയും മതിയോ എന്തോ?) ഒന്ന് ചേര്‍ന്ന് ഉണ്ടായ മീര എന്ന കനിഹ അവതരിപ്പിക്കുന്ന കഥാപാത്രം ചെലവു ചുരുക്കലിന്‍റെ ഭാഗമാണോ ?മദ്യപാനം നിര്‍ത്തിയില്ലാ യിരുന്നു എങ്കില്‍ നിന്നെ ഞാന്‍ ബാലസംഗം ചെയ്തേനെ എന്ന് എക്സ് ഭാര്യയോട്‌ പറയുകയും പ്രസ്തുത ഭാഗ്യം കിട്ടിയിരുന്നെങ്കില്‍ എന്ന ഭാവത്തില്‍ അവര്‍ നില്‍ക്കുകയും ചെയ്യുന്ന രംഗം മൊത്തമായി എടുത്താല്‍ തീര്‍ച്ചയായും ഒരു തിരകഥാകൃത്ത് എന്ന നിലക്കുള്ള തങ്ങളുടെ വളര്‍ച്ച വിളിച്ചു ഓതുന്നതാണ്‌.
നന്ദു എന്ന നടന്‍ കാഴ്ച വെച്ച ഉജ്വലമായ അഭിനയത്തെ പറ്റി ഒരു വാക്ക് പറയാതെ ഈ പോസ്റ്റ്‌ അവസാനിപ്പിക്കുന്നത് ആ നടനോട് ചെയുന്ന അനീതി ആകും .മലയാള സിനിമ ഒട്ടും ഉപയോഗിക്കാത്ത ഒരു നടനാണ് നന്ദു എന്ന സത്യം ഓര്‍മിച്ചു കൊണ്ട് തന്നെ പറയട്ടെ ഈ ചിത്രത്തില്‍ നന്ദു ഉജ്വലമായി അഭിനയിച്ചു എന്നാണ് അഭിപ്രായം എങ്കില്‍ ഇതു വരെ അഭിനയിച്ച എല്ലാ ചിത്രങ്ങളിലും ആ നടന്‍ ഉജ്വലമായ അഭിനയം ആണ് കാഴ്ച വെച്ചിരിക്കുന്നത്
താങ്കളുടെ റോക്ക് ആന്‍ഡ്‌ റോള് എന്ന ചിത്രമാണ് ന്യൂ ജനറെഷന്‍ ചിത്രങ്ങളുടെ അപ്പൂപ്പന്‍ ആണ് എന്നും പ്രജാപതിയും ചന്ദ്രോത്സവവും താങ്കള്‍ നിലനില്‍പ്പിനായി എടുത്തത്‌ എന്ന് പ്രചരിപ്പിക്കപ്പെടുന്നുണ്ട്‌.അങ്ങനെയുള്ള ഒരു സമൂഹം ഈ ചിത്രത്തെയും മഹത്തരം എന്നു വഴ്ത്തിയാല്‍ എനിക്ക് അശേഷം അത്ഭുദം ഇല്ല
എന്നു സ്വന്തം
പ്രേക്ഷകന്
അണ്ണാ എന്തോന്നിത് ? എപ്പോള്‍ എത്തി ?
ഇന്നു വന്നതേ ഉള്ളു അനിയാ.പിന്നെ ബുദ്ധി ജീവികളോടു സംസാരിക്കുമ്പോള്‍ നിന്നെ പോലുള്ള കൂറകളോട് സംസാരിക്കുന്നതു പോലെ പറ്റില്ലല്ലോ.അതാ.അതിരിക്കട്ടെ കൈയില്‍ എന്തുവാടെ ഒരു പൊതി ?
അണ്ണന്‍ വണ്ടി ഇറങ്ങുന്നത് കണ്ടപ്പോളേ ഞാന്‍ ബിവറേജസ്സിലേക്ക് വിട്ടു.കുറച്ചു കാലമായി അണ്ണന്‍ ഇല്ലാത്തത് കൊണ്ട് രണ്ടെണ്ണം അടിക്കാന്‍ ഒരു കമ്പനി ഇല്ലായിരുന്നു.ഒഴിക്കട്ടെ അണ്ണാ ?
നീ ധൈര്യമായിട്ട് ഒഴിയെടെ . രണ്ടെണ്ണം വിട്ടിട്ടു വേണം എനിക്കും ഈ പൊതുജനം എന്ന വിവര ദോഷികളെ മദ്യപിക്കുനതിനെതിരെ ഒന്ന് ഉപദേശിക്കാന്‍ . നമുക്കൊക്കെ അങ്ങനെ പലതുമാകാം ഇവനൊക്കെ അങ്ങനെ തുടങ്ങിയാലോ? ഉപദേശിച്ചു കൊല്ലും ഞാന്‍ നീ വേഗം സംഗതി ഒഴിക്കെടെ ..........
Subscribe to:
Posts (Atom)